Exodo 3:6 - Ãcõrẽ Bed̶ea

⁶ Mʌ̃ra bʌ zezaba ĩjã b̶ad̶a Ãcõrẽa. Abrahaʌ̃ba, Isaba, idjab̶a Jacoboba mʌ̃ra ĩjã panasid̶aa.– Maʌ̃ne Moiseba Ãcõrẽra waya b̶ʌ bẽrã idji quĩrãdarrara jũãtrʌsia Ãcõrẽ acʌ amaaba.

Exodo 3:6 Iomraidhean Croise

Genesi 12:1

Ewari ab̶a Ãcõrẽba Abraʌ̃a jarasia: –Bʌ druara, bʌ ẽberãra, bʌ zeza ded̶ebemarã sid̶a ameped̶a wãdua. Mʌ̃a druada bʌ́a acʌbiya mamaa wãmãrẽã.

Genesi 12:7

Mama Ãcõrẽra Abraʌ̃ma odjaped̶a nãwã jarasia: “Mʌ̃a naʌ̃ ẽjũãra bʌd̶eba yõbʌdarãa diaya.” Maʌ̃be Abraʌ̃ba mõgarada ʌ̃tʌ pã buesia ara maʌ̃ Ãcõrẽ idjima odjad̶aa bia bed̶eai carea.

Genesi 17:3

Ara maʌ̃da Abraʌ̃ba Ãcõrẽra bio waya b̶ʌ bẽrã chĩrãborod̶e cob̶eped̶a idji dratura egorod̶aa b̶arru tẽũ cob̶esia. Maʌ̃ne Ãcõrẽba jarasia:

Genesi 24:12

Mãwã b̶ʌd̶e dji nezocaba Ãcõrẽa jarasia: –Mʌ̃ Ãcõrẽ, mʌ̃ boro Abrahaʌ̃ Ãcõrẽ, mʌ̃a bʌ́a bed̶ea djuburiaya nane bʌa quĩrĩãneba mʌ̃ boro Abrahaʌ̃ra quĩrã djuburiamãrẽã idjab̶a mʌ̃ sid̶a carebamãrẽã.

Genesi 26:24

Maʌ̃ diamasi Ãcõrẽra Isama odjaped̶a nãwã jarasia: Mʌ̃ra bʌ zeza Abrahaʌ̃ba ĩjã b̶ad̶a Ãcõrẽa. Ne wayarãdua. Mʌ̃ra bʌ ume b̶ʌa. Mʌ̃a bʌra nãwã careba b̶aya: bʌ warrarãra mʌ̃a zocãrã yõbiya mʌ̃ nezoca Abrahaʌ̃ra carebayad̶a ad̶a bẽrã.

Genesi 28:13

Idjab̶a unusia Ãcõrẽda dume borod̶e nũmʌda. Mãwã b̶ʌd̶e Ãcõrẽba jarasia: –Mʌ̃ra bʌ zezadrõã Abrahaʌ̃ Ãcõrẽa, bʌ zeza Isa Ãcõrẽa. Bʌ cãĩ b̶ʌ ẽjũãra mʌ̃a bʌ́a, bʌ warrarãa bid̶a diaya.

Genesi 28:17

Ne wayaad̶eba jarasia: “¡Nama bio minijĩchia b̶ʌa! Ãcõrẽ dera nama b̶ʌa, idjab̶a bajãnaa wãbada o sid̶a nama b̶ʌa.”

Genesi 31:42

Abrahaʌ̃ Ãcõrẽda, mʌ̃ zeza Isaba waya b̶ʌ Ãcõrẽda mʌ̃ ume b̶ad̶aẽ́bara, bʌa mʌ̃ra ne neẽ́ wãbicasia. Baribʌrʌ Ãcõrẽba mʌ̃ bia mĩga b̶ʌra, mʌ̃ bio traja b̶ʌ sid̶a unusia. Maʌ̃ carea id̶i diamasi idjia bʌra quẽãsia.–

Genesi 32:9

Maʌ̃be Jacoboba Ãcõrẽa iwid̶isia: –Mʌ̃ zezadrõã Abrahaʌ̃ Ãcõrẽ, mʌ̃ zeza Isa Ãcõrẽ, mʌ̃ Boro, bʌa mʌ̃́a jarasia: “Wãdua bʌ djibarirã druad̶aa. Mʌ̃a bʌra ne jũmane carebaya.”

1 Reye 18:36

Quewara israelerãba Ãcõrẽa animarã babue diabada horaca Elíara animarã babue diabada caita wãped̶a Ãcõrẽa nãwã iwid̶isia: “Ãcõrẽ, bʌdrʌ Abrahaʌ̃, Isa, idjab̶a Israel Ãcõrẽa. Id̶i unubidua bʌra wãrãda israelerã Ãcõrẽda idjab̶a mʌ̃ra bʌ nezocada. Unubidua bʌabʌrʌ mʌ̃́a nãwã obi b̶ʌda.

1 Reye 19:13

Maʌ̃ ũrĩbʌrʌd̶e Elíaba jʌ̃ b̶ʌba idji quĩrãdarrara jũãtrʌsia. Maʌ̃be dajadaa wãped̶a eya uria caita nũmesia. Maʌ̃ne bed̶eada ũrĩsia. Maʌ̃ba nãwã jarasia: –Elía, ¿cãrẽda nama o b̶ʌ?–

Exodo 15:2

Ãcõrẽba mʌ̃́a ʌb̶ʌada dia b̶ʌa. Idji carea mʌ̃ra trʌ̃ã b̶ʌa. Idjia mʌ̃ra ẽdrʌ edasia. Idjira mʌ̃ Ãcõrẽa. Mʌ̃a idjía bia bed̶eaya. Idjira mʌ̃ zezaba ĩjã b̶ad̶a Ãcõrẽa. Idjira dji dromaara b̶ʌad̶a aya.

