Exodo 3:12 - Ãcõrẽ Bed̶ea

¹² Maʌ̃ne Ãcõrẽba panusia: –Wãdua. Mʌ̃ra bʌ ume b̶aya. Mʌ̃a nãwã unubiya bʌra wãrãda diabuesida. Bʌa israelerãra Egiptod̶ebemada ãyã edeped̶a bãrãba naʌ̃ eyad̶e mʌ̃́a bia bed̶ead̶e zed̶ia.–

Exodo 3:12 Iomraidhean Croise

Genesi 15:1

Mãwãnacarea Abraʌ̃ba cãĩmocara quĩrãca Ãcõrẽba idjía nãwã bed̶eabʌrʌda unusia: –Abraʌ̃, wayarãdua. Mʌ̃ra bʌ wagabaria. Mʌ̃a bʌra aud̶uara ne bara b̶ʌya.–

Genesi 15:8

Maʌ̃ne Abraʌ̃ba jarasia: –Mʌ̃ Boro Ãcõrẽ, ¿sãwã cawai mʌ̃a naʌ̃ ẽjũãra wãrãda edaida?–

Genesi 26:3

Bʌra drua ãĩbemamĩna nama b̶edua. Mʌ̃ra bʌ ume b̶aya. Mʌ̃a bʌra carebaya: mʌ̃a bʌ́a, bʌ warrarãa bid̶a naʌ̃ druara diaya. Mãwã mʌ̃a bʌ zeza Abrahaʌ̃a wãrãneba jarad̶ara oya.

Genesi 31:3

Mãwã b̶ʌd̶e Ãcõrẽba Jacoboa jarasia: –Wãdua bʌ djibarirã druad̶aa, bʌ ẽberãrãmaa. Mʌ̃ra bʌ ume b̶aya.–

Exodo 18:5

Ẽjũã põãsa ewaraga b̶ʌd̶e Moisera israelerã ume Ãcõrẽ eya caita duanasid̶aa. Maʌ̃ne Moise zãwãrẽ Jetroba idjía naʌ̃ bed̶eada diabuesia: “Mʌ̃da, bʌ quimada, bʌ warrarã sid̶a bʌmaa wãnia.” Maʌ̃ bed̶ea diabued̶acarea ãdjirãra Moisemaa wãsid̶aa.

Exodo 3:1

Moise zãwãrẽ Reuel Jetro abadada Madiaʌ̃nebemarã sacerdote basía. Moiseba idji ovejara wagabadjia. Ewari ab̶a Moiseba dji ovejara dewara orroare ne cobid̶e edesia. Maʌ̃ne idjira ẽjũã põãsa ewaraga b̶ʌd̶e Horeb eyad̶e jũẽne wãsia. Maʌ̃ eyara Ãcõrẽ eya abadaa.

Exodo 3:13

Baribʌrʌ Moiseba jarasia: –Israelerãmaa wãped̶a bãrã drõã naẽnabemarãba ĩjã panana Ãcõrẽba mʌ̃ra bãrãmaa diabuesiad̶a abʌrʌd̶e ãdjirãba iwid̶id̶ia: “¿Idjira casa trʌ̃bada?” Maʌ̃ne ¿mʌ̃a cãrẽda jarai?–

Exodo 33:14

Ãcõrẽba panusia: –Mʌ̃ra bʌ ume wãya necai b̶amãrẽã.–

Exodo 4:12

Bʌ bed̶eabʌrʌd̶e mʌ̃a carebaya. Mʌ̃a cawabiya bʌa cãrẽda jaraida b̶ʌda. Jãʌ̃be Egiptod̶aa wãdua.–

Exodo 4:15

Idjira Egiptod̶e bʌ cacuabari bed̶eaya. Mʌ̃a jarabi b̶ʌda bʌa idjía jaraya. Maʌ̃gʌra idjia purua jaraya. Mʌ̃a bãrãra carebaya bia bed̶ead̶amãrẽã idjab̶a cawabiya sãwãbʌrʌ od̶ida panʌda. Bʌa ãcõrẽ quĩrãca Aaroʌ̃a bed̶ea b̶aya idjab̶a idjira bʌd̶eba bed̶ea b̶aya.

