Exodo 2:21 - Ãcõrẽ Bed̶ea

²¹ Mãwã Moisera Reuel diguid̶a b̶esia. Mama b̶ʌd̶e Reuelba idji cau Seporáda Moisea diasia idji quima bamãrẽã.

Exodo 2:21 Iomraidhean Croise

Exodo 2:10

Dji warra dawara b̶ed̶acarea dji papaba Egiptod̶ebema boro caua diad̶e wãsia. Maʌ̃be Egiptod̶ebema boro cauba maʌ̃ warrara idjid̶e ara quĩrãca erob̶esia. Dji warrara trʌ̃ b̶ʌsia Moise, nãwã jarad̶a bẽrã: –Mʌ̃a idjira doed̶a ũmʌda edasia.–

Exodo 2:20

Reuelba idji caurãa iwid̶isia: –¿Maʌ̃ ẽberãra sãma b̶ʌ? ¿Cãrẽ cãrẽã idjira b̶eesid̶a? Trʌ̃ne wãnadua ne cod̶e zemãrẽã.–

Exodo 3:1

Moise zãwãrẽ Reuel Jetro abadada Madiaʌ̃nebemarã sacerdote basía. Moiseba idji ovejara wagabadjia. Ewari ab̶a Moiseba dji ovejara dewara orroare ne cobid̶e edesia. Maʌ̃ne idjira ẽjũã põãsa ewaraga b̶ʌd̶e Horeb eyad̶e jũẽne wãsia. Maʌ̃ eyara Ãcõrẽ eya abadaa.

Exodo 4:18

Maʌ̃be Moisera idji zãwãrẽ Jetro abadamaa wãped̶a jarasia: –Mʌ̃ra Egiptod̶aa wãya mʌ̃ ẽberãrã acʌd̶e wad̶i zocai panʌ cawaya.– Jetroba jarasia: –Bia b̶ʌa. Necai wãdua.–

Numero 10:29

Israelerã Sinaid̶eba ẽdrʌd̶i naẽna Moisera Hobá ume bed̶easia. Hobára Moise zãwãrẽ Reuel warra basía. Madiaʌ̃ druad̶ebema basía. Moiseba Hobáa jarasia: –Dairãra wãbʌrʌd̶ia Ãcõrẽba diai jarad̶a druad̶aa. Dairã ume wãdua. Ãcõrẽba dai israelerãa ne biada diayad̶a asia. Maʌ̃ bẽrã dairãba bʌ́a ne biada waib̶ʌa diad̶ia.–

Numero 12:1

Mariaba, Aaroʌ̃ bid̶a ãdji djaba Moiseda biẽ́ jara panesid̶aa ãĩbema wẽrã edad̶a carea.

Hecho 7:29

Maʌ̃ ũrĩsid̶e Moisera mĩrũ wãsia. Maʌ̃be Madiaʌ̃ druad̶e drua ãĩbema quĩrãca b̶abadjia. Madiaʌ̃ne b̶ʌd̶e warrada umé unusia.

1 Timoteo 6:6

Wãrãda Ãcõrẽ ĩjã b̶ʌd̶eba nebia waib̶ʌada eropanʌa. Baribʌrʌ ara dadjia naʌ̃ ẽjũãne eropanʌba necai b̶ead̶ida panʌa.

Hebreo 11:25

Idjimaarã cadjirua o b̶ʌd̶eba warrewarrea b̶ʌsrid̶a b̶ai cãyãbara biara b̶asia Ãcõrẽ ẽberãrã ume ãbaa bia mĩga b̶aida.

Hebreo 13:5

Paratara awua b̶earãnadua. Ãtebʌrʌ bãdjia erob̶eaba b̶ʌsrid̶a b̶ead̶adua Ãcõrẽba nãwã jarad̶a bẽrã: “Mʌ̃a bʌra ameẽ́a idjab̶a igaraẽ́a.”

Santiago 1:10

Baribʌrʌ parata bara b̶ʌra b̶ʌsrid̶a b̶aida b̶ʌa Ãcõrẽba idjira mĩã djuburi unu b̶ʌ bẽrã. Parata bara b̶ʌra dãrã b̶aẽ́a nepõnõ dãrã b̶aca quĩrãca.