Exodo 27:4 - Ãcõrẽ Bed̶ea

^4-5 Idjab̶a jʌrrʌjʌrrʌa bronced̶eda od̶adua. Maʌ̃ jʌrrʌjʌrrʌara animarã babue diabadad̶e dji id̶eba ed̶aa ẽsidra cara b̶ʌd̶adua. Maʌ̃be pĩrũ omoa bronced̶eda quĩmãrẽ od̶aped̶a jʌrrʌjʌrrʌa b̶ʌmaa animarã babue diabada iquid̶aza cara b̶ʌd̶adua.

Exodo 27:4 Iomraidhean Croise

Exodo 25:12

Idjab̶a pĩrũ orod̶eda quĩmãrẽ omoa od̶adua. Maʌ̃ pĩrũra baurude jĩrũza cara b̶ʌd̶adua. Mãwã orroza pĩrũra umé panania.

Exodo 27:3

Idjab̶a tʌbʌ pora ãyã cuabadada, tʌbʌ pora tãĩbadada, oa piabadada, warebada mĩãsuda, tʌbʌdau edebada sid̶a jũma bronced̶eda od̶adua.

Exodo 35:16

animarã babue diabadada dji jʌrrʌjʌrrʌa bronce od̶a bara idjab̶a dji jira eded̶i bacuru bara, jũma maʌ̃ animarã babue diabadad̶ebemada, bronce od̶a ne sʌgʌbadada dji acʌ b̶ʌd̶i bara,

Exodo 38:30

Maʌ̃ bronce edaped̶a Bezaleelba bronce od̶a uria b̶eada ocuasia Ãcõrẽ wua ded̶e ed̶a wãbadama bacuru tẽnara ʌ̃ta wẽãju nũmʌi carea, Ãcõrẽ wua de aud̶u jũrã b̶ʌ bacuru tẽnara ʌ̃ta wẽãju nũmʌi carea, idjab̶a dji aud̶u jũrã b̶ʌd̶e ed̶a wãbadama bacuru tẽnara ʌ̃ta wẽãju nũmʌi carea. Idjab̶a maʌ̃ bronceba idjia osia animarã babue diabadada dji jʌrrʌjʌrrʌa bara idjab̶a jũma maʌ̃ animarã babue diabadad̶ebema sid̶a. Idjab̶a maʌ̃ bronceba idjia osia jũma Ãcõrẽ wua dera egorod̶aa erreb̶ari cachid̶i careabemara, maʌ̃ de aud̶u jũrã b̶ʌra egorod̶aa erreb̶ari cachid̶i careabema sid̶a.