Exodo 3:1 - Ãcõrẽ Bed̶ea

¹ Moise zãwãrẽ Reuel Jetro abadada Madiaʌ̃nebemarã sacerdote basía. Moiseba idji ovejara wagabadjia. Ewari ab̶a Moiseba dji ovejara dewara orroare ne cobid̶e edesia. Maʌ̃ne idjira ẽjũã põãsa ewaraga b̶ʌd̶e Horeb eyad̶e jũẽne wãsia. Maʌ̃ eyara Ãcõrẽ eya abadaa.

Exodo 3:1 Iomraidhean Croise

1 Reye 19:19

Maʌ̃be Elíara Horeb eyad̶eba wãsia. Wãne Sapa warra Eliseoda, once ẽberãrã idji ume ẽjũã o panʌ sid̶a unusia. Ãdjirãza pacada umé uméa ãbaa jʌ̃ eropanasid̶aa. Maʌ̃ pacaba bacuru cũmia b̶ʌda egorod̶e erreb̶ari eronĩbasid̶aa egorora bogajud̶aped̶a ne ud̶i carea. Elíara Eliseo caita wãped̶a idjia cacuad̶e jʌ̃ b̶ʌra Eliseo ʌ̃rʌ̃ wẽã cob̶ʌsia acʌbi carea Eliseora idji cacuabari Ãcõrẽneba bed̶eabari baida. Maʌ̃be wãsia.

1 Reye 19:8

Ara maʌ̃da Elíara piradrʌped̶a ne cosia, baido sid̶a dosia. Mãwã ne cod̶aba cacua ʌb̶ʌaped̶a cuarenta ewari, ãsa, diamasi bid̶a od̶e nĩbasia ab̶a Horeb eyad̶e jũẽbʌrʌd̶aa. Maʌ̃ eyara Ãcõrẽ eya abadaa.

Exodo 17:6

Mama mõgara waib̶ʌa b̶ʌda ununia. Mʌ̃ra ara maʌ̃ mõgara ʌ̃rʌ̃ b̶aya bʌ carebai carea. Bʌ bacuruba maʌ̃ mõgarara udua. Ara maʌ̃da baidora wea dogoya israelerãba dod̶amãrẽã.– Ara maʌ̃da Moiseba israelerã bororã quĩrãpita Ãcõrẽba jarad̶a quĩrãca osia. Maʌ̃ne baidora wea dogosia jũma israelerãba dod̶amãrẽã.

Exodo 18:12

Mãwã jaraped̶a Moise zãwãrẽ Jetroba Ãcõrẽa animarãda babue diasia. Dewara animarã sid̶a Ãcõrẽa bea diasid̶e Aaroʌ̃ra, jũma israelerã bororã sid̶a idji ume ãbaa dji jʌred̶aped̶a Ãcõrẽ quĩrãpita maʌ̃ animarã djarara cosid̶aa.

Exodo 19:3

Maʌ̃be Moisera Sinai eyad̶e ʌ̃taa wãsia Ãcõrẽ ume bed̶eai carea. Maʌ̃ eyad̶e Ãcõrẽba idjira trʌ̃ped̶a nãwã jarasia: –Israelerãa nãwã jaradua: “Bãrã Jacobod̶eba yõped̶ad̶arãba unusid̶aa mʌ̃a sãwã egiptorãra cawa osida. Idjab̶a unusid̶aa sãwã mʌ̃a bãrãra nama mʌ̃maa bio waga enesida nejõbʌba idji warrarãra waga enibabari quĩrãca.

Exodo 2:16

Maʌ̃ne wẽrãrãda siete zesid̶aa. Maʌ̃ wẽrãrãra Madiaʌ̃nebema sacerdote caurã basía. Ãdjirãra zesid̶aa animarãba baido dobadad̶e baido jued̶aped̶a ãdji zeza ovejara baido dobid̶i carea.

Exodo 2:18

Mãwãnacarea dji wẽrãrã wayacusa ãdji zeza Reuelma jũẽsid̶ad̶e idjia iwid̶isia: –¿Id̶i bãrãra sãcua isabe zesid̶a?–

Exodo 2:21

Mãwã Moisera Reuel diguid̶a b̶esia. Mama b̶ʌd̶e Reuelba idji cau Seporáda Moisea diasia idji quima bamãrẽã.

