Exodo 19:10 - Ãcõrẽ Bed̶ea

^10-11 Idjab̶a Ãcõrẽba Moisea jarasia: –Israelerãa jarad̶e wãdua nu nurẽma ãdjia acʌ duanʌne mʌ̃ra Sinai eyad̶aa zeida. Maʌ̃ bẽrã id̶i, nu bid̶a ãdjirãba od̶ida panʌa maʌ̃ ewarid̶e mʌ̃ itea bia duanani carea. Mʌ̃ quĩrãpita duanani bẽrã wua tãtod̶ada jʌ̃ pananida panʌa.

Exodo 19:10 Iomraidhean Croise

Genesi 35:2

Ara maʌ̃da Jacoboba idji ẽberãrãa, waabema idji ume duanʌ́a bid̶a jarasia: –Bãrãba jʌwaba od̶a ãcõrẽda eropanʌbʌrʌ, jũma b̶atacuad̶adua. Maʌ̃be cuid̶aped̶a cacuad̶e jʌ̃bada tãtod̶ada jʌ̃nadua Ãcõrẽ quĩrãpita bia b̶ead̶i carea.

Job 1:5

Maʌ̃be ãdji b̶ʌsrid̶a ãbaa ne cod̶i ewari jõnacarea ãdji zeza Joba ãdjirãra trʌ̃badjia Ãcõrẽ quĩrãpita bia b̶ʌi carea. Nãwã obadjia: diaped̶ed̶a pirab̶ariped̶a idji warrarã carea animarãda ab̶a ab̶a Ãcõrẽa babue diabadjia. Idjia crĩcha b̶asia: “Ãĩbẽrã mʌ̃ warrarãba cadjiruada osid̶ada wa ãdji sod̶eba Ãcõrẽra biẽ́ jarasid̶ada.”

Numero 11:18

Israelerãa jaradua nedjarada nu cod̶i bẽrã nane ãdjirãba od̶ida panʌa nu mʌ̃ quĩrãpita bia duanani carea. Mʌ̃a ũrĩsia ãdjirã jĩã panʌba nãwã jara panʌda: “¡Ay, nedjarada cobʌdabara! ¡Dadjirãra Egiptod̶e biara duanabadjid̶aa!” Mãwã jara panʌ bẽrã mʌ̃a ãdjirãa nedjarada diaya cod̶amãrẽã.

1 Corinto 6:11

Ʌ̃cʌrʌ bãrãra naẽna mãwã b̶easia. Baribʌrʌ bãrãba cadjirua oped̶ad̶ara Ãcõrẽba sʌgʌsia, idji itea bia b̶ʌsia, idjab̶a jipa unusia dadjirã Boro Jesucritod̶eba idjab̶a idji Jaured̶eba.

Hebreo 10:22

Maʌ̃ bẽrã Ãcõrẽ caita wãnadrʌ. Critoba dadjirã crĩcha cadjirua b̶ad̶ada jipa b̶ʌsia dadjirã so idji oaba jĩãpobʌrʌ quĩrãca. Ãcõrẽ quĩrãpita bia b̶ʌsia dadjirã cacuara baido pãpãrã quiruba sʌgʌd̶a quĩrãca. Maʌ̃ bẽrã crĩcha ab̶a panʌneba idjab̶a wãrãda ĩjã panʌneba Ãcõrẽ caita wãnida panʌa.

Josue 3:5

Maʌ̃ awara Josueba israelerãa jarasia: –Nu Ãcõrẽba dadjirã quĩrãpita ne ununacada oya. Maʌ̃ bẽrã idji quĩrãpita bia duanani carea od̶adua.–

Josue 7:13

Jãʌ̃be purua nãwã jarad̶e wãdua: “Nu Ãcõrẽ quĩrãpita dji jʌred̶ida panʌ bẽrã idji itea bia panani carea od̶ida panʌra nane od̶adua. Dadji israelerã Ãcõrẽba nãwã jara b̶ʌa: mʌ̃a Jericod̶ebema jũma babued̶aduad̶a ad̶amĩna bãrã israelerãba ʌ̃cʌrʌ edad̶aped̶a mẽrã eropanʌa. Bãrãba maʌ̃gʌra ãyã eded̶aped̶a jũma babued̶aẽ́bʌrʌ, bãrã dji quĩrũra poyad̶aẽ́a.”

Apocalipsi 22:14

Bio bia b̶eaa cacuad̶e jʌ̃bada tãto erob̶eara. Ãdjirãra purud̶e ed̶a wãnida panʌa nejõ zocai b̶ai diabarida jõni carea.

Apocalipsi 7:14

Mʌ̃a panusia: “Bʌabʌrʌ cawa b̶ʌa.” Maʌ̃ne idjia jarasia: “Naʌ̃ ẽberãrãra jĩrũarebema ewari bio minijĩchia b̶ʌd̶ebema ẽdrʌped̶ad̶arãa. Oveja Zaque oaba ãdjia cacuad̶e jʌ̃badara totroa tãtosid̶aa.

1 Samuel 16:5

Samuelba panusia: –Mãẽ, mʌ̃a naʌ̃ paca zaqueda Ãcõrẽa babue diad̶e ze b̶ʌa. Maʌ̃ carea Ãcõrẽ quĩrãpita bia duanani carea od̶adua. Mãwãnacarea animarãda babue diad̶e wãnia.– Maʌ̃be Samuelba Jeséra idji warrarã sid̶a Ãcõrẽ quĩrãpita bia b̶ʌped̶a ed̶osia idji ume animarã babue diad̶e wãnamãrẽã.