Exodo 8:27

Maʌ̃ bẽrã dairãra ewari ũbea ẽjũã põãsa ewaraga b̶ʌd̶e wãnia. Mamabʌrʌ dai Ãcõrẽa animarãda babue diacuad̶ia idjia jara b̶ʌ quĩrãca.–

Numero 16:28

Maʌ̃ne Moiseba jarasia: –Nãwã bãrãba cawad̶ia ara mʌ̃djia quĩrĩã b̶ʌd̶eba bãrã boroda b̶eẽ́ basida, ãtebʌrʌ Ãcõrẽbʌrʌ mʌ̃ra b̶ʌsida:

Numero 23:21

Ãcõrẽba Jacobod̶eba yõped̶ad̶ara idu bia mĩgabiẽ́a. Idjia israelerãra idu sopuabiẽ́a. Ãcõrẽra ãdjirã ume b̶ʌa. Maʌ̃ bẽrã b̶ʌsrid̶a jara panʌa idjira ãdjirã boroda.

Mateo 28:20

Ãdjirãa jaradiad̶adua mʌ̃a bãrãa jarad̶ada jũma ĩjã od̶amãrẽã. Maʌ̃ne mʌ̃ra bãrã ume ewariza b̶aya ab̶a naʌ̃ ewari jõbʌrʌd̶aa.–

Marco 16:20

Maʌ̃be Jesuba edad̶arãba idji bed̶eara ãdji wãbʌdaza jarasid̶aa. Dadjirã Boroba ãdjirãra carebasia. Ne ununaca obi b̶ʌd̶eba cawabisia ãdjia jara panʌra wãrã arada.

Hecho 11:21

Dadji Boroba idji ʌb̶ʌad̶eba ãdjirãra carebasia. Maʌ̃ba ãdjia jara panʌra zocãrãba ĩjãsid̶aa. Ãdjia naẽna ẽpẽ pananada igarad̶aped̶a dadjirã Borora ĩjãsid̶aa.

Hecho 7:7

Baribʌrʌ Ãcõrẽba Abrahaʌ̃a nãwã jarasia: “Ãdjirã zoca eropanʌ purura mʌ̃a cawa oya. Mãwãnacarea bʌ purura ẽdrʌped̶a naʌ̃ druad̶e mʌ̃́a bia bed̶ead̶ia.”

Romano 8:31

¿Maʌ̃gʌd̶ebemada sãwã crĩcha panʌ? Ãcõrẽra dadjirãare b̶ʌ bẽrã ¿caiba dadjirãra poyai?

Hebreo 13:5

Paratara awua b̶earãnadua. Ãtebʌrʌ bãdjia erob̶eaba b̶ʌsrid̶a b̶ead̶adua Ãcõrẽba nãwã jarad̶a bẽrã: “Mʌ̃a bʌra ameẽ́a idjab̶a igaraẽ́a.”

Josue 1:5

Mʌ̃a bãrã drõãenabemarãa maʌ̃ druara diai jarasia ewariza bãrãne bamãrẽã. Bʌabʌrʌ purura edeya maʌ̃ ẽjũã edad̶amãrẽã. Maʌ̃ bẽrã ʌb̶ʌa b̶aped̶a sozarra b̶adua. Mʌ̃a bʌra bʌdub̶a ameẽ́a idjab̶a igaraẽ́a. Bʌ zocai b̶ʌmisa ni ab̶aʌba bʌra poyad̶aẽ́a. Mʌ̃ra bʌ ume b̶aya Moise ume b̶ad̶a quĩrãca.

Juece 6:12

Ãcõrẽ nezoca bajãnebemara Gedeoʌ̃ma odjasid̶e nãwã jarasia: –Ẽberã mẽsrã b̶ʌ idjab̶a sozarra b̶ʌ, Ãcõrẽra bʌ ume b̶ʌa.–

Juece 6:16

Ãcõrẽba jarasia: –Mʌ̃ra bʌ ume b̶ai bẽrã bʌa madianitarãra poyaya ẽberã ab̶a poyabʌrʌ quĩrãca.–

Juece 6:17

Maʌ̃ne Gedeoʌ̃ba jarasia: –Bʌa wãrãda mʌ̃da bia unu b̶ʌbʌrʌ, cawabidua bʌdrʌ wãrãda mʌ̃ ume bed̶ea b̶ʌda.

Juece 6:21

Maʌ̃be Ãcõrẽ nezoca bajãnebemaba nedjarara, paʌ̃ dji ẽsãbari neẽ́ b̶ʌ sid̶a bacuru quẽbʌba warasia. Ara maʌ̃ne mõgarad̶eba tʌbʌda eradrʌped̶a nedjarara, paʌ̃ sid̶a jũma bá wãsia. Mãwãbʌrʌd̶e Ãcõrẽ nezoca bajãnebema sid̶a nẽbasia.

Juece 7:11

Maʌ̃be ãdjirãba jara panʌda ũrĩdua. Maʌ̃ba bʌra sozarraara b̶eya ãdjirã ume djõi carea.– Ara maʌ̃da Gedeoʌ̃ra idji nezoca Purá ume ed̶aa wãsia madianitarã panʌ caita.