Exodo 12:41 - Ãcõrẽ Bed̶ea

⁴¹ Maʌ̃ cuatrociento treinta poa daucha jũẽsid̶e israelerãra Ãcõrẽ sordaorã quĩrãca Egipto druad̶eba jũma ẽdrʌsid̶aa.

Exodo 12:41 Iomraidhean Croise

Genesi 50:24

Ewari ab̶a Joseba idji djabarãa jarasia: –Mʌ̃ra dãrãẽ́ne beuya, baribʌrʌ Ãcõrẽba bãrãra carebaya. Idjia bãrãra, bãrãneba yõbʌdarã sid̶a naʌ̃ druad̶eba Canaaʌ̃ druad̶aa edeya. Maʌ̃ druara idjia Abrahaʌ̃a, Isaa, Jacoboa bid̶a wãrãneba diai jarasia.–

Exodo 12:17

Bãrãba paʌ̃ dji ẽsãbari neẽ́ cobada ewarida o pananida panʌa, maʌ̃ ewarid̶e mʌ̃a bãrãra Egiptod̶eba ẽdrʌ eded̶a bẽrã sordaorã djõne wãbada quĩrãca. Poa zebʌrʌza bãrãba, bãrã warrarãneba yõbʌda bid̶a maʌ̃ ewari dromara o pananida panʌa.

Exodo 12:51

Ara maʌ̃ ewarid̶e Ãcõrẽba israelerãra Egiptod̶eba jũma ẽdrʌ edesia sordaorã djõne wãbada quĩrãca.

Exodo 13:14

Id̶iba ʌ̃taa bãrã warrarãba iwid̶ibʌdad̶e: “¿Cãrẽ cãrẽã jãwã obada?”, bãrãba nãwã panunida panʌa: “Jãwã obadaa Ãcõrẽba idji ʌb̶ʌad̶eba dadjirãra Egiptod̶e nezoca b̶ead̶ada ẽdrʌ edad̶a bẽrã.

Exodo 13:16

Mãwã obadara dadji jʌwad̶e wa dratud̶e sẽyã quĩrãca b̶ʌa. Maʌ̃ba quĩrãnebabi b̶ʌa Ãcõrẽba idji ʌb̶ʌad̶eba dadjirãra Egiptod̶eba ẽdrʌ edasida.”–

Exodo 13:3

Maʌ̃be Moiseba israelerãa jarasia: –Naʌ̃ ewarira quĩrãnebad̶adua Ãcõrẽba idji ʌb̶ʌad̶eba bãrãra Egiptod̶e nezoca b̶ead̶ada ẽdrʌ edad̶a bẽrã. Poaza ara naʌ̃ ewari quĩrãca bãrãba paʌ̃ ẽsãbari bara b̶ʌda cocara panʌa bãrã Egiptod̶eba ẽdrʌped̶ad̶ara quĩrãnebad̶i carea.

Exodo 13:9

Naʌ̃ ewari obadara bãrã jʌwad̶e wa dratud̶e sẽyã quĩrãca b̶ʌa. Maʌ̃ba quĩrãnebabi b̶aya bãrãba Ãcõrẽ leyra jaradia pananida panʌda idji ʌb̶ʌad̶eba dadji israelerãra Egiptod̶eba ẽdrʌ edad̶a bẽrã.

Exodo 3:10

Maʌ̃ carea mʌ̃a bʌra Egiptod̶ebema boromaa diabueya. Idjía jaradua mʌ̃ puru Israel ẽdrʌ b̶ʌmãrẽã. Ẽdrʌ b̶ʌsira ãdjirãra Egiptod̶ebemada ãyã pe ededua.–

Exodo 3:8

Maʌ̃ bẽrã mʌ̃a ãdjirãra egiptorã jʌwaed̶a panʌnebemada ẽdrʌ b̶ʌi carea ze b̶ʌa. Egipto druad̶ebemada ẽdrʌ b̶ʌped̶a mʌ̃a dewara druad̶aa edeya. Maʌ̃ druara bio bia b̶ʌa idjab̶a waib̶ʌa b̶ʌa. Maʌ̃ druad̶e baridua ne uped̶ad̶ara bia zaubaria. Mama cananeorãda, hititarãda, amorreorãda, perezeorãda, heveorãda, idjab̶a jebuseorã sid̶a duanʌa.

