Exodo 17:3 - Ãcõrẽ Bed̶ea

³ Baribʌrʌ israelerã opichia panʌ bẽrã quĩrũbid̶eba Moisea jara duanasia: –¿Cãrẽ cãrẽã dairãra Egiptod̶eba ẽdrʌ enesi? Dairãra, dai warrarãra, idjab̶a dai animarã sid̶a opichiaba jũma quininia.–

Exodo 17:3 Iomraidhean Croise

Exodo 12:38

Ãdji animarã zocãrã eropanʌ sid̶a jũma edesid̶aa. Israelerã ume dewara ẽberãrã sid̶a zocãrã wãsid̶aa.

Exodo 14:11

Maʌ̃ne ãdjirãba Moisea jarasid̶aa: –¿Bʌa cãrẽ cãrẽã jãwã osi? ¿Cãrẽ cãrẽã Egiptod̶eba dairãra nama pe enesi? ¿Egiptod̶e dairã joud̶i carea ẽjũãra neẽ́ basica? ¿Bʌa dairãra naʌ̃ ẽjũã põãsa ewaraga b̶ʌd̶e beubi carea enesica?

Exodo 15:24

Maʌ̃ne ãdjirãba Moisea quĩrũbid̶eba nãwã biẽ́ jarasid̶aa: –¿Dadjirãba nama cãrẽda dod̶i?–

Numero 14:22

Naʌ̃ ẽberãrã ni ab̶aʌda mʌ̃a ãdji drõã naẽnabemarãa diai jarad̶a ẽjũãne idu jũẽbiẽ́a. Ãdjirãba mʌ̃ quĩrãwãrẽã dorrodorroada unuped̶ad̶amĩna idjab̶a Egiptod̶e, ẽjũã põãsa ewaraga b̶ʌd̶e bid̶a mʌ̃a ne ununaca o b̶ʌda unuped̶ad̶amĩna mʌ̃ra ĩjãnaẽ́ basía. Ãtebʌrʌ mʌ̃a poya oẽ́ quĩrãca b̶arima zocãrã biẽ́ bed̶easid̶aa. Mʌ̃da igaraped̶ad̶a bẽrã ãdjirã ni ab̶aʌda Canaaʌ̃ druad̶e jũẽnaẽ́a.

Numero 20:4

¿Bãrãba cãrẽ cãrẽã dairã, Ãcõrẽ purura naʌ̃ ẽjũã põãsa ewaraga b̶ʌd̶aa enesid̶aa? ¿Dairãra dai animarã sid̶a nama beud̶amãrẽã enesid̶aca?