Exodo 3:4 - Ãcõrẽ Bed̶ea

⁴ Ãcõrẽba Moise caitaara zebʌrʌda unusid̶e maʌ̃ bacuru zaque uruga nũmʌneba trʌ̃ jarasia: –Moise, Moise.– Moiseba panusia: –Mʌ̃ra nama b̶ʌa.–

Exodo 3:4 Iomraidhean Croise

Genesi 22:1

Mãwãnacarea Ãcõrẽba nãwã osia Abrahaʌ̃ba wãrãda ĩjã b̶ʌ cawaya. Idjia Abrahaʌ̃ra trʌ̃ jarasia: –¡Abrahaʌ̃!– Abrahaʌ̃ba panusia: –¡Mʌ̃ra nama b̶ʌa!–

Genesi 22:11

Baribʌrʌ Ãcõrẽ nezocaba bajãneba trʌ̃ jarasia: –¡Abrahaʌ̃, Abrahaʌ̃!– Abrahaʌ̃ba panusia: –Mʌ̃ra nama b̶ʌa.–

Genesi 28:16

Maʌ̃ne Jacobora cãĩ b̶ad̶ada ʌ̃rʌ̃maped̶a nãwã crĩchasia: “Wãrãda Ãcõrẽra nama b̶ʌa, baribʌrʌ mʌ̃a adua b̶asia.”

Genesi 46:2

Maʌ̃ diamasi Israelba cãĩmocara quĩrãca ũrĩsia Ãcõrẽra idji ume bed̶ea b̶ʌda. Ãcõrẽba trʌ̃ jarasia: –Jacobo, Jacobo.– Jacoboba panusia: –Mʌ̃ra nama b̶ʌa.–

Exodo 19:3

Maʌ̃be Moisera Sinai eyad̶e ʌ̃taa wãsia Ãcõrẽ ume bed̶eai carea. Maʌ̃ eyad̶e Ãcõrẽba idjira trʌ̃ped̶a nãwã jarasia: –Israelerãa nãwã jaradua: “Bãrã Jacobod̶eba yõped̶ad̶arãba unusid̶aa mʌ̃a sãwã egiptorãra cawa osida. Idjab̶a unusid̶aa sãwã mʌ̃a bãrãra nama mʌ̃maa bio waga enesida nejõbʌba idji warrarãra waga enibabari quĩrãca.

Exodo 3:2

Mama Ãcõrẽba ara idjida unubisia bacuru zaqued̶e uruga nũmʌda. Moiseba unusia maʌ̃ bacurura eradrʌ nũmʌmĩna baẽ́ b̶ʌda.

Exodo 33:12

Moiseba Ãcõrẽa jarasia: –Bʌa mʌ̃́a jara b̶ʌa naʌ̃ ẽberãrãra nocod̶aa edemãrẽã. Baribʌrʌ bʌa jaraẽ́ b̶ʌa caida diabueida mʌ̃ carebamãrẽã. Idjab̶a bʌa jara b̶ʌa mʌ̃ra bio cawa b̶ʌda idjab̶a bio bia unu b̶ʌda.

Exodo 4:5

Maʌ̃be Ãcõrẽba Moisea jarasia: –Bʌa maʌ̃da osira israelerãba ĩjãnia mʌ̃a ara mʌ̃djida bʌ́a unubisida. Cawad̶ia mʌ̃ra ãdji drõã naẽnabemarã Abrahaʌ̃ba, Isaba, idjab̶a Jacobo bid̶a ĩjã panana Ãcõrẽda.–

Levitico 1:1

Ãcõrẽba idji wua ded̶eba Moisea jarasia:

Hecho 10:13

Mãwã b̶ʌd̶e Pedroba bed̶eada ũrĩsia. Maʌ̃ bed̶eaba jarasia: –Pedro, piradrʌdua. Beaped̶a codua.–

Hecho 10:3

Ewari ab̶a quewara ʌ̃mãdau ʌ̃tʌed̶a Cornelioba cãĩmocara quĩrãca bajãnebema nezocada idjimaa zebʌrʌda ebud̶a unusia. Maʌ̃ba jarasia: –¡Cornelio!–

Hecho 9:4

Maʌ̃ba Saulora egode b̶aebisia. Maʌ̃ne bed̶eada ũrĩsia. Maʌ̃ bed̶eaba jarasia: –Saulo, Saulo, ¿cãrẽ cãrẽã mʌ̃ra biẽ́ oi carea ẽpẽ b̶ʌ?–

1 Samuel 3:10

Maʌ̃ne Ãcõrẽra wayacusa zeped̶a Samuelera trʌ̃ jarasia naẽna od̶a quĩrãca: –¡Samuel! ¡Samuel!– Samuelba panusia: –Bed̶eadua mʌ̃ Boro, mʌ̃a ũrĩ b̶ʌa.–

1 Samuel 3:4

Mãwã b̶ʌd̶e Ãcõrẽba Samuelera trʌ̃ jarasia: –¡Samuel!– Samuelba panusia: –Nama b̶ʌa.–

1 Samuel 3:6

Maʌ̃ne Ãcõrẽba idjira waya trʌ̃ jarasia: –¡Samuel!– Ara maʌ̃da Samuelera piradrʌped̶a Eli b̶ʌmaa wãsia. Maʌ̃ne jarasia: –Nama b̶ʌa. ¿Cãrẽ cãrẽã trʌ̃ b̶ʌ?– Eliba panusia: –Warra, bʌra trʌ̃ẽ́ b̶ʌa. Cãĩne wãdua.–

1 Samuel 3:8

Maʌ̃be Ãcõrẽba waya Samuelera trʌ̃ jarasia. Ara maʌ̃da Samuelera piradrʌped̶a Elimaa wãsia. Maʌ̃ne jarasia: –¿Cãrẽ cãrẽã trʌ̃ b̶ʌ?– Maʌ̃nebʌrʌ Eliba cawasia Ãcõrẽbʌrʌ Samuelera trʌ̃ jara b̶ʌda.