Exodo 22:10 - Ãcõrẽ Bed̶ea

^10-11 Bariduaba burroda, pacada, ovejada, wa baridua animarã sid̶a dewaraa wagabi b̶ʌd̶e maʌ̃ animarãda beuibʌrʌ, wa cawaẽ́ne idub̶a puaibʌrʌ, wa ni ab̶aʌba ununaẽ́ne drʌad̶ibʌrʌ, dji animarã waga erob̶ad̶aba Ãcõrẽ quĩrãpita wãrãneba jaraida b̶ʌa maʌ̃ animarã drʌaẽ́ b̶ʌda. Maʌ̃ jarad̶ara djibariba ĩjãida b̶ʌa. Mãwãra dji animarã waga erob̶ad̶aba djibaría maʌ̃ animarãbari diaiẽ́ b̶ʌa.

Exodo 22:10 Iomraidhean Croise

Genesi 39:8

Maʌ̃ne Joseba quĩrĩãẽ́ bẽrã Potipa quimaa jarasia: –Mʌ̃ra bʌ ume cãĩẽ́a. Mʌ̃ boroba idjid̶era jũma mʌ̃ jʌwaed̶a b̶ʌsia. Maʌ̃ bẽrã idjia erob̶ʌd̶ebemada jũmawãyã crĩcha b̶acaa.

Exodo 22:9

Paca carea, burro carea, oveja carea, cacuad̶e jʌ̃bada carea, ne baridua adua b̶ad̶a carea bid̶a ijarad̶ibʌrʌ, ãdjira bãrã bororãmaa wãnida panʌa. Maʌ̃ne dji bororãba quĩrãcuita iwid̶id̶aped̶a cawa jarad̶ia caida bed̶ead̶e b̶ʌda. Maʌ̃be dji bed̶ead̶e b̶ʌba djibaría ãdji ijara panʌ careabemada umé diaida b̶ʌa.

Luca 12:48

Baribʌrʌ nezocaba adua b̶ʌd̶eba dji boroba jara b̶ʌ ãĩ osira maʌ̃ nezocara mãcua uẽ́a. Wãrãda Ãcõrẽba ʌ̃cʌrʌa waib̶ʌa dia b̶ʌa idji itea od̶amãrẽã. Dji waib̶ʌara edad̶arãba idji itea waib̶ʌara od̶ida panʌa.–

Luca 16:11

Ara maʌ̃ quĩrãca bãrãba naʌ̃ ẽjũãnebema nebiada jipa od̶aẽ́bʌrʌ ¿Ãcõrẽba bajãnebema nebiada bãrãa diaica?

2 Timoteo 1:12

Maʌ̃ carea mʌ̃ra bia mĩga b̶ʌa. Baribʌrʌ peraẽ́ b̶ʌa. Mʌ̃a cawa b̶ʌa caida ĩjã b̶ʌda. Idjab̶a cawa b̶ʌa mʌ̃a idji jʌwad̶e wagamãrẽã b̶ʌd̶ada idjia poya wagaida ab̶a idjia cawa oi ewarid̶aa.