Exodo 17:9 - Ãcõrẽ Bed̶ea

⁹ Maʌ̃ bẽrã Moiseba idji carebabari Josueda trʌ̃ped̶a jarasia: –Ʌ̃cʌrʌ umaquĩrãrãda jʌrʌ pedua nu amalecitarã ume djõne wãni carea. Maʌ̃ne mʌ̃ra eya zaque borod̶e b̶aya. Ãcõrẽba ne ununaca obi b̶ad̶a bacuruda mʌ̃ jʌwad̶e erob̶aya.–

Exodo 17:9 Iomraidhean Croise

Exodo 17:13

Maʌ̃ne Josueba idjia edad̶a ẽberãrã ume amalecitarãra poyasid̶aa.

Exodo 18:21

Maʌ̃ awara bʌ carebad̶amãrẽã ʌ̃cʌrʌ umaquĩrã poya cawa od̶ida b̶eada edadua. Maʌ̃gʌrãba Ãcõrẽra waya b̶ead̶ida panʌa, bed̶ea ab̶a b̶ead̶ida panʌa, idjab̶a paratada awua b̶ead̶iẽ́ panʌa. Mãwã b̶eadrʌ b̶ʌdua israelerã bororãda b̶ead̶amãrẽã. Mil ẽberãrã juachabʌdaza dji boroda ab̶a b̶ʌdua. Cien ẽberãrã juachabʌdaza ab̶a b̶ʌdua. Cincuenta ẽberãrã juachabʌdaza ab̶a b̶ʌdua. Idjab̶a die ẽberãrã juachabʌdaza ab̶a b̶ʌdua.

Exodo 24:13

Ara maʌ̃da Moisera idji carebabari Josue ume Sinai eyad̶e ʌ̃taa wãsid̶aa Ãcõrẽ b̶ʌmaa.

Exodo 33:11

Maʌ̃ne Ãcõrẽra Moise ume jĩgua bed̶eabadjia ẽberã umé nẽbʌrʌ panʌ quĩrãca. Nẽbʌrʌped̶ad̶acarea Moisera jẽda zebadjia israelerã duanʌmaa. Baribʌrʌ idji carebabari Josueda maʌ̃ wua ded̶e b̶ebadjia. Maʌ̃ cũdrara Nuʌ̃ warra basía.

Exodo 4:17

Bʌ jʌwad̶e erob̶ʌ bacurura ededua maʌ̃gʌd̶eba ne ununacada oi bẽrã.–

Exodo 4:2

Maʌ̃ne Ãcõrẽba iwid̶isia: –¿Bʌa cãrẽda jʌwad̶e erob̶ʌ?– Moiseba panusia: –Bacuruda erob̶ʌa.–

Exodo 4:20

Maʌ̃be Moiseba dji quimada, dji warrarã sid̶a burro ʌ̃rʌ̃ b̶ʌped̶a Egiptod̶aa wãsid̶aa. Idji jʌwad̶e edesia Ãcõrẽba ne ununaca obi b̶ad̶a bacuruda.

Numero 11:28

Maʌ̃ne Nuʌ̃ warra Josueba jarasia: –Mʌ̃ boro Moise, ãdjía idu mãwã bed̶eabirãdua.– (Josuera cũdra ed̶aʌba Moise carebabari basía.)

Numero 13:16

Moiseba Canaaʌ̃ drua acʌd̶e diabued̶arã trʌ̃ra maʌ̃gʌrã basía. (Nuʌ̃ warra Oseara Moiseba trʌ̃ b̶ʌsia Josue.)

Numero 13:8

Epraiʌ̃neba yõna purud̶ebema Nuʌ̃ warra Oseada,

Numero 27:18

Ãcõrẽba jarasia: –Mãẽteara israelerã boro bamãrẽã Nuʌ̃ warra Josueda b̶ʌdua. Idjia mʌ̃ Jaureda erob̶ʌa. Idjira sacerdote Eleaza quĩrãpita, puru quĩrãpita bid̶a ededua. Mama bʌ jʌwara idji boro ʌ̃rʌ̃ b̶ʌdua acʌbi carea idjira ãdji boroda b̶ʌbʌrʌda.

Hecho 7:45

Mãwãnacarea ãdjid̶eba yõped̶ad̶arãba wua dera eropanasid̶aa. Josue ãdji boro basid̶e wua dera naʌ̃ druad̶aa enesid̶aa. Maʌ̃ ewarid̶e dewara puru naʌ̃ druad̶e b̶eada Ãcõrẽba dadji drõãenabemarã quĩrãpita ãyã jʌrecuasia. Mãwã naʌ̃ druara jũma jãrĩsid̶aa. Ãcõrẽ wua dera Davi ewarid̶e wad̶ibid̶a naʌ̃ druad̶e b̶asia.

Hebreo 4:8

Josueba israelerãra Ãcõrẽba wãrãda ʌ̃nãũbimaa eded̶abara Ãcõrẽba dewara ʌ̃nãũbid̶ebemada bed̶eaẽ́ bacasia.

Josue 8:18

Maʌ̃ne Ãcõrẽba Josuéa jarasia: –Hai purura mʌ̃a bãrãa poyabibʌrʌa. Maʌ̃ bẽrã bʌ mĩãsura purud̶aa ʌ̃taa wadua.– Ara maʌ̃da Josueba idji mĩãsura Hai purud̶aa ʌ̃taa wasia.

Josue 8:3

Ara maʌ̃da Josuera jũma idji sordaorã sid̶a Haid̶ebemarã ume djõne wãsid̶aa. Josueba sordaorã bio mẽsrã b̶eada treinta mil awara b̶ʌped̶a diamasi Hai purud̶aa na diabuesia.