Exodo 16:15 - Ãcõrẽ Bed̶ea

¹⁵ Maʌ̃ unusid̶ad̶e israelerãba cawaẽ́ panasid̶aa cãrẽda mãwã b̶ʌda. Maʌ̃ bẽrã ãdjidub̶a iwid̶i duanasid̶aa: –¿Jãʌ̃ra cãrẽ?– Maʌ̃ne Moiseba ãdjirãa jarasia: –Jãʌ̃ra Ãcõrẽba dia b̶ʌ paʌ̃a. Idjia dia b̶ʌa dadjirãba cod̶amãrẽã.

Exodo 16:15 Iomraidhean Croise

Exodo 16:31

Ãcõrẽba dia b̶ʌ paʌ̃ra israelerãba trʌ̃ b̶ʌsid̶aa “maná.” Culãdrʌ ta quĩrãca pichia querasia. Torroa b̶asia idjab̶a cũã b̶asia urrajõnaa od̶a quĩrãca.

Exodo 16:33

Maʌ̃be Moiseba Aaroʌ̃a jarasia: –Manára eped̶eco jũgurua ab̶a zaped̶a zocod̶e wagadua. Maʌ̃ra Ãcõrẽ quĩrãpita b̶ʌdua. Jãma waga eropanania dadji warrarãneba yõbʌdarãba ununamãrẽã.–

Exodo 16:4

Maʌ̃ne Ãcõrẽba Moisea jarasia: –Mʌ̃a cue bajãneba zebibari quĩrãca paʌ̃da bajãneba zebiya israelerãba cod̶amãrẽã. Nãwã mʌ̃a cawaya ãdjirãba jũma mʌ̃a jara b̶ʌra ĩjã pananida wa ĩjã pananaẽ́da: diaped̶aza ãdjirãba ara maʌ̃ ewarid̶e cod̶ira jʌrʌ ped̶e wãnida panʌa. Ewari juesuma mãwã od̶ida panʌa.

Numero 21:5

Maʌ̃ carea Ãcõrẽda, Moise sid̶a nãwã biẽ́ jara duanesid̶aa: –¿Bʌa dairãra Egiptod̶eba ẽdrʌ enesica naʌ̃ ẽjũã põãsa ewaraga b̶ʌd̶e quininamãrẽã? Cod̶ira neẽ́a. Baido sid̶a neẽ́a. Idjab̶a naʌ̃ maná warraẽ́ tab̶ʌ co panʌba sẽ panʌa.–

Luca 12:30

Jũma maʌ̃gʌra naʌ̃ ẽjũãnebemarãba jʌrʌbadaa, baribʌrʌ bãrã Zeza Ãcõrẽba cawa b̶ʌa bãrãba cãrẽda erob̶ead̶ida panʌda.

Juaʌ̃ 6:49

Bãrã drõã naẽnabemarãba ẽjũã põãsa ewaraga b̶ʌd̶e maná co pananara ab̶abe djico basía. Co pananamĩna beusid̶aa.

Juaʌ̃ 6:58

Mʌ̃ra paʌ̃ bajãneba zed̶a dji araa. Bãrã drõã naẽnabemarãba manára cobadjid̶amĩna jũma beusid̶aa. Baribʌrʌ mʌ̃ra maná quĩrãca b̶ʌẽ́a. Naʌ̃ paʌ̃ co b̶ʌra ewariza zocai b̶aya.–

1 Corinto 10:3

Idjab̶a jũmarãba ab̶ari djico Ãcõrẽba bajãneba diabued̶ada cobadjid̶aa.

Hebreo 9:4

Quera bá diabadada mama b̶asia. Maʌ̃ra oroba jũma bʌrá b̶asia. Ãcõrẽ baurude sid̶a b̶asia. Maʌ̃ sid̶a oroba jũma bʌrá b̶asia. Eped̶eco jũgurua oro od̶ada manába bira b̶ʌda maʌ̃ bauruded̶e ed̶a b̶asia. Aaroʌ̃ bacuru tununa sid̶a ed̶a b̶asia. Ãcõrẽba diad̶a ley mõgara pewed̶ead̶e b̶ʌd̶a sid̶a ed̶a b̶asia.

Josue 5:12

Mamaʌba ʌ̃taa manára waa odjaẽ́ basía israelerãba cod̶amãrẽã. Maʌ̃ poad̶e Canaaʌ̃ ẽjũãne zau b̶ʌda co panesid̶aa.

Apocalipsi 2:17

Dji cʌwʌrʌ bara b̶ʌba ũrĩdua Ãcõrẽ Jaureba djabarãa jara b̶ʌra. Cadjirua poyaped̶ad̶arãa mʌ̃a maná mẽrã b̶ad̶ara cobiya idjab̶a mõgara zaque totroa quiruda diaya. Maʌ̃ mõgara zaqued̶e trʌ̃ djiwid̶ida b̶ʌ́ b̶ʌa. Ni ab̶aʌba maʌ̃ trʌ̃ra adua b̶ʌa. Baribʌrʌ dji edabʌrʌba cawaya.”