Exodo 19:16 - Ãcõrẽ Bed̶ea

¹⁶ Ewari ũbead̶e diaped̶a baada b̶ae nũmesia. Maʌ̃ne jʌ̃rãrã pãĩmaba Sinai eyara ãnã eronũmesia idjab̶a cachiru quĩrãca dãrã jĩgua nũmesia. Maʌ̃ carea jũma israelerãra dauperabʌdaba ure duanesid̶aa.

Exodo 19:16 Iomraidhean Croise

2 Cronica 5:14

Maʌ̃ne sacerdoterãba Ãcõrẽ de dromane obadara poya od̶aẽ́ basía Ãcõrẽ quĩrãwãrẽã dorrodorroada idji de dromane ed̶a b̶ʌ bẽrã.

Exodo 19:15

Idjab̶a Moiseba ãdjirãa jarasia: –Nu nurẽmabema carea bãrãra bãdji quima ume quĩrãipa cãĩnida panʌa.–

Exodo 19:17

Maʌ̃be Moiseba israelerãra ãdjirã duanʌmaʌba Sinai eya carrad̶aa edesia Ãcõrẽra bed̶ea b̶ʌda ũrĩnamãrẽã.

Exodo 19:9

Maʌ̃ne Ãcõrẽba idjía jarasia: –Mʌ̃ra jʌ̃rãrã pãĩmane bʌ ume bed̶ead̶e zeya israelerãba dadji bed̶eabʌdara ũrĩnamãrẽã. Mãwã ãdjirãba jũma bʌa jarabʌrʌra ĩjã panania.–

Exodo 20:18

Israelerãba cachiru quĩrãca jĩgua nũmʌda, baa sid̶a ũrĩsid̶aa. Idjab̶a Sinai eyad̶e cowaga nũmʌda unusid̶aa. Maʌ̃ne ne wayaaba ure duanʌda tʌmʌ jĩga duanesid̶aa.

Exodo 20:21

Maʌ̃be Moisera Sinai eyad̶e ʌ̃taa wãsia jʌ̃rãrã pãĩma cowaga nũmʌne ed̶a Ãcõrẽ b̶ʌmaa. Baribʌrʌ israelerãra tʌmʌ jĩga duanesid̶aa.

Exodo 40:34

Jũma pãrãnacarea jʌ̃rãrã ʌ̃tʌba ed̶aa jira b̶ʌba Ãcõrẽ wua dera ãnã edasia. Maʌ̃ne Ãcõrẽ quĩrãwãrẽã dorrodorroada maʌ̃ ded̶e ed̶a wãsia. Maʌ̃ba Moisera ed̶a poya wãẽ́ basía.

Exodo 9:23

Ara maʌ̃da Moiseba idji bacurura bajãnaa ʌ̃taa wasia. Maʌ̃ne Ãcõrẽba jũma Egipto druad̶e hieloda jurrubisia. Ab̶ed̶a baa bara b̶ae nũmesia. Egipto puru osid̶a ewarid̶eba maʌ̃ quĩrãca wad̶ibid̶a ununaca basía.

Mateo 24:31

Maʌ̃ne cachiru jĩguabʌrʌd̶e mʌ̃a bajãnebema nezocarãda drua b̶eaza wãbiya Ãcõrẽba edad̶arãda ãbaa jʌred̶amãrẽã.

Hebreo 12:21

Israelerãba unu panʌra bio minijĩchia b̶ʌ bẽrã Moiseba nãwã jarasia: “Mʌ̃ra ne wayaaba ure nũmʌa.”

Apocalipsi 1:10

Dadjirã Boro Jesucrito itea wagabada ewarid̶e mʌ̃ra Ãcõrẽ Jaured̶eba b̶asia. Maʌ̃ne mʌ̃ ẽcarraare ab̶aʌba bed̶ea b̶ʌda ũrĩsia. Idji bed̶eara cachiru jĩgua quĩrãca b̶asia.

Apocalipsi 11:19

Maʌ̃be Ãcõrẽ de droma bajãne b̶ʌra ewasia. Maʌ̃ ded̶e ed̶a Ãcõrẽ ley wagabada baurudeda mʌ̃a unusia. Maʌ̃ne baada purewa eda nũmesia, jururua nũmesia, idjab̶a dji cãbãyã b̶ae nũmesia. Naʌ̃ ẽjũãra ure nũmesia idjab̶a hieloda cue quĩrãca jurru nũmesia.

Apocalipsi 4:1

Mãwãnacarea wayacusa cãĩmocara quĩrãca mʌ̃a unusia bajãne ed̶a wãbadada ewa nũmʌda. Maʌ̃ne mʌ̃a naãrã ũrĩna cachiru jĩgua quĩrãca bed̶ea b̶ʌba jarasia: “Nama ʌ̃taa zedua. Mʌ̃a cawabiya nocoarebema ewarid̶e cãrẽda sãwãida.”

Apocalipsi 4:5

Maʌ̃ne Ãcõrẽ bugue biya quiru ẽsi b̶ʌd̶eba baada purewa eda nũmabadjia, jururua nũmabadjia, dji cãbãyã b̶ae nũmabadjia. Maʌ̃ bugue quĩrãpita ĩbĩrãda siete urua nũpanasid̶aa. Siete jaure Ãcõrẽ quĩrãpita b̶eada mãwã panʌa.

Apocalipsi 8:5

Maʌ̃be bajãnebema nezocaba quera babada eped̶ecoda edaped̶a quera babada ʌ̃rʌ̃ tʌbʌdau urua b̶ʌba birasia. Maʌ̃ tʌbʌdau uruara naʌ̃ ẽjũãnaa peatasia. Maʌ̃ba baada jururuasia, dji cãbãyã jĩgua b̶ae nũmesia, purewa eda nũmesia, idjab̶a naʌ̃ ẽjũãra ure nũmesia.