Exodo 20:11 - Ãcõrẽ Bed̶ea

¹¹ Mʌ̃a bajãda, ẽjũãda, pusada, jũma ãdjid̶e b̶ea sid̶a sei ewarid̶e jũma oped̶a sietebema ewarid̶e ʌ̃nãũna bẽrã, maʌ̃ ewarira dji biara b̶ʌda b̶ʌsia idjab̶a mʌ̃ itea wagad̶amãrẽã b̶ʌsia.

Exodo 20:11 Iomraidhean Croise

Genesi 1:28

Maʌ̃be Ãcõrẽba ãdjira nãwã bia jarasia: –Warra zocãrã ununadua. Naʌ̃ ẽjũãra birad̶adua idjab̶a jũma naʌ̃ ẽjũãne b̶eara bãrã jʌwaed̶a erob̶ead̶adua. B̸eda b̶eara, ĩbana b̶eara, druabema animarã sid̶a jũma poya erob̶ead̶adua.–

Genesi 1:31

Maʌ̃be Ãcõrẽba idjia od̶ara jũma bio bia unusia. Seibema ewarid̶e mãwã osia.

Exodo 31:17

Ʌ̃nãũbada ewari wagad̶ira sẽyã quĩrãca b̶aya bãrã israelerãba cawad̶amãrẽã mʌ̃a bãrãra mʌ̃ itea b̶ʌsida. Mãwã b̶aya mʌ̃a sei ewarid̶e bajãda, naʌ̃ ẽjũã sid̶a jũma oped̶a sietebema ewarid̶e ʌ̃nãũna bẽrã.”–

Exodo 8:22

Baribʌrʌ maʌ̃ ewarid̶e Goseʌ̃ druad̶e mʌ̃a mãwã oẽ́a. Mʌ̃ ẽberãrãda mama panʌ bẽrã ĩgananara neẽ́ baya. Mʌ̃ purura bʌ puru quĩrãca oẽ́a. Maʌ̃ba bʌa cawaya mʌ̃abʌrʌ naʌ̃ druad̶e mãwã o b̶ʌda. Maʌ̃ ne ununacara nu oya.”–

Exodo 9:29

Moiseba Egiptod̶ebema boroa jarasia: –Naʌ̃ purud̶eba ẽdrʌd̶acarea mʌ̃ jʌwara umena ʌ̃taa waped̶a Ãcõrẽa iwid̶iya. Maʌ̃ne hielo jurru nũmʌra, baa sid̶a jõya. Maʌ̃neba bʌa cawaya Ãcõrẽra naʌ̃ ẽjũã djibarida.

Hecho 14:15

–Achirã, ¿cãrẽ cãrẽã jãwã o panʌ? Daira ãcõrẽẽ́a. Daira ẽberãa, bãrã quĩrãca. Bãrãa jarad̶e ze panʌa naʌ̃ ãcõrẽ siriẽ́ b̶eada igarad̶aped̶a Ãcõrẽ zocai b̶ʌdrʌ ĩjãnamãrẽã. Maʌ̃gʌ Ãcõrẽba bajãda, ẽjũãda, pusada, ne jũma ãdjid̶e nũmʌ sid̶a osia.

Hecho 20:7

Maʌ̃be nabema ewari domiane Jesu ĩjã b̶ea ume ãbaa dji jʌresid̶aa Jesu quĩrãnebad̶i carea cobadara cod̶i carea. Maʌ̃ne Pauloba jaradia b̶asia. Nurẽma wãida b̶ʌ bẽrã wad̶i ariquẽtra bed̶ea b̶asia.

Hecho 4:24

Maʌ̃ ũrĩsid̶ad̶e jũma ãbaa Ãcõrẽa iwid̶isid̶aa: –Dai Boro jũma poya b̶ʌ, bʌabʌrʌ bajãra, naʌ̃ ẽjũãra, pusara, jũma ãdjid̶e nũmʌ sid̶a osia.

Hebreo 4:4

Ãcõrẽba idji bed̶ead̶e ʌ̃nãũbada ewarid̶ebemada nãwã jarasia: Sietebema ewarid̶e Ãcõrẽba jũma pãrã erob̶asia. Maʌ̃ bẽrã sietebema ewarid̶e ʌ̃nãũsia.

Apocalipsi 10:6

Mãwã b̶ʌd̶e idjira naʌ̃ ẽjũãnebema, bajãnebema, pusad̶ebema jũma od̶a Ãcõrẽ trʌ̃neba bed̶easia. Nãwã jarasia Ãcõrẽ ewariza zocai b̶ʌ trʌ̃neba: “Ãcõrẽba jarad̶ara dãrãẽ́ne jũma mãwãya.