Exodo 3:18 - Ãcõrẽ Bed̶ea

¹⁸ Bʌa jarabʌrʌra israelerã bororãba ĩjãnia. Maʌ̃be ãdjirãra bʌ ume ededua Egiptod̶ebema boromaa. Bãrãba idjía jarad̶adua: “Dai hebreorã Ãcõrẽda daima odjaped̶a jarasia idjía animarã babue diad̶e wãnamãrẽã. Maʌ̃ bẽrã dairãra ẽjũã põãsa ewaraga b̶ʌd̶e ewari ũbea idu wãbidua mãwã od̶i carea.”

Exodo 3:18 Iomraidhean Croise

Genesi 12:1

Ewari ab̶a Ãcõrẽba Abraʌ̃a jarasia: –Bʌ druara, bʌ ẽberãra, bʌ zeza ded̶ebemarã sid̶a ameped̶a wãdua. Mʌ̃a druada bʌ́a acʌbiya mamaa wãmãrẽã.

Genesi 14:13

Mãwãnacarea mĩrũ wãna ab̶aʌba Abraʌ̃a jũma nẽbʌrʌsia. Maʌ̃ ewarid̶e Abraʌ̃ “hebreo” abadara bacuruid̶a b̶ʌ ẽjũãne b̶abadjia. Maʌ̃ ẽjũãra Mamre abadjid̶aa Mamrera djibari bẽrã. Idji djabarãra Escol idjab̶a Aner basía. Maʌ̃gʌ amorreorãra Abraʌ̃are panasid̶aa.

Genesi 15:1

Mãwãnacarea Abraʌ̃ba cãĩmocara quĩrãca Ãcõrẽba idjía nãwã bed̶eabʌrʌda unusia: –Abraʌ̃, wayarãdua. Mʌ̃ra bʌ wagabaria. Mʌ̃a bʌra aud̶uara ne bara b̶ʌya.–

Genesi 17:1

Abraʌ̃ 99 poa b̶asid̶e Ãcõrẽra idjima odjaped̶a nãwã jarasia: –Mʌ̃ra ne jũma poya obari Ãcõrẽa. Bʌra mʌ̃ quĩrãpita jipa nĩbadua.

Genesi 48:3

Maʌ̃ne Josea jarasia: –Canaaʌ̃ druad̶e mʌ̃ Luz purud̶e b̶asid̶e ne jũma poya b̶ʌ Ãcõrẽra mʌ̃ma odjaped̶a mʌ̃ra nãwã bia jara b̶ʌsia:

Exodo 10:3

Ara maʌ̃da Moisera Aaroʌ̃ sid̶a Egiptod̶ebema boromaa wãnaped̶a nãwã jarasid̶aa: –Dai hebreorã Ãcõrẽba nãwã jara b̶ʌa: “¿Bʌa sãʌ̃bebʌrʌ mʌ̃ra wayai? Mʌ̃ purura idu wãbidua mʌ̃́a animarãda babue diad̶amãrẽã.

Exodo 17:5

Ãcõrẽba panusia: –Israelerã duanʌmaʌba nocod̶aa wãdua. Israelerã bororãda bʌ ume ededua. Idjab̶a bʌ bacuru Egiptod̶e Nilo dod̶e tawed̶ara bʌ jʌwad̶e ededua. Maʌ̃be wãnadua Horeb eyad̶aa.

Exodo 19:1

Israelerãra Repidiʌ̃neba wãbʌrʌd̶aped̶a Sinai ẽjũã põãsa ewaraga b̶ʌd̶e jũẽne wãsid̶aa. Jũẽnaped̶a Sinai eya caita duanesid̶aa. Ãdjirã Egiptod̶eba ẽdrʌped̶ad̶acarea jed̶eco uméne mama jũẽsid̶aa.

Exodo 25:22

Mama mʌ̃ra zeya bʌ ume bed̶eai carea. Mʌ̃ baurude ʌ̃rʌ̃ bajãnebema nezoca i bara panʌ ẽsi mʌ̃a israelerãa obi b̶ʌra cawabiya.

Exodo 3:12

Maʌ̃ne Ãcõrẽba panusia: –Wãdua. Mʌ̃ra bʌ ume b̶aya. Mʌ̃a nãwã unubiya bʌra wãrãda diabuesida. Bʌa israelerãra Egiptod̶ebemada ãyã edeped̶a bãrãba naʌ̃ eyad̶e mʌ̃́a bia bed̶ead̶e zed̶ia.–

Exodo 3:16

Egiptod̶aa wãdua. Jãma jũẽped̶a israelerã bororã ume bed̶eadua. Ãdjirãa jaradua: “Dadji Boro Ãcõrẽba mʌ̃́a ara idjida unubisia. Dadji drõã naẽnabema Abrahaʌ̃ba, Isaba, idjab̶a Jacoboba idjira ĩjã panasid̶aa. Idjia nãwã jarasia: mʌ̃a bãrã israelerãra acʌ b̶ʌ bẽrã unu b̶ʌa egiptorãba bãrãra biẽ́ o panʌda.

