Exodo 13:18 - Ãcõrẽ Bed̶ea

¹⁸ Maʌ̃ carea Ãcõrẽba ãdjirãra ẽjũã põãsa ewaraga b̶ʌd̶e wã b̶ʌ óare edesia. Maʌ̃ ora Pusa Purru abadad̶aa wã b̶ʌa. Egiptod̶eba ẽdrʌsid̶ad̶e israelerãra djõne wãbʌda quĩrãca wãsid̶aa.

Exodo 13:18 Iomraidhean Croise

Genesi 50:25

Maʌ̃ne Joseba Israel ẽberãrãa jarasia: –Wãrãda Ãcõrẽba bãrãra carebaya. Maʌ̃ ewarid̶e bãrãba mʌ̃ b̶ʌwʌrʌra namaʌba Canaaʌ̃ druad̶aa tʌb̶arid̶e eded̶adua.– Maʌ̃gʌra Joseba Israel ẽberãrãa wãrãneba jarabisia.

Exodo 12:51

Ara maʌ̃ ewarid̶e Ãcõrẽba israelerãra Egiptod̶eba jũma ẽdrʌ edesia sordaorã djõne wãbada quĩrãca.

Exodo 14:2

–Israelerãa jaradua Pi-Ajirod̶aa jẽda wãnamãrẽã. Jãma Migdol puru quĩrãpe pusa icawa ãdji wua dera Baal-Zepoʌ̃ caita ocuad̶ida panʌa.

Exodo 14:9

Jũma Egiptod̶ebema sordaorãra israelerã caid̶u wãsid̶aa; cawayod̶eba djõbadarãda, carretad̶eba djõbadarãda, waabema sordaorã sid̶a. Israelerãra pusa icawa Pi-Ajiro caita Baal-Zepoʌ̃ quĩrãpe unune wãsid̶aa.

Josue 1:14

Jãʌ̃be bãrã quimara, warrarãra, animarã sid̶a nama amenadua naʌ̃ Jordaʌ̃ do orroare Moiseba diad̶a ẽjũãne. Baribʌrʌ bãrã mẽsrã b̶eaba djõni careabemada edad̶aped̶a na chãnida panʌa. Chãnaped̶a dairãare djõnida panʌa ab̶a dadji Ãcõrẽba dairãa diai jarad̶a ẽjũã edabʌdad̶aa. Idjia bãrã naʌ̃ ẽjũãne necai b̶ʌd̶a quĩrãca dairã sid̶a maʌ̃ ẽjũãne necai b̶ʌya. Mãwãnacarea bãrãra namaa jẽda zed̶ida panʌa bãrã ẽjũã Jordaʌ̃ dod̶eba ʌ̃mãdau odjabariare b̶ʌd̶aa, Ãcõrẽ nezoca Moiseba naʌ̃ ẽjũãra bãrãa diad̶a bẽrã.–

Josue 4:12

Maʌ̃ awara Rubeʌ̃neba, Gad̶eba, idjab̶a ʌ̃cʌrʌ Manased̶eba yõped̶ad̶a mẽsrã b̶eara chãnaped̶a waabema israelerã na wãsid̶aa Moiseba ãdjirãa jarad̶a quĩrãca.

Josue 4:13

Maʌ̃ mẽsrã b̶eara cuarenta mil panasid̶aca b̶ʌa. Ãdjia Ãcõrẽ quĩrãpita jaraped̶ad̶a quĩrãca Jerico jewed̶ad̶aa wãsid̶aa djõni carea.