Exodo 18:10 - Ãcõrẽ Bed̶ea

¹⁰ Jetroba nãwã jarasia: –Bio biya quirua Ãcõrẽra, idjia bãrã israelerãra egiptorã jʌwaed̶abemada, ãdjirã boro jʌwaed̶abema sid̶a ẽdrʌ edad̶a bẽrã.

Exodo 18:10 Iomraidhean Croise

Genesi 14:20

Ãcõrẽ dji Dromaara b̶ʌra bio biya quirua. Idjia bʌ dji quĩrũrãra bʌ́a poyabisia. Maʌ̃ne Abraʌ̃ba ne jũma jãrĩnanebemada die juachabʌrʌza Melquisedéa ab̶a dia wãsia.

Genesi 24:27

Nãwã jarasia: –Bia quirua Ãcõrẽ, mʌ̃ boro Abrahaʌ̃ Ãcõrẽ. Bʌa mʌ̃ boro Abrahaʌ̃ra quĩrã djuburiad̶eba wãrãda careba b̶ʌa. Mʌ̃ra od̶e jipa enesia idji ẽberãrãmaa.–

Luca 1:68

¡Israelerã Ãcõrẽra bio bia b̶ʌa, idji ẽberãrãra ẽdrʌ edai carea ze b̶ʌ bẽrã!

Epeso 1:3

Dadjirã Boro Jesucrito Zeza Ãcõrẽa bia bed̶ead̶ida panʌa. Crito ume panʌ bẽrã idji Jaured̶eba ne jũma biada dadjirãa bajãneba dia b̶ʌa.

1 Tesalonica 3:9

Bãrã carea daira Ãcõrẽ quĩrãpita bio b̶ʌsrid̶a panʌa. Jãcua b̶ʌsrid̶a panʌ bẽrã Ãcõrẽa bia b̶ʌad̶a abʌdad̶e wad̶ibid̶a maʌ̃ra cʌrebae b̶ʌa.

1 Pedro 1:3

Dadjirã Boro Jesucrito Zeza Ãcõrẽa bia bed̶ead̶ida panʌa. Idjia dadjirãra bio quĩrã djuburiad̶a bẽrã Jesucrito beu b̶ad̶a ʌ̃rẽbad̶ad̶eba zocai b̶ai djiwid̶ida diasia. Maʌ̃ bẽrã idji ume bajãne pananida jʌ̃ã panʌa.

1 Samuel 15:6

Maʌ̃ne Saulba quenitarãa nãwã jarasia: –Dairãba amalecitarãra jũma quenania. Maʌ̃ bẽrã ãdjirã tãẽnabemada isabe ãyã wãnadua. Dairãba bãrãra bea quĩrĩãẽ́ panʌa, dai drõã naẽnabemarã Egiptod̶eba ẽdrʌsid̶ad̶e bãrãba carebaped̶ad̶a bẽrã.– Ara maʌ̃da quenitarãra amalecitarã tãẽnabemada ãyã wãsid̶aa.