Exodo 17:7 - Ãcõrẽ Bed̶ea

⁷ Israelerã baido neẽ́ pananama Moiseba trʌ̃ b̶ʌsia Masá idjab̶a Meribá. Idjia trʌ̃ b̶ʌsia Meribá, israelerãba quĩrũbid̶eba biẽ́ bed̶easid̶a bẽrã. Idjab̶a trʌ̃ b̶ʌsia Masá, Ãcõrẽba sãwã oi cawaya israelerãba nãwã jarasid̶a bẽrã: –¿Ãcõrẽra dadjirã tãẽna b̶ʌca wa neẽ́?–

Exodo 17:7 Iomraidhean Croise

Exodo 17:2

Maʌ̃ bẽrã ãdjirãba quĩrũbid̶eba Moiseda biẽ́ jarasid̶aa: –Bʌa dairãa baidora diaida b̶ʌa dod̶i carea.– Maʌ̃ne Moiseba ãdjirãa jarasia: –¿Cãrẽ cãrẽã jãwã mʌ̃́a biẽ́ bed̶ea panʌ? ¿Ãcõrẽba sãwã oi cawaya jãwã panʌca?–

Exodo 34:9

Nãwã jarasia: –Mʌ̃ Boro, bʌa mʌ̃da bia unu b̶ʌbʌrʌ, dairã ume wãdua. Naʌ̃ ẽberãrãra cʌwʌrʌ zarea panʌmĩna dairãba cadjirua oped̶ad̶ara quĩrãdoadua idjab̶a dairãra edadua bʌ puru bamãrẽã.–

Numero 14:22

Naʌ̃ ẽberãrã ni ab̶aʌda mʌ̃a ãdji drõã naẽnabemarãa diai jarad̶a ẽjũãne idu jũẽbiẽ́a. Ãdjirãba mʌ̃ quĩrãwãrẽã dorrodorroada unuped̶ad̶amĩna idjab̶a Egiptod̶e, ẽjũã põãsa ewaraga b̶ʌd̶e bid̶a mʌ̃a ne ununaca o b̶ʌda unuped̶ad̶amĩna mʌ̃ra ĩjãnaẽ́ basía. Ãtebʌrʌ mʌ̃a poya oẽ́ quĩrãca b̶arima zocãrã biẽ́ bed̶easid̶aa. Mʌ̃da igaraped̶ad̶a bẽrã ãdjirã ni ab̶aʌda Canaaʌ̃ druad̶e jũẽnaẽ́a.

Numero 20:13

Maʌ̃ baido weabid̶ama trʌ̃ b̶ʌsid̶aa Meribá, israelerãra baido carea quĩrũbid̶eba Ãcõrẽ quĩrãpita biẽ́ bed̶eaped̶ad̶a bẽrã. Maʌ̃ baido weabi b̶ʌd̶eba Ãcõrẽba ãdjirãa cawabisia idjira wãrãda Ãcõrẽda.

Numero 20:24

–Nama Aaroʌ̃ra jaid̶aya. Idjira mʌ̃a israelerãa diai jarad̶a druad̶e ed̶a wãcara b̶ʌa, Meribád̶e mʌ̃a baido weabid̶ama bãrãba mʌ̃a jarad̶ara ĩjã od̶aẽ́ basi bẽrã.

Numero 27:14

Mãwã jaid̶aya bãrãba Ziʌ̃ ẽjũã põãsa ewaraga b̶ʌd̶e mʌ̃a jarad̶ara ĩjã od̶aẽ́ basi bẽrã. Mama israelerãba quĩrũbid̶eba baido iwid̶isid̶ad̶e bãrãba ãdjirãa mʌ̃ra wãrãda Ãcõrẽda cawabid̶aẽ́ basía.– (Maʌ̃ra mãwãsia Ziʌ̃ ẽjũã põãsa ewaraga b̶ʌd̶e Cadé abadama. Mama Ãcõrẽba mõgarad̶eba baido weabid̶ama trʌ̃ b̶ʌsid̶aa “Meribá.”)

Juaʌ̃ 1:14

Bed̶ea abadara naʌ̃ djara edaped̶a dadjirã tãẽna nĩbabadjia. Idji biad̶eba dadjirãra bio carebasia. Idjia dadjirãa ebud̶a cawabisia Ãcõrẽra wãrãda sãwã b̶ʌda. Maʌ̃ne dairãba unusid̶aa idjira dji droma b̶ʌda, dadjirã Zeza Warrada mãwã b̶ʌ bẽrã.