Exodo 29:45

Mʌ̃ra bãrã israelerã tãẽna b̶aya idjab̶a bãrã Ãcõrẽ baya.

Exodo 3:16

Egiptod̶aa wãdua. Jãma jũẽped̶a israelerã bororã ume bed̶eadua. Ãdjirãa jaradua: “Dadji Boro Ãcõrẽba mʌ̃́a ara idjida unubisia. Dadji drõã naẽnabema Abrahaʌ̃ba, Isaba, idjab̶a Jacoboba idjira ĩjã panasid̶aa. Idjia nãwã jarasia: mʌ̃a bãrã israelerãra acʌ b̶ʌ bẽrã unu b̶ʌa egiptorãba bãrãra biẽ́ o panʌda.

Exodo 33:20

Baribʌrʌ mʌ̃ quĩrãdarrada bʌa poya unuẽ́a. Bariduaba mʌ̃da unusira beuya.–

Exodo 4:5

Maʌ̃be Ãcõrẽba Moisea jarasia: –Bʌa maʌ̃da osira israelerãba ĩjãnia mʌ̃a ara mʌ̃djida bʌ́a unubisida. Cawad̶ia mʌ̃ra ãdji drõã naẽnabemarã Abrahaʌ̃ba, Isaba, idjab̶a Jacobo bid̶a ĩjã panana Ãcõrẽda.–

Mateo 17:6

Maʌ̃ ũrĩsid̶ad̶e ne wayaaba egode b̶arrub̶ari tapanesid̶aa.

Mateo 22:32

Nãwã jarasia: “Mʌ̃ra Abrahaʌ̃ Ãcõrẽa, Isa Ãcõrẽa, idjab̶a Jacobo Ãcõrẽa.” Idjira beu b̶ea Ãcõrẽẽ́a, ãtebʌrʌ zocai b̶ea Ãcõrẽa.–

Marco 12:26

¿Bãrãba beuped̶ad̶arã ʌ̃rẽbad̶id̶ebemada Moise cartad̶e acʌd̶acaca? Ãcõrẽba bacuru zaque uruga nũmʌneba Moisea jarasia: “Mʌ̃ra Abrahaʌ̃ Ãcõrẽa, Isa Ãcõrẽa, idjab̶a Jacobo Ãcõrẽa.”

Luca 20:37

Maʌ̃ awara Moiseba bacuru zaque uruga nũmʌnebemada cartad̶e b̶ʌsid̶e cawabisia beud̶arãra ʌ̃rẽbad̶ida. Idjia Ãcõrẽra nãwã trʌ̃ jarasia: Abrahaʌ̃ Ãcõrẽ, Isa Ãcõrẽ, idjab̶a Jacobo Ãcõrẽ.

Luca 5:8

Simoʌ̃ Pedroba idji ume panʌ bid̶a b̶eda zocãrã jidaped̶ad̶a unusid̶ad̶e cawa crĩchad̶aẽ́ basía. Idji ume panʌra Santiago idjab̶a Juaʌ̃ basía. Ãdjira Zebedeo warrarã basía. Maʌ̃ne Simoʌ̃ra Jesu caita wãped̶a chĩrãborod̶e cob̶eped̶a jarasia: –Mʌ̃ Boro, biara b̶ʌa bʌra mʌ̃ caitabemada ãyã wãida, mʌ̃ra cadjirua obari bẽrã.– Jesuba Simoʌ̃a jarasia: –Dauperarãdua, id̶iba ʌ̃taa bʌra mʌ̃ itea ẽberã enebarida b̶eya.–

Hecho 7:32

Ãcõrẽba idjía nãwã jarasia: “Mʌ̃ra bʌ drõã naẽnabemarãba ĩjã panana Ãcõrẽa. Abrahaʌ̃ba, Isaba, Jacobo bid̶a mʌ̃ra ĩjã panasid̶aa.” Maʌ̃ ũrĩsid̶e Moisera ne wayaaba ure nũmesia. Maʌ̃ba araa acʌida waya b̶asia.

Hecho 7:34

Mʌ̃a unu b̶ʌa mʌ̃ purura Egipto druad̶e bio bia mĩga b̶ʌda. Idjab̶a mʌ̃a ũrĩ b̶ʌa ãdub̶a mĩã sopua bed̶ea panʌda. Maʌ̃ bẽrã mʌ̃ra ze b̶ʌa ãdjirã ẽdrʌ b̶ʌi carea. Mʌ̃a bʌra Egiptod̶aa diabueya.”

Hebreo 11:16

Baribʌrʌ drua biara b̶ʌ bajãne b̶ʌda quĩrĩã panasid̶aa. Maʌ̃ carea Ãcõrẽra peracaa idjira ãdjirã Ãcõrẽ abʌdad̶e. Idjia puruda ãdjirã itea bajãne o erob̶ʌa.

Hebreo 12:21

Israelerãba unu panʌra bio minijĩchia b̶ʌ bẽrã Moiseba nãwã jarasia: “Mʌ̃ra ne wayaaba ure nũmʌa.”

Apocalipsi 1:17

Idji unusid̶e ne wayaaba mʌ̃ra idji jĩrũ caita beud̶a quĩrãca egode tab̶esia. Baribʌrʌ idji jʌwa araarebemada mʌ̃ ʌ̃rʌ̃ b̶ʌped̶a jarasia: “Ne wayarãdua. Mʌ̃ra dji naãrãbemaa idjab̶a dji jĩrũarebemaa.

Juece 13:22

Maʌ̃ne idji quimaa nãwã jarasia: –Ãcõrẽda unuped̶ad̶a bẽrã dadjira beud̶ia.–