Exodo 24:18 - Ãcõrẽ Bed̶ea

¹⁸ Ara maʌ̃da Moisera eyad̶e ʌ̃taara wãsia jʌ̃rãrãne ed̶a. Mama b̶esia cuarenta ewari ãsa diamasi bid̶a.

Exodo 24:18 Iomraidhean Croise

1 Reye 19:11

Maʌ̃ne Ãcõrẽba Elíaa jarasia: –Dajadaa mʌ̃ quĩrãpita naʌ̃ eyad̶e nũmane zedua, mʌ̃ra wãyã wãbʌrʌ bẽrã.– Ara maʌ̃da Ãcõrẽ na nãũrãda dji cãbãyã tʌsia. Maʌ̃ nãũrãba eyara ʌracuasia. Mõgara sid̶a tod̶ozoasia. Baribʌrʌ Ãcõrẽda mãwã b̶aẽ́ basía. Nãũrã wãnacarea de uremiada wãsia. Baribʌrʌ Ãcõrẽda mãwã b̶aẽ́ basía.

1 Reye 19:8

Ara maʌ̃da Elíara piradrʌped̶a ne cosia, baido sid̶a dosia. Mãwã ne cod̶aba cacua ʌb̶ʌaped̶a cuarenta ewari, ãsa, diamasi bid̶a od̶e nĩbasia ab̶a Horeb eyad̶e jũẽbʌrʌd̶aa. Maʌ̃ eyara Ãcõrẽ eya abadaa.

Exodo 19:20

Ãcõrẽ Sinai eya borod̶aa zesid̶e Moisera trʌ̃sia ʌ̃taa zemãrẽã. Ara maʌ̃da Moisera ʌ̃taa wãsia.

Exodo 25:1

Maʌ̃ne Ãcõrẽba Moisea jarasia:

Exodo 32:1

Moisera Sinai eyad̶eba ed̶aa zeẽ́ b̶ʌda dãrãbʌrʌ bẽrã israelerãra Aaroʌ̃maa wãnaped̶a nãwã jarasid̶aa: –Jãʌ̃ Moiseba dairãra Egiptod̶eba ẽdrʌ enesia, baribʌrʌ idji sãwãnada dairãba cawad̶aẽ́a. Maʌ̃ bẽrã dairã nocod̶aa edemãrẽã ãcõrẽda odua.–

Exodo 34:28

Maʌ̃ne Moisera Ãcõrẽ ume Sinai eyad̶e b̶asia cuarenta ewari ãsa diamasi bid̶a. Idjira ne coẽ́ b̶asia idjab̶a baido sid̶a doẽ́ b̶asia. Mõgara umé pewed̶ea od̶ad̶e Ãcõrẽba ĩjã obi b̶ʌ bed̶ea die diad̶ara jũma jaya b̶ʌsia.

Exodo 9:29

Moiseba Egiptod̶ebema boroa jarasia: –Naʌ̃ purud̶eba ẽdrʌd̶acarea mʌ̃ jʌwara umena ʌ̃taa waped̶a Ãcõrẽa iwid̶iya. Maʌ̃ne hielo jurru nũmʌra, baa sid̶a jõya. Maʌ̃neba bʌa cawaya Ãcõrẽra naʌ̃ ẽjũã djibarida.

Exodo 9:33

Maʌ̃be Moisera Egiptod̶ebema boromaʌba ẽdrʌped̶a puru dajadaa wãsia. Mama idji jʌwara umena ʌ̃taa waped̶a Ãcõrẽa iwid̶isia. Ara maʌ̃da hielo jurru nũmanara, baara, cue sid̶a Egipto druad̶e cãbasia.

Mateo 4:2

Jesura cuarenta ewari ãsa, diamasi bid̶a ne coẽ́ b̶ad̶a bẽrã jarra b̶esia.

Marco 1:13

Mama Jesura animarã cadjirua b̶ea tãẽna cuarenta ewari b̶asia. Satanaba idjira mĩã sẽsia Ãcõrẽda igarabi carea. Idjab̶a Ãcõrẽ bajãnebema nezocarãba idjira ne cobisid̶aa.

Luca 4:2

Cuarenta ewari mama b̶asia. Maʌ̃ne diauruba idjira mĩã sẽ b̶asia Ãcõrẽda igarabi carea. Maʌ̃ ewarid̶e Jesuba ni cãrẽ sid̶a coẽ́ b̶ʌ bẽrã jarra b̶asia.