Exodo 2:3 - Ãcõrẽ Bed̶ea

³ Baribʌrʌ waa poya mẽrã erob̶aẽ́ bẽrã jamarada caped̶a cãdorronaba soasia. Maʌ̃be idji warrara ed̶a b̶ʌped̶a Nilo do ĩchitad̶e dojoro tãẽna ũmʌsia.

Exodo 2:3 Iomraidhean Croise

Genesi 11:3

Ewari ab̶a ãbaa nãwã bed̶eadruasid̶aa: “Egoroda mõgara quĩrãca od̶aped̶a tʌbʌd̶e bád̶adrʌ de od̶i carea.” Ara maʌ̃da egorora mõgara quĩrãca od̶aped̶a básid̶aa mõgarara neẽ́ bad̶a bẽrã. Maʌ̃be cãdorronada edasid̶aa maʌ̃ mõgara quĩrãca od̶ara carad̶i carea.

Genesi 14:10

Djõbʌdad̶e Quedorlaómeare panʌba poyasid̶aa. Maʌ̃ carea Sodomanebema boroare b̶eara mĩrũ wãbʌrʌsid̶aa. Maʌ̃ Sidim jewed̶ara egorod̶ebema cãdorrona susuaid̶a b̶asia. Maʌ̃ bẽrã mĩrũ wãbʌdad̶e ʌ̃cʌrʌ maʌ̃ susuad̶e ed̶a b̶aesid̶aa. Waabemarãra eyad̶aa mĩrũ wãsid̶aa.

Genesi 6:14

Maʌ̃ carea bʌa jãba dromada bacuru biad̶ebemada odua. Oped̶a cãdorronaba soadua ed̶aare, dajadaare bid̶a. Maʌ̃ jãbara naʌ̃ waib̶ʌad̶e odua: dji drasoada setenta y cinco braza, dji jed̶eada doce braza, idjab̶a dji ʌ̃tʌada siete braza. Jãba dromara cʌd̶apõ ũbea odua. Cʌd̶apõza zocãrã tʌajucuadua. Maʌ̃be cʌd̶apõ ʌ̃taarebemane dajadaa acʌbadada odua. Dji ʌ̃tʌara bicaca ab̶a b̶aida b̶ʌa dji ãquid̶ad̶eba ed̶aa. Idjab̶a ed̶a wãbadada jãba droma orrod̶e odua.

Exodo 1:22

Maʌ̃be Egiptod̶ebema boroba idji purua jarasia: –Hebreorãba umaquĩrã warrada tod̶ibʌrʌ daid̶u b̶atacuad̶adua, baribʌrʌ wẽrãcauda tod̶ibʌrʌ zocai b̶ʌd̶adua.–

Mateo 2:13

Ãdji wãped̶ad̶acarea Ãcõrẽ nezoca bajãnebemada cãĩmocarad̶eba zeped̶a Josea jarasia: –Herodeba bʌ warra zaquera jʌrʌ b̶ʌa beai carea. Maʌ̃ba piradrʌped̶a bʌ warra zaquera, dji papa sid̶a edaped̶a Egipto druad̶aa wãnadua. Mama b̶edua ab̶a mʌ̃a jarabʌrʌd̶aa.–

Mateo 2:16

Herodeba cawasia chĩdaud̶eba cawa jarabadarãba idjira cũrũgasid̶ada. Maʌ̃ carea bio quĩrũped̶a Beleʌ̃nebema warra zaquerã poa uméneba ed̶aa qued̶eada jũma quenabisia. Ara caitabema sid̶a quenabisia. Mãwã osia chĩdaud̶eba cawa jarabadarãba chĩdau unuped̶ad̶a ewarira idjía jaraped̶ad̶a bẽrã.

Hecho 7:19

Maʌ̃ carea dadji purura cũrũgaped̶a bio biẽ́ osia. Ãdji warrarã djiwid̶i tod̶ara õgo igarabisia beud̶amãrẽã.