Exodo 19:1 - Ãcõrẽ Bed̶ea

^1-2 Israelerãra Repidiʌ̃neba wãbʌrʌd̶aped̶a Sinai ẽjũã põãsa ewaraga b̶ʌd̶e jũẽne wãsid̶aa. Jũẽnaped̶a Sinai eya caita duanesid̶aa. Ãdjirã Egiptod̶eba ẽdrʌped̶ad̶acarea jed̶eco uméne mama jũẽsid̶aa.

Exodo 19:1 Iomraidhean Croise

Exodo 12:2

–Id̶iba ʌ̃taa naʌ̃ jed̶ecora bãrã israelerã itea dji nabema jed̶eco baya.

Exodo 12:51

Ara maʌ̃ ewarid̶e Ãcõrẽba israelerãra Egiptod̶eba jũma ẽdrʌ edesia sordaorã djõne wãbada quĩrãca.

Exodo 12:6

Maʌ̃ animarãra ewari quĩmãrẽ bio wagad̶ida panʌa. Catorcebema ewari queubʌrʌd̶e jũma israelerãba maʌ̃ animarãra bead̶ida panʌa.

Exodo 16:1

Egiptod̶eba ẽdrʌped̶ad̶acarea jed̶eco ab̶a babʌrʌd̶e israelerãra Eliʌ̃ abadad̶eba ẽjũã põãsa ewaraga b̶ʌ Siʌ̃ abadad̶aa wãsid̶aa. Siʌ̃ra Eliʌ̃ idjab̶a Sinai eya ẽsi b̶ʌa.

Exodo 3:12

Maʌ̃ne Ãcõrẽba panusia: –Wãdua. Mʌ̃ra bʌ ume b̶aya. Mʌ̃a nãwã unubiya bʌra wãrãda diabuesida. Bʌa israelerãra Egiptod̶ebemada ãyã edeped̶a bãrãba naʌ̃ eyad̶e mʌ̃́a bia bed̶ead̶e zed̶ia.–

Exodo 40:2

–Poa djiwid̶id̶e nabema jed̶ecod̶e dji nabema ewarid̶e mʌ̃ wua dera carawad̶adua.

Numero 10:12

Ara maʌ̃da israelerãra Sinai ẽjũã põãsa ewaraga b̶ʌd̶eba maʌ̃ jʌ̃rãrã caid̶u wãsid̶aa. Ʌ̃nãũ eda wãbʌdad̶e Paraʌ̃ ẽjũã põãsa ewaraga b̶ʌd̶e jũẽne wãsid̶aa. Mama jʌ̃rãrãra jira b̶esia.