Exodo 18:11 - Ãcõrẽ Bed̶ea

¹¹ Id̶ibʌrʌ mʌ̃a cawasia Ãcõrẽra dji dromaara b̶ʌda. Dewara ãcõrẽda idji quĩrãca neẽ́a. Mãwã cawa b̶ʌa Ãcõrẽba israelerã biẽ́ o eropananarã poyasi bẽrã.–

Exodo 18:11 Iomraidhean Croise

1 Reye 17:24

Maʌ̃ne dji papaba Elíaa jarasia: –Id̶ibʌrʌ mʌ̃a cawasia bʌra wãrãda Ãcõrẽneba bed̶eabarida idjab̶a bʌa jara b̶ʌra wãrãda Ãcõrẽneba ze b̶ʌda.–

2 Reye 5:15

Naamaʌ̃ra idji ume panʌ sid̶a jẽda Eliseomaa wãnaped̶a Naamaʌ̃ba idji quĩrãpita nãwã jarasia: –Id̶ibʌrʌ cawasia wãrã Ãcõrẽda ab̶abe naʌ̃ Israel druad̶e b̶ʌda. Mʌ̃ djuburia, mʌ̃a ne diabʌrʌra edadua.–

Exodo 1:10

Maʌ̃ bẽrã crĩcha cawaad̶eba dadjirãba od̶ia ãdjirãra aud̶uara yõrãnamãrẽã. Mãwã od̶aẽ́bʌrʌ, dji quĩrũda dadjirã ume djõbʌdad̶e israelerãra ãdjirãare djõnia. Mãwãra naʌ̃ druad̶ebemada ẽdrʌd̶ia.–

Exodo 1:16

–Bãrãba hebreo wẽrãda careba warra tobibʌdad̶e acʌd̶adua dji cãrẽda tosi cawaya. Umaquĩrã warrada toibʌrʌ, bead̶adua. Wẽrãcauda toibʌrʌ, idu b̶ʌd̶adua.–

Exodo 1:22

Maʌ̃be Egiptod̶ebema boroba idji purua jarasia: –Hebreorãba umaquĩrã warrada tod̶ibʌrʌ daid̶u b̶atacuad̶adua, baribʌrʌ wẽrãcauda tod̶ibʌrʌ zocai b̶ʌd̶adua.–

Exodo 10:3

Ara maʌ̃da Moisera Aaroʌ̃ sid̶a Egiptod̶ebema boromaa wãnaped̶a nãwã jarasid̶aa: –Dai hebreorã Ãcõrẽba nãwã jara b̶ʌa: “¿Bʌa sãʌ̃bebʌrʌ mʌ̃ra wayai? Mʌ̃ purura idu wãbidua mʌ̃́a animarãda babue diad̶amãrẽã.

Exodo 12:12

Maʌ̃ diamasi mʌ̃ra jũma Egipto druad̶e pʌrrʌaya. Maʌ̃ne mʌ̃a quinibiya jũma Egiptod̶ebema umaquĩrã warra dji nabemarãda idjab̶a Egiptod̶ebema animarã warra dji umaquĩrã naãrã tod̶a sid̶a. Mãwã mʌ̃a unubiya egiptorãba ãcõrẽ quĩrãca erob̶eara siriẽ́ b̶eada. Mʌ̃drʌ Ãcõrẽa.

Exodo 14:8

Maʌ̃ne Ãcõrẽba Egiptod̶ebema borora so zarea b̶ʌsia israelerã caid̶u wãmãrẽã. Ãcõrẽ ʌb̶ʌad̶eba israelerãra Egiptod̶eba ẽdrʌped̶ad̶amĩna Egiptod̶ebema borora idji sordaorã ume caid̶u wãsid̶aa.

Exodo 15:11

Ãcõrẽ, ẽberãrãba ãcõrẽ abada tãẽna dewarada neẽ́a bʌ quĩrãca. Ni ab̶aʌda neẽ́a bʌ cãyãbara dji dromaara b̶ʌda. Bʌa o b̶ʌ carea jũmarãba bʌra wayabadaa. Bʌabʌrʌ ne ununaca waib̶ʌa b̶eara obaria.

Exodo 5:2

Maʌ̃ne Egiptod̶ebema boroba panusia: –¿Cai maʌ̃ Ãcõrẽ mãwã idjia israelerã idu wãbiduad̶a ad̶ara mʌ̃a ĩjãi carea? Mʌ̃a idjira adua b̶ʌa. Maʌ̃ bẽrã mʌ̃a bãrã israelerãra idu wãbiẽ́a.–

Exodo 5:7

–Id̶iba ʌ̃taa israelerãa chiruada waa diarãnadua. Ãdjirãbʌrʌ chiruara jʌrʌ ped̶e wãnaped̶a de obada mõgarara od̶ida panʌa.

Luca 1:51

Ãcõrẽba idji ʌb̶ʌad̶eba ne waib̶ʌada ocuasia. Ara ãdjidub̶a dji dromada crĩcha b̶eara idjia memenebisia.

Santiago 4:6

Baribʌrʌ Ãcõrẽba idji biad̶eba dadjirãra bio careba b̶ʌa. Maʌ̃ carea Idji Bed̶ead̶e nãwã b̶ʌ́ b̶ʌa: Dji dromada crĩcha b̶eara Ãcõrẽba idu bia wãbicaa. Baribʌrʌ dji dromada crĩchaẽ́ b̶eara Ãcõrẽba idji biad̶eba carebabaria.

1 Pedro 5:5

Cũdrarã, drõãrãba jarabʌdara ĩjã od̶adua. Jũmarãda dji careba b̶ead̶ida panʌa djãrã cãyãbara dji dromaara b̶ʌda crĩchad̶aẽ́. Ãcõrẽ Bed̶ead̶e nãwã b̶ʌ́ b̶ʌa: Dji dromada crĩcha b̶eara Ãcõrẽba idu bia wãbicaa. Baribʌrʌ dji dromada crĩchaẽ́ b̶eara Ãcõrẽba idji biad̶eba carebabaria.

1 Samuel 2:3

Ãcõrẽba ne jũmada cawa b̶ʌa. Idjiabʌrʌ dadjia o panʌra cawa obaria. Maʌ̃ bẽrã ni ab̶aʌda dji droma quĩrãca bed̶eaiẽ́ b̶ʌa. Ni maãrĩ bid̶a mãwã bed̶eaiẽ́ b̶ʌa.