Exodo 23:12 - Ãcõrẽ Bed̶ea

¹² Bãrãra sei ewari trajad̶ida panʌa. Baribʌrʌ sietebema ewarid̶e bãrãra ʌ̃nãũnida panʌa. Bãrã pacada, burroda, nezocada, idjab̶a drua ãĩbema bãrã tãẽna panʌ sid̶a ʌ̃nãũnida panʌa wayacusa ʌb̶ʌad̶i carea.

Exodo 23:12 Iomraidhean Croise

Exodo 16:23

Maʌ̃ne Moiseba ãdjirãa jarasia: –Ara maʌ̃ quĩrãca Ãcõrẽba obi b̶ʌa. Ãcõrẽba jarasia: “Nubema ewarira bãrã ʌ̃nãũbada ewaria. Mʌ̃ itea maʌ̃ ewarira bãrãba wagad̶ida panʌa. Ʌ̃nãũbada ewarid̶e bãrãra ne djud̶iẽ́ panʌ bẽrã, nane od̶adua bãrãba nu co quĩrĩã panʌ quĩrãca. Ne djud̶ibʌrʌ nane ne djud̶adua. Ãbud̶ibʌrʌ nane ãbud̶adua. Maʌ̃gʌra nubema carea waga b̶ʌd̶adua.”–

Exodo 23:11

Baribʌrʌ siete poa jũẽbʌrʌd̶e ẽjũãra od̶iẽ́ panʌa. Maʌ̃ poad̶e bãrãnebema ne neẽ́ qued̶eaa dji tununa pureabʌrʌra idu ewabid̶adua, idjab̶a ãdjia ewaped̶ad̶aẽ́ra idu b̶ʌd̶adua animarã mẽãbemarãba cod̶amãrẽã. Ara maʌ̃ quĩrãca od̶adua bãrã uvara, olivo sid̶a.

Exodo 34:21

Sei ewari bãrã trajura od̶ida panʌa, baribʌrʌ sietebema ewarid̶e ʌ̃nãũnida panʌa. Bãrã ẽjũã obʌdad̶e, ewabʌdad̶e bid̶a sietebema ewarid̶e ʌ̃nãũnida panʌa.

Exodo 35:2

Sei ewari bãrã trajura od̶ida panʌa, baribʌrʌ sietebema ewarid̶e bãrãra ʌ̃nãũnida panʌa. Maʌ̃ ewarira Ãcõrẽ itea wagad̶ida panʌa. Bariduaba ʌ̃nãũbada ewarid̶e trajuda oibʌrʌ, idjira bead̶ida panʌa.

Exodo 35:3

Ʌ̃nãũbada ewarid̶e bãrã diguid̶a tʌbʌ sid̶a coad̶acara panʌa.–

Levitico 23:3

Sei ewari bãrã trajura od̶ida panʌa, baribʌrʌ sietebema ewarid̶e ʌ̃nãũnida panʌa. Maʌ̃ ewarid̶e bãrãra ni maãrĩ bid̶a trajad̶acara panʌa. Maʌ̃ awara ãbaa dji jʌred̶ida panʌa mʌ̃́a bia bed̶ead̶i carea. Bãrã panane wãbʌdama bid̶a ʌ̃nãũbada ewarira mʌ̃ itea wagad̶ida panʌa.

Marco 2:27

Maʌ̃be Jesuba ãdjía jarasia: –Ãcõrẽba ẽberãra oẽ́ basía ʌ̃nãũbada ewari wagad̶amãrẽã ãtebʌrʌ ʌ̃nãũbada ewarira b̶ʌsia ẽberãrã ʌ̃nãũnamãrẽã.

Luca 13:14

Baribʌrʌ Jesuba ʌ̃nãũbada ewarid̶e biabid̶a bẽrã dji jʌrebada ded̶ebema borora quĩrũsia. Maʌ̃ne jũmarãa nãwã jarasia: –Ʌ̃nãũbada ewari awara sei ewarida eropanʌa trajad̶i carea. Maʌ̃gʌ ewarid̶ebʌrʌ zed̶adua bãrãra biabid̶amãrẽã. Baribʌrʌ ʌ̃nãũbada ewarid̶era zerãnadua.–