Exodo 30:36

Maʌ̃be maãrĩ edad̶aped̶a nãũcha ʌrab̶ad̶adua. Maʌ̃ra bá nũmʌnida panʌa quera bá diabada ʌ̃rʌ̃ mʌ̃ baurude quĩrãpe. Mama mʌ̃ra bʌ ume bed̶ea b̶aya. Maʌ̃ bai careabema querara ab̶abe mʌ̃ itea b̶aya.

Exodo 30:6

Quera bá diabadara mʌ̃ wua ded̶e ed̶a b̶ʌd̶adua dji ed̶aarebema wua eatʌ jira b̶ʌ quĩrãpe. Maʌ̃ wua jẽdaare mʌ̃ baurudeda dji ʌ̃rʌ̃ cob̶ʌi bara b̶aya. Mama mʌ̃ra bʌ ume bed̶ea b̶aya.

Exodo 4:1

Baribʌrʌ Moiseba jarasia: –Israelerãba mʌ̃a jarabʌrʌra ĩjãnaẽ́a idjab̶a ũrĩ quĩrĩãnaẽ́a. Ãdjirãba jarad̶ia: “Ãcõrẽba ara idjida bʌ́a unubiẽ́ b̶ʌa.”–

Exodo 4:23

Maʌ̃ carea mʌ̃a jara b̶ʌa: mʌ̃ warrara ẽdrʌ b̶ʌdua mʌ̃́a animarãda babue diad̶e wãmãrẽã. Baribʌrʌ bʌa jarasia ẽdrʌ b̶ʌẽ́da. Maʌ̃ carea bʌ umaquĩrã warra dji nabemada beuya.”–

Exodo 4:24

Moise idji warrarã bara Egiptod̶aa wãbʌdad̶e ota cãĩsid̶aa. Mama Ãcõrẽra ãdjimaa zesia. Maʌ̃ne idjia Moisera beai basía.

Exodo 4:31

Maʌ̃ bẽrã Aaroʌ̃ba jarad̶ara ĩjãsid̶aa. Ãcõrẽba ãdji bia mĩga panʌda unuped̶a ãdjirã carebai carea b̶ʌda ĩjãsid̶aa. Maʌ̃ bẽrã chĩrãborod̶e b̶arru copanenaped̶a Ãcõrẽa bia bed̶easid̶aa.

Exodo 5:1

Mãwãnacarea Moisera, Aaroʌ̃ sid̶a Egiptod̶ebema boromaa wãnaped̶a jarasid̶aa: –Israelerã Ãcõrẽba nãwã jara b̶ʌa: “Mʌ̃ purura ẽjũã põãsa ewaraga b̶ʌd̶e idu wãbidua mʌ̃́a animarãda babue diad̶amãrẽã.”–

Exodo 5:3

Moiseba Aaroʌ̃ bid̶a jarasid̶aa: –Dai hebreorã Ãcõrẽda daima odjaped̶a jarasia idji itea animarãda babue diad̶e wãnamãrẽã. Maʌ̃ bẽrã dairãra ẽjũã põãsa ewaraga b̶ʌd̶e ewari ũbea idu wãbidua mãwã od̶i carea. Mãwã od̶aẽ́bʌrʌ, Ãcõrẽba dairãra cacua biẽ́ b̶ʌped̶a quinibiya wa necoba quenabiya.

Exodo 8:1

Maʌ̃ne Ãcõrẽba Moisea jarasia: –Egiptod̶ebema boroa nãwã jarad̶e wãdua: “Ãcõrẽba nãwã jara b̶ʌa: mʌ̃ purura idu wãbidua mʌ̃́a animarã babue diad̶amãrẽã.

Exodo 8:20

Maʌ̃be Ãcõrẽba Moisea jarasia: –Nu diaped̶ed̶a piradrʌped̶a Egiptod̶ebema boro doed̶a wãbʌrʌd̶e idjimaa wãped̶a nãwã jaradua: “Ãcõrẽba nãwã jara b̶ʌa: mʌ̃ purura idu wãbidua mʌ̃́a animarãda babue diad̶amãrẽã.

Exodo 9:1

Maʌ̃be Ãcõrẽba Moisea jarasia: –Egiptod̶ebema boroa nãwã jarad̶e wãdua: “Dai hebreorã Ãcõrẽba nãwã jara b̶ʌa: mʌ̃ purura idu wãbidua mʌ̃́a animarãda babue diad̶amãrẽã.

Exodo 9:13

Maʌ̃be Ãcõrẽba Moisea jarasia: –Nu diaped̶a Egiptod̶ebema boromaa wãped̶a jaradua: “Dai hebreorã Ãcõrẽba nãwã jara b̶ʌa: mʌ̃ purura idu wãbidua mʌ̃́a animarãda babue diad̶amãrẽã.

Numero 17:4

Maʌ̃ bacurura mʌ̃ wua ded̶e baurude quĩrãpe b̶ʌdua mʌ̃ bãrã ume bed̶eabarima.

Josue 1:17

Dairãba maʌ̃ra jũma ĩjã od̶ia, Moise bed̶ea ĩjã oped̶ad̶a quĩrãca. Dairãba quĩrĩã panʌa Ãcõrẽra bʌ ume b̶aida Moise ume b̶ad̶a quĩrãca.