Exodo 6:26

Ãcõrẽba maʌ̃ Aaroʌ̃a, Moisea bid̶a jarasia israelerã Egiptod̶eba ẽdrʌ eded̶amãrẽã sordaorã djõne wãbada quĩrãca.

Exodo 6:6

Jãʌ̃be israelerãa jaradua: “Mʌ̃ra Ãcõrẽa. Mʌ̃ ʌb̶ʌad̶eba ne waib̶ʌada oya egiptorã cawa oi carea. Mãwã mʌ̃a bãrãra Egiptod̶e bia mĩga traja panʌnebemada ẽdrʌ b̶ʌya. Egiptorã jʌwaed̶a panʌnebemada ẽdrʌ b̶ʌya.

Exodo 7:4

Baribʌrʌ bãrãba jara panʌra Egiptod̶ebema boroba ĩjãẽ́a. Maʌ̃ bẽrã mʌ̃ ʌb̶ʌad̶eba mʌ̃a ne ununaca waib̶ʌa b̶eada oya egiptorã cawa oi carea. Mãwã mʌ̃ puru Israelera Egipto druad̶eba ẽdrʌ edeya sordaorã djõne wãbada quĩrãca.

Levitico 23:43

Mãwã bãrã warrarãneba yõbʌdarãba cawad̶ia bãrãra warrewarreabema de zaqued̶e panabadjid̶ada mʌ̃a bãrãra Egiptod̶eba ẽdrʌ enesid̶e. Mʌ̃ra bãrã Ãcõrẽa.”–

Numero 23:22

Ãcõrẽba ãdjirãra Egiptod̶eba ẽdrʌ enesia. Idjid̶eba ãdjirãra bio ʌb̶ʌa b̶eaa, paca mẽã warid̶a quĩrãca.

Juaʌ̃ 7:8

Wãnadua maʌ̃ ewari droma o panʌmaa. Mʌ̃ra wad̶i wãẽ́a mʌ̃ wãi ewarira jũẽẽ́ b̶ʌ bẽrã.–

Hecho 1:7

Jesuba panusia: –Mãwãi ewarira bãrãba cawad̶iẽ́ panʌa. Ab̶abe mʌ̃ Zezabʌrʌ cawa b̶ʌa maʌ̃ ewarira b̶ʌd̶a bẽrã.

Hecho 7:36

Moiseba zocãrã ne ununaca o b̶ʌd̶eba dadji drõã naẽnabemarãra Egiptod̶ebemada ẽdrʌ enesia. Pusa Purrud̶e ne ununacada osia bia chãni carea. Idjab̶a cuarenta poa ẽjũã põãsa ewaraga b̶ʌd̶e bid̶a ne ununacada obadjia.

Josue 24:5

Mãwãnacarea mʌ̃a Moiseda Aaroʌ̃ sid̶a Egiptod̶aa diabuesia bãrã ẽdrʌ enenamãrẽã. Mʌ̃a egiptorãra bia mĩgabiped̶a bãrãra ẽdrʌ enesia.

Josue 5:14

Ẽberãba nãwã panusia: –Mʌ̃ra ni ab̶aʌare b̶ʌẽ́a. Mʌ̃ra Ãcõrẽ sordaorã boro bẽrã ze b̶ʌa.– Maʌ̃ ũrĩsid̶e Josuera idji waya b̶ʌd̶eba chĩrãborod̶e b̶arru cob̶eped̶a iwid̶isia: –Mʌ̃ Boro, mʌ̃ra bʌ nezocaa. ¿Cãrẽda obi quĩrĩã b̶ʌ?–