Exodo 16:2 - Ãcõrẽ Bed̶ea

² Maʌ̃ ẽjũã põãsa ewaraga b̶ʌd̶e cod̶i neẽ́ b̶ʌ bẽrã jũma israelerãba Moisera, Aaroʌ̃ sid̶a biẽ́ jarasid̶aa.

Exodo 16:2 Iomraidhean Croise

Genesi 19:4

Wad̶i cãĩni naẽna jũma purud̶ebema umaquĩrãrãba Lo dera jũrã edasid̶aa. Cũdrarãda, drõãrã sid̶a duanasid̶aa.

Exodo 14:11

Maʌ̃ne ãdjirãba Moisea jarasid̶aa: –¿Bʌa cãrẽ cãrẽã jãwã osi? ¿Cãrẽ cãrẽã Egiptod̶eba dairãra nama pe enesi? ¿Egiptod̶e dairã joud̶i carea ẽjũãra neẽ́ basica? ¿Bʌa dairãra naʌ̃ ẽjũã põãsa ewaraga b̶ʌd̶e beubi carea enesica?

Exodo 15:24

Maʌ̃ne ãdjirãba Moisea quĩrũbid̶eba nãwã biẽ́ jarasid̶aa: –¿Dadjirãba nama cãrẽda dod̶i?–

Exodo 17:3

Baribʌrʌ israelerã opichia panʌ bẽrã quĩrũbid̶eba Moisea jara duanasia: –¿Cãrẽ cãrẽã dairãra Egiptod̶eba ẽdrʌ enesi? Dairãra, dai warrarãra, idjab̶a dai animarã sid̶a opichiaba jũma quininia.–

Exodo 5:21

Dji traja panʌ bororãba ãdjía jarasid̶aa: –Ãcõrẽba bãrãra cawa oya. Bãrãdrʌ bed̶ead̶e panʌa dairãra Egiptod̶ebema boro quĩrãpita, dji dromarã quĩrãpita bid̶a biẽ́ panebʌda carea. Id̶ibʌrʌ bãrãba dairãra quenabid̶ia.–

Numero 14:22

Naʌ̃ ẽberãrã ni ab̶aʌda mʌ̃a ãdji drõã naẽnabemarãa diai jarad̶a ẽjũãne idu jũẽbiẽ́a. Ãdjirãba mʌ̃ quĩrãwãrẽã dorrodorroada unuped̶ad̶amĩna idjab̶a Egiptod̶e, ẽjũã põãsa ewaraga b̶ʌd̶e bid̶a mʌ̃a ne ununaca o b̶ʌda unuped̶ad̶amĩna mʌ̃ra ĩjãnaẽ́ basía. Ãtebʌrʌ mʌ̃a poya oẽ́ quĩrãca b̶arima zocãrã biẽ́ bed̶easid̶aa. Mʌ̃da igaraped̶ad̶a bẽrã ãdjirã ni ab̶aʌda Canaaʌ̃ druad̶e jũẽnaẽ́a.

1 Corinto 10:10

Idjab̶a sobiẽ́ panʌneba Ãcõrẽnebemada biẽ́ bed̶earãnadua ʌ̃cʌrʌ ãdjirãba oped̶ad̶a quĩrãca. Maʌ̃ carea bajãnebema nezoca dadji quinibibariba ãdjirãra zocãrã quinibisia.