Exodo 23:15 - Ãcõrẽ Bed̶ea

¹⁵ Naãrã paʌ̃ ẽsãbari neẽ́ cobada ewarida od̶ida panʌa. Bãrãba siete ewari paʌ̃ ẽsãbari neẽ́ b̶ʌda cod̶ida panʌa mʌ̃a jarad̶a quĩrãca. Maʌ̃ra od̶adua mʌ̃a jara b̶ʌd̶a ewari Abib jed̶ecod̶e, bãrãra maʌ̃ jed̶ecod̶e Egiptod̶eba ẽdrʌped̶ad̶a bẽrã. Maʌ̃ ewarid̶e mʌ̃́a ne diai carea neẽ́ b̶ʌra mʌ̃ quĩrãpita wãcara b̶ʌa.

Exodo 23:15 Iomraidhean Croise

Exodo 12:2

–Id̶iba ʌ̃taa naʌ̃ jed̶ecora bãrã israelerã itea dji nabema jed̶eco baya.

Exodo 13:3

Maʌ̃be Moiseba israelerãa jarasia: –Naʌ̃ ewarira quĩrãnebad̶adua Ãcõrẽba idji ʌb̶ʌad̶eba bãrãra Egiptod̶e nezoca b̶ead̶ada ẽdrʌ edad̶a bẽrã. Poaza ara naʌ̃ ewari quĩrãca bãrãba paʌ̃ ẽsãbari bara b̶ʌda cocara panʌa bãrã Egiptod̶eba ẽdrʌped̶ad̶ara quĩrãnebad̶i carea.

Exodo 13:4

Id̶i naʌ̃ jed̶eco Abib abadad̶e bãrãra Egiptod̶eba ẽdrʌbʌdaa.

Exodo 22:29

Mʌ̃a b̶ʌd̶a ewarid̶e bãrã néu naãrã ewabʌdad̶ebemada, uva b̶ad̶ebema sid̶a arid̶e diad̶adua. Jũma bãrã umaquĩrã warra dji nabema tobʌrʌda mʌ̃́a diad̶ida panʌa.

Exodo 34:18

Paʌ̃ ẽsãbari neẽ́ cobada ewarida od̶adua. Bãrãba siete ewari paʌ̃ ẽsãbari neẽ́ b̶ʌda cod̶ida panʌa mʌ̃a jarad̶a quĩrãca. Maʌ̃ra od̶adua mʌ̃a jara b̶ʌd̶a ewari Abib jed̶ecod̶e, bãrãra maʌ̃ jed̶ecod̶e Egiptod̶eba ẽdrʌped̶ad̶a bẽrã.

Exodo 34:20

Bãrã burro warra dji nabema umaquĩrã tobʌrʌda mʌ̃remĩna bãrãba maʌ̃ animarãda poya edad̶ida panʌa. Edad̶i carea ovejada wa chiwatuda maʌ̃ burro cacuabari mʌ̃́a babue diad̶ida panʌa. Baribʌrʌ maʌ̃ burroda eda quĩrĩãnaẽ́bʌrʌ, otapuya bead̶ida panʌa. Idjab̶a bãrã umaquĩrã warra dji nabema tobʌdara mʌ̃re bẽrã idji cacuabari ovejada wa chiwatuda mʌ̃́a babue diad̶ida panʌa maʌ̃ warrara zocai b̶emãrẽã. Maʌ̃ ewarid̶e mʌ̃́a ne diai carea neẽ́ b̶ʌra mʌ̃ quĩrãpita zecara b̶ʌa.

Levitico 23:10

–Israelerãa nãwã jaradua: “Mʌ̃a bãrãa diai jarad̶a ẽjũãne jũẽped̶ad̶acarea poaza bãrã néu naãrã ewabʌdad̶ebemada jʌwa jãmãtʌma ab̶a sacerdotemaa eded̶ida panʌa.

Marco 14:12

Paʌ̃ ẽsãbari neẽ́ b̶ʌ cobada ewarida jũẽsia. Domia ab̶a mãwã cobadjid̶aa. Dji nabema ewarid̶e judiorãba Egiptod̶eba ẽdrʌped̶ad̶a quĩrãnebad̶i carea oveja zaqueda bead̶aped̶a cobadaa. Maʌ̃ne Jesu ume nĩbabadarãba idjía iwid̶isid̶aa: –¿Bʌa sãma quĩrĩã b̶ʌ daiba Egiptod̶eba ẽdrʌped̶ad̶a quĩrãnebad̶i carea cobadara od̶e wãnida?–

Luca 2:41

Poaza Jesu djibarirãra Jerusaleʌ̃naa wãbadjid̶aa judiorã Egiptod̶eba ẽdrʌped̶ad̶a quĩrãnebabada ewari od̶i carea.

Luca 22:7

Paʌ̃ ẽsãbari neẽ́ b̶ʌ cobada ewarira jũẽsia. Maʌ̃ ewarid̶e judiorã Egiptod̶eba ẽdrʌped̶ad̶a quĩrãnebad̶i carea oveja zaqueda bead̶aped̶a cobadaa.

Hecho 12:3

Herodeba unusia judiorãra maʌ̃ carea b̶ʌsrid̶asid̶ada. Maʌ̃ bẽrã Pedro sid̶a jidabisia. Mãwã osia paʌ̃ ẽsãbari neẽ́ b̶ʌ cobada ewarid̶e.

1 Samuel 6:3

Ãdjirãba panusid̶aa: –Bãrãba israelerã Ãcõrẽ baurudera jẽda diabued̶ibʌrʌ ara jãwã diabuerãnadua. Ãtebʌrʌ Ãcõrẽa ne diabued̶ida panʌa bãrãba idji baurude nama eropanana carea. Mãwãbʌrʌ bãrãba cawad̶ia cãrẽ cãrẽã Ãcõrẽba bãrãra bio biẽ́ o b̶ʌda. Maʌ̃ awara cacua biacuad̶ia.–