Biblia Todo Logo
Bìoball air-loidhne

- Sanasan -




Exodo 30:10 - Ãcõrẽ Bed̶ea

10 Quera bá diabadara mʌ̃ itea bio bia b̶aida b̶ʌa. Maʌ̃ bẽrã poaza b̶arima ab̶a Aaroʌ̃ba maʌ̃ quera bá diabada cachu quĩrãca b̶ead̶e oaba soaida b̶ʌa mʌ̃ itea bia b̶amãrẽã. Maʌ̃ oara idjia edaida b̶ʌa bãrã israelerãba cadjirua oped̶ad̶a carea animarã beabʌrʌd̶e. Idji warrarãneba yõbʌdarã bid̶a ara maʌ̃ quĩrãca poaza o pananida panʌa.–

Faic an caibideil Dèan lethbhreac




Exodo 30:10
18 Iomraidhean Croise  

Idjab̶a Ãcõrẽba Moisea jarasia:


Quera bá diabadad̶e baridua quera mʌ̃a jarad̶aẽ́ra bá diarãnadua. Idjab̶a animarãda, harina od̶a sid̶a maʌ̃ ʌ̃rʌ̃ mʌ̃́a babue diarãnadua. Uva b̶a sid̶a maʌ̃ ʌ̃rʌ̃ mʌ̃́a wea diarãnadua.


Mʌ̃ wua dera bãrã dji cadjirua obadarã tãẽna b̶ʌ bẽrã Aaroʌ̃ba mãwã oaba jĩãpoida b̶ʌa. Mãwã mʌ̃ itea biara b̶ʌ dejãda mʌ̃ quĩrãpita bia b̶ʌya israelerãba cadjirua o panʌnebemada, mʌ̃ quĩrãpita biẽ́ panʌnebemada, idjab̶a mʌ̃ bed̶ea ĩjã od̶aẽ́ panʌnebema sid̶a. Mʌ̃ itea b̶ʌ dejãra ara maʌ̃ quĩrãca oida b̶ʌa mʌ̃ quĩrãpita bia b̶emãrẽã.


Mʌ̃ wua ded̶eba dajadaa zeped̶a mʌ̃ quĩrãpita b̶ʌ animarã babue diabadamaa wãida b̶ʌa bia b̶ʌi carea. Idjia paca oara, chiwatu oa sid̶a maãrĩ edaped̶a animarã babue diabadad̶e cachu quĩrãca b̶eara soaida b̶ʌa.


Nãwã jarasia: –Bʌ djaba Aaroʌ̃a jaradua mʌ̃ ded̶e wua eatʌ jira b̶ʌ jẽdaare mʌ̃ itea biara b̶ʌ dejãne baridua ewarid̶e ed̶a wãrãmãrẽã. Baridua ewarid̶e ed̶a wãsira beuya, mʌ̃ra baurude ʌ̃rʌ̃ jʌ̃rãrãne b̶ʌ bẽrã. Ab̶abe mʌ̃a b̶ʌd̶a ewarid̶e ed̶a wãida b̶ʌa.


–Poaza sietebema jed̶ecod̶e die ewari b̶ʌd̶e mʌ̃a cadjirua quĩrãdoabari ewarida bãrãba od̶ida panʌa. Maʌ̃ ewarid̶e bãrãra ne cod̶acara panʌa, ãbaa dji jʌred̶ida panʌa mʌ̃́a bia bed̶ead̶i carea, idjab̶a animarãda mʌ̃́a babue diabid̶ida panʌa.


Maʌ̃be Ãcõrẽ quĩrãpita quera bá diabadad̶e cachu quĩrãca b̶eara maʌ̃ oaba soaida b̶ʌa. Ãcõrẽ wua ded̶eba dajadaa zeped̶a dji ed̶a wãbada quĩrãpe paca oa b̶ed̶ara animarã babue diabada cob̶ʌ caita jũma weaida b̶ʌa.


Maʌ̃be quera bá diabadad̶e cachu quĩrãca b̶eara maʌ̃ oaba soaida b̶ʌa Ãcõrẽ quĩrãpita. Ãcõrẽ wua ded̶eba dajadaa zeped̶a dji ed̶a wãbada quĩrãpe paca oa b̶ed̶ara animarã babue diabada cob̶ʌ caita jũma weaida b̶ʌa.


Idji Warraba Ãcõrẽ quĩrãwãrẽã dorrodorroada unubibaria. Idjiabʌrʌ Ãcõrẽra sãwã b̶ʌda cawabibaria. Idji bed̶ea ʌb̶ʌa b̶ʌd̶eba ne jũma od̶ara ara mãwã b̶ʌa. Idjia dadjirã cadjiruara sʌgʌped̶a Ãcõrẽ dji droma b̶ʌ jʌwa araare bajãne chũmesia.


Idjira bajãnaa wãẽ́ basía idji oada b̶arima zocãrã jĩãpoi carea naʌ̃ ẽjũãnebema sacerdote dji dromaba poaza Ãcõrẽ itea biara b̶ʌ dejãne obari quĩrãca.


Baribʌrʌ dji ed̶aara b̶ʌ dejãne ab̶abe sacerdote dji dromadrʌ poaza b̶arima ab̶a ed̶a wãbadjia. Ed̶a wãbʌrʌd̶e idjia cadjirua od̶a carea idjab̶a ẽberãrãba adua panʌneba cadjirua oped̶ad̶a carea bid̶a animarã oada Ãcõrẽ quĩrãpita jĩãpoi carea edebadjia.


Mãwãnacarea dewarabema nezocaba idji cachiruda zásia. Maʌ̃ne Ãcõrẽ quĩrãpita quera babada oro od̶a cachu quĩmãrẽ panʌareba ab̶a bed̶ea b̶ʌda mʌ̃a ũrĩsia.


Lean sinn:

Sanasan


Sanasan