Exodo 3:9 - Ãcõrẽ Bed̶ea

⁹ Israelerãba quĩrã djuburia iwid̶i panʌra mʌ̃a ũrĩ b̶ʌa. Idjab̶a unu b̶ʌa egiptorãba ãdjirãra bia mĩga eropanʌda.

Exodo 3:9 Iomraidhean Croise

Genesi 16:11

Idjab̶a jarasia: Bʌ b̶iogoa b̶ʌra umaquĩrã warrada toya. Maʌ̃ warrara trʌ̃ b̶ʌdua Ismael, mʌ̃a bʌ bia mĩga b̶ʌd̶ebemada ũrĩna bẽrã.

Genesi 31:12

Maʌ̃ne idjia jarasia: “Mʌ̃ra bʌa Beteld̶e ununa Ãcõrẽa. Maʌ̃ Beteld̶e bʌa mõgara ʌ̃rʌ̃ nedraga wead̶ama bʌa wãrãneba jarasia mʌ̃a bʌda wagaibʌrʌ, bʌa mʌ̃drʌ ĩjã b̶aida. Bio acʌdua animarãra warra o b̶eada. Dji umaquĩrãra jũma gorogoroa b̶eaa, patrupatrua b̶eaa, idjab̶a bagabaga b̶eaa. Mãwã mʌ̃a bʌra careba b̶ʌa Labaʌ̃ba bʌra biẽ́ o b̶ʌ bẽrã. Jãʌ̃be piradrʌped̶a namaʌba bʌ tod̶a druad̶aa wãdua.”–

Exodo 1:11

Maʌ̃ carea egiptorãba israelerãa traju zareada õgo obid̶i carea dji bororãda b̶ʌcuasid̶aa. Maʌ̃gʌrãba israelerãa Egiptod̶ebema boro itea puruda umé obisid̶aa. Ab̶a Pitoʌ̃, ab̶a Ramese abadjid̶aa. Maʌ̃ puru umé panʌne dji boroba idji itea ewaped̶ad̶ara wagabadjia.

Exodo 1:22

Maʌ̃be Egiptod̶ebema boroba idji purua jarasia: –Hebreorãba umaquĩrã warrada tod̶ibʌrʌ daid̶u b̶atacuad̶adua, baribʌrʌ wẽrãcauda tod̶ibʌrʌ zocai b̶ʌd̶adua.–

Exodo 1:8

Mãwã b̶ʌd̶e dewara ẽberãda Egiptod̶ebema boroda b̶esia. Maʌ̃gʌba Josed̶ebemada adua b̶ad̶a bẽrã idji purua nãwã jarasia:

Exodo 2:23

Mãwãnacarea dãrãbʌrʌd̶e Egiptod̶ebema borora beusia. Baribʌrʌ egiptorãba israelerãra wad̶i zoca eropanʌ bẽrã ãdub̶a mĩã sopua bed̶eabadjid̶aa. Ãdjirãba Ãcõrẽa quĩrã djuburiada iwid̶ibadjid̶aa. Maʌ̃ra Ãcõrẽba ũrĩsia.

Exodo 2:25

Maʌ̃ bẽrã israelerã bia mĩga panʌra acʌ b̶aped̶a carebai carea b̶esia.

Exodo 3:7

Ãcõrẽba jarasia: –Mʌ̃a unu b̶ʌa mʌ̃ purura Egipto druad̶e bio bia mĩga b̶ʌda. Idjab̶a mʌ̃a ũrĩ b̶ʌa ãdjirãba quĩrã djuburiada iwid̶i panʌda. Iwid̶i panʌa mʌ̃a ãdjirãra dji traju obibada bororã jʌwaed̶abemada ẽdrʌ b̶ʌmãrẽã. Mʌ̃a cawa b̶ʌa ãdjirãra wãrãda bia mĩga panʌda.

1 Samuel 9:16

–Nu ara naʌ̃ horaca mʌ̃a Benjamiʌ̃ ẽjũãnebemada ab̶a bʌmaa diabueya. Idjidrʌ b̶ʌdua mʌ̃ puru Israel boro bamãrẽã. Idjiabʌrʌ bãrãra pilisteorã jʌwaed̶abemada ẽdrʌ b̶ʌya. Mʌ̃a unu b̶ʌa mʌ̃ purura bio bia mĩga b̶ʌda. Idjab̶a mʌ̃a ũrĩ b̶ʌa ãdjirãba quĩrã djuburiada iwid̶i panʌda.–