Exodo 3:10 - Ãcõrẽ Bed̶ea

¹⁰ Maʌ̃ carea mʌ̃a bʌra Egiptod̶ebema boromaa diabueya. Idjía jaradua mʌ̃ puru Israel ẽdrʌ b̶ʌmãrẽã. Ẽdrʌ b̶ʌsira ãdjirãra Egiptod̶ebemada ãyã pe ededua.–

Exodo 3:10 Iomraidhean Croise

Genesi 15:13

Mãwã b̶ʌd̶e Ãcõrẽba Abraʌ̃a jarasia: –Bʌra drõã b̶ed̶acarea necai waraga jaid̶aped̶a tʌb̶arid̶ia. Baribʌrʌ cawa b̶adua bʌd̶eba yõi purura djãrã druad̶e b̶aida. Maʌ̃ druad̶ebemarãba ãdjirãra nezocarãda b̶ʌd̶aped̶a cuatrociento poa bia mĩga eropanania. Baribʌrʌ ãdjirã biẽ́ o panʌra mʌ̃a biẽ́ b̶ʌya. Maʌ̃be bʌd̶eba yõi purura mamaʌba ne bara ẽdrʌya.

Exodo 12:40

Egiptod̶e israelerãra cuatrociento treinta poa panasid̶aa.

Exodo 12:41

Maʌ̃ cuatrociento treinta poa daucha jũẽsid̶e israelerãra Ãcõrẽ sordaorã quĩrãca Egipto druad̶eba jũma ẽdrʌsid̶aa.

Exodo 33:12

Moiseba Ãcõrẽa jarasia: –Bʌa mʌ̃́a jara b̶ʌa naʌ̃ ẽberãrãra nocod̶aa edemãrẽã. Baribʌrʌ bʌa jaraẽ́ b̶ʌa caida diabueida mʌ̃ carebamãrẽã. Idjab̶a bʌa jara b̶ʌa mʌ̃ra bio cawa b̶ʌda idjab̶a bio bia unu b̶ʌda.

Exodo 33:13

Wãrãda mãwã baibʌrʌ, bʌa oi crĩcha b̶ʌda mʌ̃́a cawabidua. Mãwã mʌ̃a bʌra biara cawaya idjab̶a bʌa mʌ̃ra bia unu b̶eya. Quĩrãnebadua naʌ̃ ẽberãrãra bʌreda.–

Exodo 6:26

Ãcõrẽba maʌ̃ Aaroʌ̃a, Moisea bid̶a jarasia israelerã Egiptod̶eba ẽdrʌ eded̶amãrẽã sordaorã djõne wãbada quĩrãca.

Hecho 7:34

Mʌ̃a unu b̶ʌa mʌ̃ purura Egipto druad̶e bio bia mĩga b̶ʌda. Idjab̶a mʌ̃a ũrĩ b̶ʌa ãdub̶a mĩã sopua bed̶ea panʌda. Maʌ̃ bẽrã mʌ̃ra ze b̶ʌa ãdjirã ẽdrʌ b̶ʌi carea. Mʌ̃a bʌra Egiptod̶aa diabueya.”

Hecho 7:36

Moiseba zocãrã ne ununaca o b̶ʌd̶eba dadji drõã naẽnabemarãra Egiptod̶ebemada ẽdrʌ enesia. Pusa Purrud̶e ne ununacada osia bia chãni carea. Idjab̶a cuarenta poa ẽjũã põãsa ewaraga b̶ʌd̶e bid̶a ne ununacada obadjia.

Hecho 7:6

Idjab̶a Ãcõrẽba Abrahaʌ̃a jarasia idjid̶eba yõbʌrʌ purura djãrã druad̶e b̶aida, mama djãrã nezocarãda b̶ead̶ida, idjab̶a maʌ̃ ẽberãrãba ãdjirãra cuatrociento poa biẽ́ eropananida.

Hecho 7:7

Baribʌrʌ Ãcõrẽba Abrahaʌ̃a nãwã jarasia: “Ãdjirã zoca eropanʌ purura mʌ̃a cawa oya. Mãwãnacarea bʌ purura ẽdrʌped̶a naʌ̃ druad̶e mʌ̃́a bia bed̶ead̶ia.”

Juece 6:14

Maʌ̃ne Ãcõrẽba Gedeoʌ̃ acʌped̶a nãwã jarasia: –Bʌ ʌb̶ʌad̶eba israelerãra madianitarã jʌwaed̶abemada ẽdrʌ b̶ʌdua. ¿Mʌ̃abʌrʌ bʌra wãbi b̶ʌẽ́ca?–

1 Samuel 12:6

Maʌ̃be Samuelba jarasia: –Ãcõrẽbʌrʌ Moiseda, Aaroʌ̃ sid̶a edaped̶a dadji drõã naẽnabemarãra Egiptod̶eba ẽdrʌ enesia.

1 Samuel 12:8

Jacobo Egiptod̶e b̶ad̶e wãnacarea egiptorãba idjid̶eba yõped̶ad̶arãda biẽ́ osid̶aa. Maʌ̃ bẽrã ãdjirãba Ãcõrẽa quĩrã djuburiada iwid̶id̶aped̶a idjia Moiseda Aaroʌ̃ sid̶a ãdjirãmaa diabuesia. Maʌ̃be Moiseba Aaroʌ̃ ume bãrã drõã naẽnabemarãra Egiptod̶eba ẽdrʌ enesid̶aa naʌ̃ ẽjũãne pananamãrẽã.