Exodo 2:5 - Ãcõrẽ Bed̶ea

⁵ Mãwã b̶ʌd̶e Egiptod̶ebema boro cauda doed̶a cuid̶e wãsia. Idji nezocawẽrãrãda doya pʌrrʌa panasid̶aa. Maʌ̃ne idjia unusia dji jamarara dojoro tãẽna ũmʌda. Ara maʌ̃da idji nezocawẽrãa edad̶e wãbisia.

Exodo 2:5 Iomraidhean Croise

1 Reye 17:6

Maʌ̃ne diaped̶aza, quewaraza bid̶a ĩbanaba paʌ̃da, nedjara sid̶a idji itea edebadjid̶aa. Do zaque baidora do b̶abadjia.

Exodo 2:6

Eneped̶a Egiptod̶ebema boro cauba dji jamara ewa acʌbʌrʌd̶e warra zaqueda ed̶a mĩã djuburi jĩã quiruda unusia. Maʌ̃ne idjia jarasia: –Naʌ̃ra hebreo warra zaqueda jãwã quirua.–

Exodo 7:15

Jãʌ̃be nu diaped̶a Egiptod̶ebema boro doed̶a wãbʌrʌd̶e idjimaa wãdua. Dama bad̶a bacurura bʌ jʌwad̶e ededua. Do icawa Egiptod̶ebema boro quĩrãpita nũmeped̶a jaradua: “Dai hebreorã Ãcõrẽba mʌ̃ra bʌmaa diabuesia. Idjia nãwã jara b̶ʌa: mʌ̃ puru Israelera idu wãbidua ẽjũã põãsa ewaraga b̶ʌd̶aa. Mama ãdjirãba mʌ̃́a animarãda babue diad̶ida panʌa. Mʌ̃a mãwã jara b̶ʌmĩna bʌa wad̶ibid̶a ĩjãẽ́ b̶ʌa.

Exodo 8:20

Maʌ̃be Ãcõrẽba Moisea jarasia: –Nu diaped̶ed̶a piradrʌped̶a Egiptod̶ebema boro doed̶a wãbʌrʌd̶e idjimaa wãped̶a nãwã jaradua: “Ãcõrẽba nãwã jara b̶ʌa: mʌ̃ purura idu wãbidua mʌ̃́a animarãda babue diad̶amãrẽã.

Joná 1:17

Maʌ̃ne Ãcõrẽba b̶eda waib̶ʌada diabuesia Joná mĩmãrẽã. Maʌ̃ b̶eda b̶ited̶a Jonára ewari ũbea b̶asia.

Joná 2:10

Maʌ̃ne Ãcõrẽba b̶edaa Jonára pusa icawa webisia.

Hecho 7:21

Baribʌrʌ dji warra zaque ãyã b̶ʌsid̶ad̶e Egiptod̶ebema boro cauba unuped̶a idji warra ara quĩrãca daupẽsia.