Exodo 23:25 - Ãcõrẽ Bed̶ea

²⁵ Ab̶abe mʌ̃́abʌrʌ bia bed̶ead̶adua. Maʌ̃ne mʌ̃a bãrãra carebaya. Mʌ̃a baidoda, cod̶i sid̶a diaya. Mʌ̃a iduaribiẽ́a bãrãra cacua biẽ́ b̶ead̶ida.

Exodo 23:25 Iomraidhean Croise

Exodo 15:26

Nãwã jarasia: “Mʌ̃ra bãrã Ãcõrẽa. Mʌ̃a jara b̶ʌda bãrãba quĩrãcuita ũrĩnibʌrʌ, idjab̶a ne jũmane mʌ̃ quĩrãpita jipa od̶ibʌrʌ, idjab̶a mʌ̃ leyda jũma od̶ibʌrʌ, mʌ̃a bãrãra cacua biẽ́ b̶ebiẽ́a egiptorã cacua biẽ́ b̶ebid̶a quĩrãca. Mʌ̃ra bãrã cacua biabibari Ãcõrẽa.”

Mateo 4:10

Maʌ̃ne Jesuba diaurua jarasia: –Satana, ãyã wãdua. Ãcõrẽ Bed̶ead̶e nãwã b̶ʌ́ b̶ʌa: “Bʌ Boro Ãcõrẽabʌrʌ bia bed̶eadua. Ab̶a idjidrʌ ĩjã b̶adua.”–

Josue 22:5

Baribʌrʌ Ãcõrẽ nezoca Moiseba ley diad̶ara quĩrãcuita jũma ĩjã od̶adua. Maʌ̃ leyba nãwã jara b̶ʌa: dadji Ãcõrẽra quĩrĩãnadua. Idji quĩrãpita jipa nĩbad̶adua. Idjia obi b̶ʌra ĩjã od̶adua. Ewariza idjira ẽpẽnadua. Jũma bãrã sod̶eba, jũma bãrã jaured̶eba bid̶a idjia jara b̶ʌra od̶adua.–

Josue 24:21

Maʌ̃ne puruba jarasia: –Dairãba dewara ãcõrẽ b̶eara ẽpẽnaẽ́a; ab̶abe Ãcõrẽdrʌ ẽpẽnia.–

Josue 24:24

Puruba panusia: –Dadji Ãcõrẽdrʌ ẽpẽnia; ab̶abe idjia jara b̶ʌdrʌ ĩjã od̶ia.–

1 Samuel 12:20

Samuelba jarasia: –Ne wayarãnadua. Wãrãda bãrãba bio cadjiruada osid̶aa. Jãʌ̃be Ãcõrẽra waa igararãnadua. Wãrãda sod̶eba idjira ẽpẽnadua.

1 Samuel 12:24

Bãrãba unusid̶aa Ãcõrẽba bãrã itea ne waib̶ʌada o b̶ʌda. Maʌ̃ bẽrã ab̶a idjidrʌ wayad̶adua. Sod̶eba idjida ẽpẽnadua.