Exodo 14:11 - Ãcõrẽ Bed̶ea

¹¹ Maʌ̃ne ãdjirãba Moisea jarasid̶aa: –¿Bʌa cãrẽ cãrẽã jãwã osi? ¿Cãrẽ cãrẽã Egiptod̶eba dairãra nama pe enesi? ¿Egiptod̶e dairã joud̶i carea ẽjũãra neẽ́ basica? ¿Bʌa dairãra naʌ̃ ẽjũã põãsa ewaraga b̶ʌd̶e beubi carea enesica?

Exodo 14:11 Iomraidhean Croise

Genesi 43:6

Maʌ̃ne Jacobo Israel abadaba iwid̶isia: –Bãrãba ¿cãrẽ cãrẽã maʌ̃ ẽberãa jarasid̶a dewara djabada eropanʌda? Maʌ̃ jaraped̶ad̶aba mʌ̃ra biẽ́ osid̶aa.–

Exodo 13:17

Egiptod̶ebema boroba israelerã idu wãbisid̶e Ãcõrẽba ãdjirãra dji caitaara b̶ʌ óare edeẽ́ basía, maʌ̃ ora pilisteorã druad̶e wã b̶ʌ bẽrã. Ãcõrẽba nãwã crĩchasia: “Israelerã wãbʌdad̶e pilisteorãda ãdji ume djõne zed̶ibʌrʌ, Canaaʌ̃ druad̶aa wãni crĩcha eropananara igarad̶aped̶a Egiptod̶aa jẽda wãnia.”

Exodo 32:1

Moisera Sinai eyad̶eba ed̶aa zeẽ́ b̶ʌda dãrãbʌrʌ bẽrã israelerãra Aaroʌ̃maa wãnaped̶a nãwã jarasid̶aa: –Jãʌ̃ Moiseba dairãra Egiptod̶eba ẽdrʌ enesia, baribʌrʌ idji sãwãnada dairãba cawad̶aẽ́a. Maʌ̃ bẽrã dairã nocod̶aa edemãrẽã ãcõrẽda odua.–

Exodo 5:21

Dji traja panʌ bororãba ãdjía jarasid̶aa: –Ãcõrẽba bãrãra cawa oya. Bãrãdrʌ bed̶ead̶e panʌa dairãra Egiptod̶ebema boro quĩrãpita, dji dromarã quĩrãpita bid̶a biẽ́ panebʌda carea. Id̶ibʌrʌ bãrãba dairãra quenabid̶ia.–

Exodo 5:22

Maʌ̃be Moiseba Ãcõrẽa iwid̶isia: –¡Mʌ̃ Boro! ¿Cãrẽ cãrẽã bʌ purura biẽ́ o b̶ʌ? ¿Cãrẽ cãrẽã mʌ̃ra diabuesi?

Numero 11:1

Mãwã nĩnane israelerãra ãdji bia mĩga panʌ carea Ãcõrẽ quĩrãpita biẽ́ bed̶ea duanesid̶aa. Maʌ̃ ũrĩsid̶e Ãcõrẽra quĩrũped̶a tʌbʌ uruada ãdjirãmaa eradrʌbisia. Maʌ̃ tʌbʌ uruaba puru iquid̶abema deda ʌ̃cʌrʌ bácuasia.

Numero 11:15

Bʌa naʌ̃ puruda mʌ̃dub̶aʌa edebibʌrʌ biara b̶ʌa mʌ̃ra beaida. Bʌa wãrãda mʌ̃da bia unu b̶ʌbʌrʌ, mʌ̃ra beadua waa bia mĩgarãmãrẽã.–

Numero 14:22

Naʌ̃ ẽberãrã ni ab̶aʌda mʌ̃a ãdji drõã naẽnabemarãa diai jarad̶a ẽjũãne idu jũẽbiẽ́a. Ãdjirãba mʌ̃ quĩrãwãrẽã dorrodorroada unuped̶ad̶amĩna idjab̶a Egiptod̶e, ẽjũã põãsa ewaraga b̶ʌd̶e bid̶a mʌ̃a ne ununaca o b̶ʌda unuped̶ad̶amĩna mʌ̃ra ĩjãnaẽ́ basía. Ãtebʌrʌ mʌ̃a poya oẽ́ quĩrãca b̶arima zocãrã biẽ́ bed̶easid̶aa. Mʌ̃da igaraped̶ad̶a bẽrã ãdjirã ni ab̶aʌda Canaaʌ̃ druad̶e jũẽnaẽ́a.

Numero 16:41

Nurẽma jũma israelerãba wayacusa Moiseda Aaroʌ̃ sid̶a nãwã biẽ́ jara duanesid̶aa: –¡Bãrãba Ãcõrẽ ẽberãrãra beasid̶aa!–