Exodo 27:16 - Ãcõrẽ Bed̶ea

¹⁶ Mʌ̃ wua de aud̶u jũrã b̶ʌd̶e ed̶a wãbadara veinte bicaca b̶aya. Bronce od̶a uria b̶eada quĩmãrẽ dji ed̶a wãbadama b̶ʌd̶aped̶a bacuru tẽnara wẽãju nũmʌnadua. Maʌ̃be dji biara b̶ʌ lino wuada edad̶aped̶a maʌ̃ wuad̶e ed̶a oveja cara nayãna pãwãrã od̶ada, pursupursua od̶ada, purea od̶a sid̶a cad̶adua. Maʌ̃ wuaba dji ed̶a wãbadara jũãtrʌ b̶ʌd̶adua.

Exodo 27:16 Iomraidhean Croise

Exodo 26:31

Idjab̶a wuada od̶adua mʌ̃ dejãne eatʌ jira b̶ʌd̶i carea. Dji biara b̶ʌ lino wuada edad̶aped̶a maʌ̃ wuad̶e ed̶a mʌ̃ nezoca bajãnebema i bara b̶ʌ zaca b̶eada oveja cara nayãna pãwãrã od̶aba, pursupursua od̶aba, purea od̶a bid̶a biya cad̶adua.

Exodo 26:36

Idjab̶a dji biara b̶ʌ lino wuada edad̶aped̶a maʌ̃ wuad̶e ed̶a oveja cara nayãna pãwãrã od̶ada, pursupursua od̶ada, purea od̶a sid̶a biya cad̶adua. Maʌ̃be acacia bacuruda juesuma tẽnaped̶a oroba bʌracuad̶adua. Maʌ̃ bacurura bronce od̶a uria b̶ead̶e berajud̶adua mʌ̃ wua ded̶e ed̶a wãbadamaa ʌ̃ta nũmeanamãrẽã. Bacuruza wua jũẽbari oro od̶ada cara b̶ʌd̶adua. Maʌ̃gʌd̶e wua cad̶ara dji ed̶a wãbadad̶e jũãtrʌ jira b̶ʌd̶adua.

Exodo 27:17

Jũma mʌ̃ wua de aud̶u jũrã b̶ʌ bacuru tẽnara bronce od̶a uria b̶ead̶e ed̶a wẽãju nũmeania. Bacuru quẽbʌza parata od̶a wua jũẽbarida erob̶ead̶ia idjab̶a parataba bʌrá b̶ead̶ia. Maʌ̃ bacurud̶e eatʌ jũẽ b̶ʌ lino wua joub̶ʌara bicaca juesuma b̶aya. Mʌ̃ wua de aud̶u jũrã b̶ʌ ẽjũã drasoara cien bicaca b̶aya. Dji jed̶eara cincuenta bicaca b̶aya.

Exodo 28:39

Idjab̶a Aaroʌ̃ba djio wẽãju jʌ̃ida b̶ʌ torroa b̶ʌda dji biara b̶ʌ linoba cad̶adua. Cʌrrʌ trãjʌ̃bari sid̶a biya cad̶adua. Idji borod̶e jʌ̃ida b̶ʌ sid̶a dji biara b̶ʌ lino wuaba cad̶adua.

Exodo 36:37

Idjab̶a dji biara b̶ʌ lino wuada edad̶aped̶a maʌ̃ wuad̶e ed̶a oveja cara nayãna pãwãrã od̶ada, pursupursua od̶ada, purea od̶a sid̶a biya casid̶aa. Maʌ̃be acacia bacuruda juesuma tẽnaped̶a dji quẽbʌd̶e oroba bʌracuasid̶aa. Maʌ̃ bacurura bronce od̶a uria b̶ead̶e berajusid̶aa Ãcõrẽ wua ded̶e ed̶a wãbadamaa ʌ̃ta nũmeanamãrẽã. Bacuruza wua jũẽbari oro od̶ada cara b̶ʌsid̶aa wuara dji ed̶a wãbada jũãtrʌ jira b̶ʌd̶i carea.

Exodo 39:29

Idjab̶a ãdji itea cʌrrʌ trãjʌ̃barida dji biara b̶ʌ lino wuaba osid̶aa. Maʌ̃ wuad̶e ed̶a oveja cara nayãna pãwãrã od̶ada, pursupursua od̶ada, purea od̶a sid̶a casid̶aa. Jũma maʌ̃gʌra ãdjirãba osid̶aa Ãcõrẽba Moisea jarad̶a quĩrãca.