Exodo 19:23 - Ãcõrẽ Bed̶ea

²³ Moiseba Ãcõrẽa jarasia: –Israelerãra naʌ̃ Sinai eyad̶e ʌ̃taa poya zed̶aẽ́a, bʌa dairãa mãwã jara b̶ʌd̶a bẽrã. Bʌa naʌ̃ eya carra aud̶u jũrã dairãa sẽyãda b̶ʌbisia, naʌ̃ eyara ab̶abe bʌ itea b̶amãrẽã.–

Exodo 19:23 Iomraidhean Croise

Exodo 19:12

Idjab̶a naʌ̃ eya carra sẽyãda aud̶u jũrã b̶ʌdua. Israelerãra maʌ̃ sẽyã b̶ʌd̶eba ed̶aa wãnacara panʌa. Ãdjirãa jaradua: “Naʌ̃ eyad̶e ʌ̃taa bãrãra wãnacara panʌa ni dji carraya bid̶a wãnacara panʌa. Bariduada wãibʌrʌ wãrãda beuida b̶ʌa.”

Exodo 19:24

Ãcõrẽba idjía jarasia: –Israelerãmaa ed̶aa wãdua. Maʌ̃be Aaroʌ̃da nama ʌ̃taa enedua. Baribʌrʌ sacerdoterãra, dewararã sid̶a naʌ̃ eya carra aud̶u jũrã b̶ʌ sẽyãneba ed̶aa zed̶acara panʌa ʌ̃taa mʌ̃maa zed̶i carea. Mãwã od̶ibʌrʌ mʌ̃a ãdjirãra quinibiya.–