Exodo 16:25 - Ãcõrẽ Bed̶ea

²⁵ Maʌ̃ne Moiseba israelerãa jarasia: –Bãrãba waga b̶ʌped̶ad̶a djicora id̶i cod̶adua ʌ̃nãũbada ewari bẽrã. Naʌ̃ ewarira Ãcõrẽ itea wagad̶ida panʌa. Maʌ̃ bẽrã id̶ira Ãcõrẽba dia b̶ʌ paʌ̃ra neẽ́ baya.

Exodo 16:25 Iomraidhean Croise

Exodo 16:23

Maʌ̃ne Moiseba ãdjirãa jarasia: –Ara maʌ̃ quĩrãca Ãcõrẽba obi b̶ʌa. Ãcõrẽba jarasia: “Nubema ewarira bãrã ʌ̃nãũbada ewaria. Mʌ̃ itea maʌ̃ ewarira bãrãba wagad̶ida panʌa. Ʌ̃nãũbada ewarid̶e bãrãra ne djud̶iẽ́ panʌ bẽrã, nane od̶adua bãrãba nu co quĩrĩã panʌ quĩrãca. Ne djud̶ibʌrʌ nane ne djud̶adua. Ãbud̶ibʌrʌ nane ãbud̶adua. Maʌ̃gʌra nubema carea waga b̶ʌd̶adua.”–

Exodo 16:24

Moiseba jarad̶a quĩrãca israelerãba jũma od̶aped̶a waga b̶ʌsid̶aa nurẽma cod̶i carea. Nurẽma maʌ̃ djico waga b̶ʌped̶ad̶ara oregueaẽ́ b̶asia idjab̶a qui neẽ́ b̶asia.

Exodo 16:26

Domiaza sei ewarid̶e bãrãba paʌ̃ra jʌrʌ ped̶ida panʌa. Baribʌrʌ sietebema ewarid̶era neẽ́ baya, Ãcõrẽba maʌ̃ ewarira bãrã ʌ̃nãũnamãrẽã b̶ʌd̶a bẽrã.–

Exodo 16:29

Bio cawad̶adua mʌ̃abʌrʌ bãrãa ʌ̃nãũbada ewarida diasida. Maʌ̃ carea domiaza seibema ewarid̶e paʌ̃ra ewari umébema carea diabaria. Baribʌrʌ sietebema ewarid̶e bãrãra diguid̶a ʌ̃nãũnida panʌa. Maʌ̃ ewarid̶e mʌ̃a dia b̶ʌ paʌ̃ra jʌrʌ ped̶e wãniẽ́ panʌa.–