Exodo 24:13

Ara maʌ̃da Moisera idji carebabari Josue ume Sinai eyad̶e ʌ̃taa wãsid̶aa Ãcõrẽ b̶ʌmaa.

Exodo 3:12

Maʌ̃ne Ãcõrẽba panusia: –Wãdua. Mʌ̃ra bʌ ume b̶aya. Mʌ̃a nãwã unubiya bʌra wãrãda diabuesida. Bʌa israelerãra Egiptod̶ebemada ãyã edeped̶a bãrãba naʌ̃ eyad̶e mʌ̃́a bia bed̶ead̶e zed̶ia.–

Exodo 3:5

Maʌ̃ne Ãcõrẽba idjía jarasia: –¡Caitaara zerãdua! Nama bʌra mʌ̃ quĩrãpita b̶ʌ bẽrã bʌ jĩrũ jãne jʌ̃ b̶ʌra ẽrãdua.

Exodo 33:6

Maʌ̃ carea israelerãba ãdji djiora jũma ẽrãcuad̶aped̶a idu b̶ʌsid̶aa Horeb eya jewed̶ad̶e duanasid̶ad̶e.

Exodo 4:18

Maʌ̃be Moisera idji zãwãrẽ Jetro abadamaa wãped̶a jarasia: –Mʌ̃ra Egiptod̶aa wãya mʌ̃ ẽberãrã acʌd̶e wad̶i zocai panʌ cawaya.– Jetroba jarasia: –Bia b̶ʌa. Necai wãdua.–

Exodo 4:27

Maʌ̃ naẽna Ãcõrẽba Aaroʌ̃a jarasia: –Ẽjũã põãsa ewaraga b̶ʌd̶e Moise acʌd̶e wãdua.– Ara maʌ̃da Aaroʌ̃ra wãped̶a Moisera unusia Ãcõrẽ eya abadama. Unuped̶a b̶ʌsrid̶aba idji uridarrad̶e isõsia.

Numero 10:29

Israelerã Sinaid̶eba ẽdrʌd̶i naẽna Moisera Hobá ume bed̶easia. Hobára Moise zãwãrẽ Reuel warra basía. Madiaʌ̃ druad̶ebema basía. Moiseba Hobáa jarasia: –Dairãra wãbʌrʌd̶ia Ãcõrẽba diai jarad̶a druad̶aa. Dairã ume wãdua. Ãcõrẽba dai israelerãa ne biada diayad̶a asia. Maʌ̃ bẽrã dairãba bʌ́a ne biada waib̶ʌa diad̶ia.–

Numero 10:33

Mãwã bed̶ead̶acarea israelerãra Sinai eya Ãcõrẽ eya abadad̶eba wãsid̶aa. Ewari ũbea nĩbasid̶aa. Mãwã nĩnane Ãcõrẽ baurudera ãdjirã na eronĩbasid̶aa cawabimãrẽã sãma ʌ̃nãũnida.

Luca 2:8

Maʌ̃ diamasi oveja wagabadarãba ãdji ovejara Beleʌ̃ caita waga panasid̶aa.

Hecho 7:30

Cuarenta poa bad̶acarea ewari ab̶a Moisera ẽjũã põãsa ewaraga b̶ʌd̶e Sinai eya caita b̶asia. Maʌ̃ne bajãnebema nezocada bacuru zaque uruga nũmʌne idjima odjasia.

Juece 4:11

Maʌ̃ ewarid̶e quenita Hebere abadada Quedes puru caita b̶abadjia. Naẽna idjira waabema quenitarã ume b̶ad̶ada Zaanaim jewed̶ad̶e idji wua dera o erob̶asia. Maʌ̃ Heberera Moise zãwãrẽ Hobád̶eba yõna basía.

1 Samuel 16:11

Maʌ̃ne Samuelba iwid̶isia: –Bʌa ¿waa warrarã neẽ́ b̶ʌca?– Jeséba panusia: –Dji jĩrũarebemada neẽ́a ovejada waga b̶ʌ bẽrã.– Maʌ̃ carea Samuelba jarasia: –Idjira jʌrʌbidua. Idji jũẽi naẽna ne cod̶aẽ́a.–