Exodo 24:16 - Ãcõrẽ Bed̶ea

^16-17 Maʌ̃ne Ãcõrẽ quĩrãwãrẽã dorrodorroara Sinai eya ʌ̃rʌ̃ zesia. Dji jewed̶ad̶eba israelerãba Ãcõrẽ quĩrãwãrẽã dorrodorroara maʌ̃ eya borod̶e tʌbʌ eradrʌ nũmʌ quĩrãca unusid̶aa. Jʌ̃rãrãba Sinai eyara sei ewari ãnã erob̶asia. Sietebema ewarid̶e Ãcõrẽba maʌ̃ jʌ̃rãrãneba Moisera trʌ̃sia.

Exodo 24:16 Iomraidhean Croise

Exodo 16:10

Aaroʌ̃ba israelerãa mãwã jara b̶ʌd̶e jũmarãba ẽjũã põãsa ewaraga b̶ʌd̶aa acʌsid̶aa. Maʌ̃ne jʌ̃rãrã ãdji na jira b̶ʌd̶e Ãcõrẽ quĩrãwãrẽã dorrodorroada unusid̶aa.

Exodo 19:9

Maʌ̃ne Ãcõrẽba idjía jarasia: –Mʌ̃ra jʌ̃rãrã pãĩmane bʌ ume bed̶ead̶e zeya israelerãba dadji bed̶eabʌdara ũrĩnamãrẽã. Mãwã ãdjirãba jũma bʌa jarabʌrʌra ĩjã panania.–

Exodo 20:10

Sietebema ewarira ʌ̃nãũbada ewaria. Maʌ̃ ewarira mʌ̃ itea wagad̶ida panʌa. Maʌ̃ ewarid̶e bãrãba ni cãrẽ trajura od̶acara panʌa. Bãrã warrarãba, bãrã caurãba, bãrã nezoca umaquĩrãrãba, bãrã nezoca wẽrãrãba, bãrã animarãba, ãĩbemarã bãrã tãẽna b̶ea bid̶a ni cãrẽ trajura od̶acara panʌa.

Numero 14:10

Mãwã jara pananamĩna puruba ãdjira mõgaraba tab̶ari bead̶iad̶a asid̶aa. Mãwã duanʌne cawaẽ́ne ãdjirãba unusid̶aa Ãcõrẽ quĩrãwãrẽã dorrodorroada idji wua ded̶e ʌ̃naga dogoda.

Numero 16:42

Mãwã biẽ́ jara panʌra Moisema, Aaroʌ̃ma bid̶a powua nũmasia. Maʌ̃ne Ãcõrẽ wua demaa acʌbʌd̶ad̶e cawaẽ́ne jʌ̃rãrãba dera ãnã edaped̶a Ãcõrẽ quĩrãwãrẽã dorrodorroada ʌ̃naga dogosia.

2 Corinto 4:6

Naʌ̃ ẽjũãra jũma pãĩma b̶ad̶ada Ãcõrẽba ʌ̃nabisia. Ara maʌ̃ quĩrãca idji ʌ̃naada dadjirã sod̶e ʌ̃nabisia. Maʌ̃ba jara b̶ʌa idji biya quirud̶ebemada Critod̶eba dadjirãa cawabisida.

Apocalipsi 1:10

Dadjirã Boro Jesucrito itea wagabada ewarid̶e mʌ̃ra Ãcõrẽ Jaured̶eba b̶asia. Maʌ̃ne mʌ̃ ẽcarraare ab̶aʌba bed̶ea b̶ʌda ũrĩsia. Idji bed̶eara cachiru jĩgua quĩrãca b̶asia.