Exodo 15:2 - Ãcõrẽ Bed̶ea

² Ãcõrẽba mʌ̃́a ʌb̶ʌada dia b̶ʌa. Idji carea mʌ̃ra trʌ̃ã b̶ʌa. Idjia mʌ̃ra ẽdrʌ edasia. Idjira mʌ̃ Ãcõrẽa. Mʌ̃a idjía bia bed̶eaya. Idjira mʌ̃ zezaba ĩjã b̶ad̶a Ãcõrẽa. Idjira dji dromaara b̶ʌad̶a aya.

Exodo 15:2 Iomraidhean Croise

Genesi 17:7

Mʌ̃a bʌ ume, bʌd̶eba yõbʌda ume bid̶a bed̶ea b̶ʌd̶ara naʌ̃gʌa: mʌ̃ra ewariza bʌ Ãcõrẽa idjab̶a ãdjirã Ãcõrẽ baya. Mʌ̃a bãrãra waga b̶aya idjab̶a bãrãba mʌ̃ra ẽpẽ panania.

Genesi 49:18

¡Ay Ãcõrẽ, mʌ̃a jʌ̃ã b̶ʌa bʌa mʌ̃ra ẽdrʌ b̶ʌmãrẽã!

2 Samuel 7:24

Bʌa dai israelerãra b̶ʌsia ewariza bʌ puruda b̶amãrẽã. Maʌ̃ne bʌra dai Ãcõrẽda b̶esia.

2 Samuel 7:5

–Mʌ̃ nezoca Davia nãwã jarad̶e wãdua: “Ãcõrẽba nãwã jara b̶ʌa: bʌa mʌ̃ itea de dromada oiẽ́ b̶ʌa.

Exodo 14:13

Baribʌrʌ Moiseba ãdjirãa jarasia: –Ne wayarãnadua. Necai duananadua. Id̶i ununia sãwã Ãcõrẽba bãrãra egiptorãba ẽpẽ panʌnebemada ẽdrʌ b̶ʌida. Id̶iba ʌ̃taa bãrãba naʌ̃ egiptorã bãrã caid̶u zebʌdara waa ununaẽ́a.

Exodo 3:6

Mʌ̃ra bʌ zezaba ĩjã b̶ad̶a Ãcõrẽa. Abrahaʌ̃ba, Isaba, idjab̶a Jacoboba mʌ̃ra ĩjã panasid̶aa.– Maʌ̃ne Moiseba Ãcõrẽra waya b̶ʌ bẽrã idji quĩrãdarrara jũãtrʌsia Ãcõrẽ acʌ amaaba.

Exodo 4:22

Mãwãnacarea Egiptod̶ebema boroa jaradua: “Ãcõrẽba nãwã jara b̶ʌa: mʌ̃a Israel purura mʌ̃ umaquĩrã warra dji nabemaana abaria.

Exodo 40:34

Jũma pãrãnacarea jʌ̃rãrã ʌ̃tʌba ed̶aa jira b̶ʌba Ãcõrẽ wua dera ãnã edasia. Maʌ̃ne Ãcõrẽ quĩrãwãrẽã dorrodorroada maʌ̃ ded̶e ed̶a wãsia. Maʌ̃ba Moisera ed̶a poya wãẽ́ basía.

Exodo 6:7

Mʌ̃a bãrãra mʌ̃ puru babiya. Maʌ̃ne mʌ̃ra bãrã Ãcõrẽ baya. Mãwã bãrãba cawad̶ia mʌ̃drʌ bãrã Ãcõrẽda, mʌ̃a bãrãra Egiptod̶e bia mĩga traja panʌnebemada ẽdrʌ b̶ʌd̶a bẽrã.

Luca 1:77

Bʌa israelerãa cawabiya sãwã Ãcõrẽba ãdji cadjiruara quĩrãdoaped̶a ẽdrʌ edaida.

Luca 2:30

Bʌa ẽdrʌ edabari diai jarad̶ara mʌ̃́a unubisia.

Juaʌ̃ 4:22

Bãrã Samariad̶ebemarãba Ãcõrẽa bia bed̶eabadamĩna idjira adua panʌa. Baribʌrʌ dai judiorãba idjira cawa panʌa, judiorãneba Ãcõrẽba sãwã ẽberãrã ẽdrʌ edabarida cawabi b̶ʌ bẽrã.

Juaʌ̃ 5:23

Mãwã jũmarãba mʌ̃ Zeza waya panʌ quĩrãca mʌ̃ sid̶a wayad̶ia. Mʌ̃ wayaẽ́ b̶ʌba mʌ̃ Zeza sid̶a wayaẽ́ b̶ʌa, mʌ̃ Zezaba mʌ̃ra naʌ̃ ẽjũãnaa diabued̶a bẽrã.

Hecho 4:12

Ab̶a idjiabʌrʌ dadjirãra poya ẽdrʌ edaya. Idji awara Ãcõrẽba ni ab̶aʌda naʌ̃ ẽjũãne b̶ʌẽ́ basía ẽberãrã ẽdrʌ edamãrẽã.–

2 Corinto 5:19

Wãrãda Critod̶eba Ãcõrẽba naʌ̃ ẽjũãnebemarãra idji ume bia b̶ʌsia. Dadjia cadjirua oped̶ad̶ara jũma quĩrãdoasia. Idjab̶a maʌ̃ bed̶ea idji ume bia b̶aid̶ebemada daia diasia jaradiad̶amãrẽã.

Epeso 2:22

Crito ume panʌ bẽrã bãrã sid̶a jũma Ãcõrẽ ẽberãrã ume ãbaa de quĩrãca panʌa. Maʌ̃ ded̶e Ãcõrẽra idji Jaured̶eba b̶abaria.

Pilipo 2:11

Maʌ̃ne jũmarãba ebud̶a jarad̶ia Jesucritora jũmarã Boroda idjab̶a jũmarãda dadjirã Zeza Ãcõrẽa bia bed̶ead̶ia.

Pilipo 4:13

Critod̶eba jũma poya oya idjia mʌ̃́a ʌb̶ʌada dia b̶ʌ bẽrã.

Colosa 2:9

Critora naʌ̃ djarad̶e b̶asimĩna wãrãda Ãcõrẽ basía.

Apocalipsi 15:3

Arpa zabʌdad̶e Ãcõrẽ nezoca Moise trʌ̃ãbida, Oveja Zaque trʌ̃ãbi sid̶a nãwã trʌ̃ã panasid̶aa: Dairã Boro Ãcõrẽ jũma poya b̶ʌ, bʌa o b̶ʌra waib̶ʌa b̶ʌa. Bʌa o b̶ʌ carea ẽberãrãba cawa crĩchad̶aẽ́ panabadaa. Jũmarã Boro, bʌa o b̶ʌra jipa b̶ʌa idjab̶a arid̶e b̶ʌa.

Apocalipsi 19:1

Mãwãnacarea mʌ̃a bajãnaa zocãrã nãwã bed̶ea duanʌda ũrĩsia. ¡Biya quirua dadjirã Boro Ãcõrẽra! Idjiabʌrʌ ẽberãrãra ẽdrʌ edasia. Idjidrʌ dji dromaara b̶ʌa idjab̶a dji ʌb̶ʌara b̶ʌa.