Exodo 23:2 - Ãcõrẽ Bed̶ea

² Dewararãba cadjirua o duanʌne ab̶arica orãnadua. Dji cawa obari quĩrãpita dewararãba dji cadjirua od̶aare sewad̶eba bed̶ea duanʌne ab̶arica orãnadua.

Exodo 23:2 Iomraidhean Croise

Genesi 19:4

Wad̶i cãĩni naẽna jũma purud̶ebema umaquĩrãrãba Lo dera jũrã edasid̶aa. Cũdrarãda, drõãrã sid̶a duanasid̶aa.

Genesi 6:12

Ãcõrẽba naʌ̃ ẽjũã acʌbʌrʌd̶e wãrãda jũma biẽ́ b̶ʌda unusia jũma ẽberãrãba ne jũmane cadjirua o b̶ea bẽrã.

Genesi 7:1

Mãwãnacarea Ãcõrẽba Noéa jarasia: –Naʌ̃ ẽjũãnebema ẽberãrã tãẽna mʌ̃a ab̶abe bʌdrʌ jipa unu b̶ʌa. Maʌ̃ bẽrã bʌra jũma bʌ ẽberãrã sid̶a jãba dromane ed̶a wãnadua.

1 Reye 19:10

Elíaba panusia: –Ãcõrẽ jũma poya b̶ʌ, mʌ̃ra zoquea b̶asia bʌa quĩrĩã b̶ʌra oi carea. Baribʌrʌ bʌa israelerã ume bed̶ea b̶ʌd̶ada ãdjirãba igarasid̶aa. Maʌ̃ne bʌ itea od̶a animarã babue diabadara jũma ãrĩsid̶aa. Maʌ̃ awara bʌd̶eba bed̶eabadarãda necoba jũma quenasid̶aa. Ab̶abe mʌ̃drʌ b̶ʌa baribʌrʌ mʌ̃ sid̶a bead̶i carea jʌrʌ panʌa.–

Marco 15:15

Pilatora ẽberãrã ume biẽ́ b̶e amaaba Barrabádrʌ ẽdrʌ b̶ʌsia. Baribʌrʌ Jesura soaba ubiped̶a sordaorãa diasia crud̶e cachi bead̶amãrẽã.

Hecho 24:27

Poa umé bad̶acarea Pelira dji boro b̶ad̶ada ẽdrʌsia. Maʌ̃be Porcio Pestoda dji boroda b̶esia. Baribʌrʌ Peli ẽdrʌsid̶e judiorã ume bia b̶e quĩrĩã b̶asia. Maʌ̃ carea Paulora preso b̶eesia.

Hecho 25:9

Baribʌrʌ Pestora judiorã ume bia b̶e quĩrĩã b̶ʌ bẽrã Pauloa iwid̶isia: –¿Bʌra Jerusaleʌ̃naa wã quĩrĩã b̶ʌca mʌ̃a jãma cawa omãrẽã?–

Romano 1:32

Ãdjirãba bio cawa panʌa Ãcõrẽba mãwã o b̶eara bio cawa oida. Baribʌrʌ ara mãwã o nĩnaa idjab̶a dewararãba ab̶ari quĩrãca cadjirua obʌdad̶e bia crĩchabadaa.

Josue 24:15

Baribʌrʌ bãrãba dadji Ãcõrẽda ẽpẽ quĩrĩãnaẽ́bʌrʌ, id̶i jarad̶adua sãʌ̃gʌda ẽpẽnida: dadji drõã naẽnabemaba Euprate do quĩrãrẽ ẽpẽ pananada wa naʌ̃ druad̶e amorreorãba ẽpẽ panʌda. Baribʌrʌ mʌ̃a, mʌ̃ quimaba, mʌ̃ warrarã bid̶a Ãcõrẽdrʌ ẽpẽnia.–

1 Samuel 15:24

Saulba Samuelea jarasia: –Mʌ̃a cadjiruada osia. Ãcõrẽba jarad̶ara, bʌa jarad̶a sid̶a mʌ̃a ĩjã oẽ́ basía. Mʌ̃ sordaorãda wayad̶a bẽrã ãdjia o quĩrĩã panʌda idu obisia.

1 Samuel 15:9

Ãcõrẽba jũma quenanaduad̶a ad̶amĩna idjab̶a ãdjia erob̶ea sid̶a babued̶aduad̶a ad̶amĩna Saulba idji sordaorã bid̶a mãwã od̶aẽ́ basía. Amalecitarã boro Agára bead̶aẽ́ basía. Idjab̶a dji biara b̶ea ovejada, pacada, paca zaque boreguea b̶eada, oveja zaque sid̶a bead̶aẽ́ basía. Maʌ̃ awara jũma ne bia b̶eada babued̶aẽ́ basía. Ab̶abe dji mãcuaẽ́ b̶eada idjab̶a siriẽ́ b̶eada babuesid̶aa.