Exodo 3:5 - Ãcõrẽ Bed̶ea

⁵ Maʌ̃ne Ãcõrẽba idjía jarasia: –¡Caitaara zerãdua! Nama bʌra mʌ̃ quĩrãpita b̶ʌ bẽrã bʌ jĩrũ jãne jʌ̃ b̶ʌra ẽrãdua.

Exodo 3:5 Iomraidhean Croise

Exodo 19:12

Idjab̶a naʌ̃ eya carra sẽyãda aud̶u jũrã b̶ʌdua. Israelerãra maʌ̃ sẽyã b̶ʌd̶eba ed̶aa wãnacara panʌa. Ãdjirãa jaradua: “Naʌ̃ eyad̶e ʌ̃taa bãrãra wãnacara panʌa ni dji carraya bid̶a wãnacara panʌa. Bariduada wãibʌrʌ wãrãda beuida b̶ʌa.”

Exodo 19:21

Maʌ̃ne Ãcõrẽba Moisea jarasia: –Israelerãmaa ed̶aa wãdua. Ãdjirãa jaradua naʌ̃ eya carra aud̶u jũrã b̶ʌ sẽyãneba ed̶aa zecara panʌda mʌ̃ acʌd̶i carea. Mãwã od̶ibʌrʌ beud̶ia.

Exodo 4:28

Maʌ̃be Moiseba Aaroʌ̃a jũma nẽbʌrʌsia Ãcõrẽba Egiptod̶e jarabi b̶ʌda idjab̶a ne ununaca obi b̶ʌ sid̶a.

Levitico 10:3

Maʌ̃be Moiseba Aaroʌ̃a jarasia: –Naʌ̃ra jãwãsia Ãcõrẽba jarad̶a quĩrãca oped̶ad̶aẽ́ bẽrã. Ãcõrẽba nãwã jarasia: Mʌ̃ caita zebʌdaba mʌ̃ra waya pananida panʌa. Mʌ̃drʌ jũmarã quĩrãpita bia jarad̶ida panʌa. Maʌ̃da ũrĩped̶a Aaroʌ̃ra chupea b̶esia.

Hecho 7:33

Maʌ̃ne dadji Boroba Moisea jarasia: “Naʌ̃ eyad̶e bʌra mʌ̃ quĩrãpita b̶ʌ bẽrã bʌ jĩrũne jʌ̃ b̶ʌra ẽrãdua.

Hebreo 12:20

Bio ne wayasid̶aa Ãcõrẽba nãwã jarad̶a bẽrã: “Baridua ẽberãda, animarã sid̶a naʌ̃ eya caita zeibʌrʌ, mõgaraba tab̶ari bead̶ida panʌa wa chaba drʌ bead̶ida panʌa.”

Josue 5:15

Maʌ̃ne Ãcõrẽ sordaorã boroba jarasia: –Bʌra Ãcõrẽ quĩrãpita b̶ʌ bẽrã bʌ jĩrũne jʌ̃ b̶ʌra ẽrãdua.– Ara maʌ̃da Josueba ĩjã osia.

2 Pedro 1:18

Daiba maʌ̃ bed̶eara wãrãda bajãnaa ũrĩsid̶aa Jesu ume Ãcõrẽ eyad̶e panasid̶ad̶e.