Exodo 19:12 - Ãcõrẽ Bed̶ea

¹² Idjab̶a naʌ̃ eya carra sẽyãda aud̶u jũrã b̶ʌdua. Israelerãra maʌ̃ sẽyã b̶ʌd̶eba ed̶aa wãnacara panʌa. Ãdjirãa jaradua: “Naʌ̃ eyad̶e ʌ̃taa bãrãra wãnacara panʌa ni dji carraya bid̶a wãnacara panʌa. Bariduada wãibʌrʌ wãrãda beuida b̶ʌa.”

Exodo 19:12 Iomraidhean Croise

Exodo 10:28

Maʌ̃ne idjia Moisea jarasia: –Mʌ̃ quĩrãpitabemada ãyã wãdua. Mʌ̃maa waa zerãdua. Bʌda mʌ̃maa zeibʌrʌ, mʌ̃a bʌra beaya.–

Exodo 19:21

Maʌ̃ne Ãcõrẽba Moisea jarasia: –Israelerãmaa ed̶aa wãdua. Ãdjirãa jaradua naʌ̃ eya carra aud̶u jũrã b̶ʌ sẽyãneba ed̶aa zecara panʌda mʌ̃ acʌd̶i carea. Mãwã od̶ibʌrʌ beud̶ia.

Exodo 19:23

Moiseba Ãcõrẽa jarasia: –Israelerãra naʌ̃ Sinai eyad̶e ʌ̃taa poya zed̶aẽ́a, bʌa dairãa mãwã jara b̶ʌd̶a bẽrã. Bʌa naʌ̃ eya carra aud̶u jũrã dairãa sẽyãda b̶ʌbisia, naʌ̃ eyara ab̶abe bʌ itea b̶amãrẽã.–

Exodo 24:2

Ãdjirãra mʌ̃ caita zecara panʌa. Ab̶abe bʌdrʌ mʌ̃ caita zeida b̶ʌa. Maʌ̃ awara ni ab̶aʌda bʌ ume naʌ̃ eyad̶e ʌ̃taa zecara b̶ʌa.–

Exodo 34:12

Quĩrãcuitad̶adua. Bãrã wãbʌda druad̶ebemarã ume bed̶ea b̶ʌrãnadua. Mãwã od̶ibʌrʌ cawaẽ́ne bãrã bid̶a ãdji jʌwaba od̶a ãcõrẽa bia bed̶ead̶ia.

Exodo 34:3

Ni ab̶aʌda bʌ ume zecara b̶ʌa idjab̶a ni ab̶aʌda eyad̶e b̶acara b̶ʌa. Ovejara paca sid̶a eya carrad̶e ne cod̶acara panʌa.–

Hebreo 12:18

Bãrã Ãcõrẽmaa zeped̶ad̶ara israelerã zeped̶ad̶a quĩrãca b̶ʌẽ́a. Israelerãra Sinai eyad̶aa wãsid̶aa. Maʌ̃ eyara ãdji dauba unusid̶aa. Maʌ̃ne eyara uruga nũmasia, ewarira pãĩsosoa nũmesia, idjab̶a nãũrãda minijĩchia pua nũmesia.

Josue 3:4

Mãwã cawad̶ia sãmaa wãnida panʌda, bãrãra wad̶i naʌ̃ od̶e wãnaca bẽrã. Baribʌrʌ Ãcõrẽ baurude caita wãrãnadua; ab̶a unuicha b̶ʌmaʌba nĩbad̶ida panʌa.–