Exodo 16:3 - Ãcõrẽ Bed̶ea

³ Quĩrũbid̶eba ãdjirãba Moisea, Aaroʌ̃a bid̶a nãwã jarasid̶aa: –Biara b̶acasia Ãcõrẽba dairãra idu Egipto druad̶e beubid̶abara. Jãma dairãra necai ne co duanabadjid̶aa. Nedjarada, paʌ̃ sid̶a ad̶uba eropanasid̶aa. Baribʌrʌ bãrãba dairãra naʌ̃ ẽjũã põãsa ewaraga b̶ʌmaa jarrababa quenani carea enesid̶aa.–

Exodo 16:3 Iomraidhean Croise

Exodo 14:11

Maʌ̃ne ãdjirãba Moisea jarasid̶aa: –¿Bʌa cãrẽ cãrẽã jãwã osi? ¿Cãrẽ cãrẽã Egiptod̶eba dairãra nama pe enesi? ¿Egiptod̶e dairã joud̶i carea ẽjũãra neẽ́ basica? ¿Bʌa dairãra naʌ̃ ẽjũã põãsa ewaraga b̶ʌd̶e beubi carea enesica?

Exodo 17:3

Baribʌrʌ israelerã opichia panʌ bẽrã quĩrũbid̶eba Moisea jara duanasia: –¿Cãrẽ cãrẽã dairãra Egiptod̶eba ẽdrʌ enesi? Dairãra, dai warrarãra, idjab̶a dai animarã sid̶a opichiaba jũma quininia.–

Exodo 2:23

Mãwãnacarea dãrãbʌrʌd̶e Egiptod̶ebema borora beusia. Baribʌrʌ egiptorãba israelerãra wad̶i zoca eropanʌ bẽrã ãdub̶a mĩã sopua bed̶eabadjid̶aa. Ãdjirãba Ãcõrẽa quĩrã djuburiada iwid̶ibadjid̶aa. Maʌ̃ra Ãcõrẽba ũrĩsia.

Exodo 5:21

Dji traja panʌ bororãba ãdjía jarasid̶aa: –Ãcõrẽba bãrãra cawa oya. Bãrãdrʌ bed̶ead̶e panʌa dairãra Egiptod̶ebema boro quĩrãpita, dji dromarã quĩrãpita bid̶a biẽ́ panebʌda carea. Id̶ibʌrʌ bãrãba dairãra quenabid̶ia.–

Numero 11:15

Bʌa naʌ̃ puruda mʌ̃dub̶aʌa edebibʌrʌ biara b̶ʌa mʌ̃ra beaida. Bʌa wãrãda mʌ̃da bia unu b̶ʌbʌrʌ, mʌ̃ra beadua waa bia mĩgarãmãrẽã.–

Numero 14:2

Puruba Moiseda, Aaroʌ̃ sid̶a biẽ́ jarad̶aped̶a ãdjía nãwã jarasid̶aa: –¡Dairãra Egiptod̶e beuped̶ad̶abara biara b̶acasia! ¡Naʌ̃ ẽjũã põãsa ewaraga b̶ʌd̶e bid̶a beuped̶ad̶abara biara b̶acasia!

Numero 14:3

¿Ãcõrẽba cãrẽ cãrẽã dairãra maʌ̃ druad̶aa edebʌrʌ? ¿Mama djõ panʌne maʌ̃ druad̶ebemarãba dairãra quenanamãrẽã edebʌrʌca? ¿Dai wẽrãrãra, warrarã sid̶a maʌ̃ ẽberãrãba ara ãdjirã itea jidad̶amãrẽã edebʌrʌca? ¿Egiptod̶aa jẽda wãnida biara b̶ʌẽ́ca?–

Numero 16:13

Bʌa daira drua biad̶eba ẽdrʌ enesia. Maʌ̃ druad̶ebʌrʌ baridua ne uped̶ad̶ara bia zaubaria. Bʌa daira naʌ̃ ẽjũã põãsa ewaraga b̶ʌd̶e jũma quinibibʌrʌa. Maʌ̃da ¿bʌra wad̶ibid̶a dai boroda b̶a quĩrĩã b̶ʌca?

Numero 16:41

Nurẽma jũma israelerãba wayacusa Moiseda Aaroʌ̃ sid̶a nãwã biẽ́ jara duanesid̶aa: –¡Bãrãba Ãcõrẽ ẽberãrãra beasid̶aa!–

Numero 21:5

Maʌ̃ carea Ãcõrẽda, Moise sid̶a nãwã biẽ́ jara duanesid̶aa: –¿Bʌa dairãra Egiptod̶eba ẽdrʌ enesica naʌ̃ ẽjũã põãsa ewaraga b̶ʌd̶e quininamãrẽã? Cod̶ira neẽ́a. Baido sid̶a neẽ́a. Idjab̶a naʌ̃ maná warraẽ́ tab̶ʌ co panʌba sẽ panʌa.–

Hecho 26:29

Pauloba jarasia: –Mʌ̃a Ãcõrẽa iwid̶i b̶ʌa dãrãẽ́ne wa dãrãbʌrʌd̶e bid̶a bʌra idjab̶a jũma za mʌ̃ bed̶ea ũrĩ duanʌ sid̶a mʌ̃ quĩrãca b̶ead̶amãrẽã, baribʌrʌ naʌ̃ carena neẽ́.–

1 Corinto 4:8

Ãcõrẽneba eda quĩrĩã pananara bãrãba jũma eropanʌana abadaa. Ãcõrẽba dia b̶ʌra ad̶uba eropanʌana abadaa. Dai neẽ́ bãdub̶a Ãcõrẽ quĩrãpita dji dromarãda panesid̶ada crĩcha panʌa. Baribʌrʌ mãwãẽ́a. Bãrãra wãrãda dji dromarãda panenabara bia b̶acasia. Mãwãra dai sid̶a bãrã ume ãbaa dji dromarãda panecasid̶aa.

2 Corinto 11:1

Mʌ̃ra crĩcha neẽ́ b̶ʌ quĩrãca bed̶ea b̶ʌmĩna quĩrĩã b̶ʌa bãrãba droad̶ida. Mʌ̃ djuburia mʌ̃a jara b̶ʌra ũrĩnadua.

Josue 7:7

Mãwã panʌne Josueba Ãcõrẽa nãwã jarasia: –¡Ay, dai Boro Ãcõrẽ! ¿Cãrẽ cãrẽã dairãra Jordaʌ̃ do quĩrãrã chãbisi? ¿Dairãra amorreorã jʌwaed̶a b̶ʌi carea enesica? ¿Ãdjirãba dairã quenanamãrẽã enesica? ¡Jordaʌ̃ do quĩrãrẽ panenabara biara b̶acasia!