Exodo 13:19 - Ãcõrẽ Bed̶ea

¹⁹ Maʌ̃ne Moiseba Jose querasi b̶ʌwʌrʌra edesia Canaaʌ̃ druad̶e tʌb̶ari carea. Mãwã osia Jose querasiba naẽna israelerãa wãrãneba jarabid̶a bẽrã mãwã od̶amãrẽã. Jose querasiba nãwã jarasia: –Wãrãda Ãcõrẽba bãrãra carebaya. Maʌ̃ ewarid̶e bãrãba mʌ̃ b̶ʌwʌrʌra namaʌba Canaaʌ̃ druad̶aa tʌb̶arid̶e eded̶adua.–

Exodo 13:19 Iomraidhean Croise

Genesi 48:21

Mãwãped̶a Israelba Josea jarasia: –Dãrãẽ́ne mʌ̃ra beuya. Baribʌrʌ Ãcõrẽra bãrã ume b̶aya. Idjia bãrãra bãdji drõãenabemarã druad̶aa jẽda edeya.

Exodo 4:31

Maʌ̃ bẽrã Aaroʌ̃ba jarad̶ara ĩjãsid̶aa. Ãcõrẽba ãdji bia mĩga panʌda unuped̶a ãdjirã carebai carea b̶ʌda ĩjãsid̶aa. Maʌ̃ bẽrã chĩrãborod̶e b̶arru copanenaped̶a Ãcõrẽa bia bed̶easid̶aa.

Luca 1:58

Idji caita panabadaba, idji ẽberãrã bid̶a maʌ̃ ũrĩsid̶ad̶e idji ume b̶ʌsrid̶asid̶aa Ãcõrẽba bio quĩrã djuburiad̶a bẽrã.

Luca 7:16

Maʌ̃ carea dji arima duanʌra bio dauperasid̶aa. Jũmarãba Ãcõrẽra nãwã bia jarasid̶aa: –Wãrãda Ãcõrẽneba bed̶eabari dji dromada dadjirã tãẽna jũẽsia. Ãcõrẽba idji purura carebad̶e ze b̶ʌa.–

Hecho 7:15

Mãwã Jacobora Egipto druad̶e jũẽsia. Mama dãrã b̶aped̶a jaid̶asia. Idji warrarã sid̶a mama jaid̶asid̶aa.

Hecho 7:16

Maʌ̃be ãdjira Siqueʌ̃ purud̶aa edesid̶aa. Mama beud̶a tʌb̶aribada uriad̶e b̶ʌsid̶aa. Maʌ̃ uriara Abrahaʌ̃ba Hamo warrarãa nẽdod̶a basía.

Hebreo 11:22

Jose beuyama b̶asid̶e Ãcõrẽda ĩjã b̶ad̶a bẽrã israelerãra Egipto druad̶eba ẽdrʌd̶iad̶a asia. Ẽdrʌbʌdad̶e idji b̶ʌwʌrʌra Canaaʌ̃ druad̶aa joud̶e eded̶aduad̶a asia.

Josue 24:32

Israelerãba Jose querasi b̶ʌwʌrʌ Egiptod̶eba eneped̶ad̶ara Siqueʌ̃ne tʌb̶arisid̶aa. Dji ẽjũãra Jacoboba Hamo warrarãa cien parata torrobari nẽdosia. Hamora Siqueʌ̃ zeza basía. Maʌ̃ ẽjũãra Josed̶eba yõped̶ad̶arãba edasid̶aa.