Exodo 14:10 - Ãcõrẽ Bed̶ea

¹⁰ Israelerãba Egiptod̶ebema boro, idji sordaorã ume ãdji caid̶u zebʌdada unusid̶ad̶e bio ne wayad̶aped̶a Ãcõrẽa quĩrã djuburiada iwid̶i duanesid̶aa.

Exodo 14:10 Iomraidhean Croise

Exodo 13:17

Egiptod̶ebema boroba israelerã idu wãbisid̶e Ãcõrẽba ãdjirãra dji caitaara b̶ʌ óare edeẽ́ basía, maʌ̃ ora pilisteorã druad̶e wã b̶ʌ bẽrã. Ãcõrẽba nãwã crĩchasia: “Israelerã wãbʌdad̶e pilisteorãda ãdji ume djõne zed̶ibʌrʌ, Canaaʌ̃ druad̶aa wãni crĩcha eropananara igarad̶aped̶a Egiptod̶aa jẽda wãnia.”

Exodo 15:25

Maʌ̃ carea Moiseba Ãcõrẽa quĩrã djuburiada iwid̶isia. Maʌ̃ne Ãcõrẽba Moisea bacuru tab̶ʌda unubisia. Maʌ̃ bacuruda Moiseba baidod̶e b̶atabuesid̶e baido asea b̶ad̶ara cũã b̶esia. Mama Ãcõrẽba naʌ̃ bed̶eada b̶ʌsia israelerãba ĩjãni cawaya.

Josue 24:6

Egiptod̶eba ẽdrʌ enebʌrʌd̶e Pusa Purru icawa jũẽsid̶aa. Maʌ̃ne Egiptod̶ebema carretad̶eba djõbadarãba, cawayod̶eba djõbadarã bid̶a bãrãra ẽpẽsid̶aa ab̶a Pusa Purrud̶aa.

Josue 24:7

Maʌ̃ne bãrãba quĩrã djuburiada iwid̶id̶aped̶a mʌ̃a bãrã jẽdaare jʌ̃rãrã pãĩmada jira b̶ʌsia egiptorã nocoare. Egiptorãba Pusa Purrud̶e bãrã ẽpẽsid̶ad̶e mʌ̃a pusaa ãdjirãra ãnẽb̶ari edabisia. Mʌ̃a egiptorã cawa od̶ara bãrãba bio cawa panʌa bãrã drõãrãba unuped̶ad̶a bẽrã. Mãwãnacarea bãrãra ẽjũã põãsa ewaraga b̶ʌd̶e bio dãrã pʌrrʌa nĩbasid̶aa.

1 Juaʌ̃ 4:18

Dadjirãba Ãcõrẽda, jũma ẽberãrã sid̶a quĩrĩã panʌbʌrʌ, Ãcõrẽba cawa oid̶ebemada wayad̶aẽ́ panʌa, wãrã quĩrĩãba maʌ̃ wayad̶ira jõbibari bẽrã. Ãcõrẽba cawa oi waya b̶ʌba cawa b̶ʌa Ãcõrẽba idjira cawa oida. Idjia Ãcõrẽra, jũma ẽberãrã sid̶a wad̶ibid̶a wãrãda quĩrĩã b̶ʌẽ́a.