Exodo 12:3 - Ãcõrẽ Bed̶ea

³ Jũma israelerãa jarad̶adua: naʌ̃ jed̶ecod̶e die ewari jũẽnacarea jũma de bara b̶ea umaquĩrãrãba oveja zaqueda wa chiwatu zaqueda ab̶a awara b̶ʌd̶ida panʌa ãdji ded̶ebemarã itea.

Exodo 12:3 Iomraidhean Croise

Genesi 22:8

Abrahaʌ̃ba panusia: –Warra, Ãcõrẽbʌrʌ oveja zaquera diaya babue diad̶i carea.– Maʌ̃be nocod̶aa wãsid̶aa.

Genesi 4:4

Maʌ̃ne Abelba oveja zaquerã dji naãrã toped̶ad̶ada beaped̶a dji dragada Ãcõrẽa diasia. Ãcõrẽba Abelera idjia diad̶a sid̶a bia unusia.

Exodo 12:2

–Id̶iba ʌ̃taa naʌ̃ jed̶ecora bãrã israelerã itea dji nabema jed̶eco baya.

Exodo 12:21

Ãcõrẽba mãwã jarad̶acarea Moiseba Israeld̶ebema dji bororãda trʌ̃ped̶a nãwã jarasia: –Dji de bara b̶ea umaquĩrãba ãdji ded̶ebemarã itea oveja zaqueda wa chiwatu zaqueda edad̶aped̶a awara b̶ʌd̶adua. Dji ewari jũẽped̶a queubʌrʌd̶e maʌ̃gʌ animarãra bead̶ida panʌa.

Exodo 12:4

Baribʌrʌ ʌ̃cʌrʌ ded̶e zocãrãẽ́be panʌ bẽrã maʌ̃ animarã djarara jũma poya cod̶aẽ́a. Maʌ̃ bẽrã dji de djibariba idji caitabema de djibari ume animarãda ab̶a awara b̶ʌd̶ida panʌa. Maʌ̃ animarã beabʌda ewarid̶e dji djarara ãdji ded̶e b̶earãba cobada quĩrãca diad̶ia.

Exodo 12:6

Maʌ̃ animarãra ewari quĩmãrẽ bio wagad̶ida panʌa. Catorcebema ewari queubʌrʌd̶e jũma israelerãba maʌ̃ animarãra bead̶ida panʌa.

Exodo 14:15

Maʌ̃be Ãcõrẽba Moisea jarasia: –¿Bʌa cãrẽ cãrẽã wad̶ibid̶a mʌ̃́a quĩrã djuburiada iwid̶i b̶ʌ? Israelerãa jaradua nocod̶aa wãnamãrẽã.

Exodo 20:19

Ãdjirãba Moisea jarasid̶aa: –Dairãba quĩrĩãnaẽ́a Ãcõrẽra dairã ume bed̶eaida. Idjida dairã ume bed̶eaibʌrʌ, beud̶ia. Bʌabʌrʌ dairãa bed̶eadua. Maʌ̃drʌ quĩrãcuita ũrĩnia.–

Exodo 4:30

Maʌ̃ne Aaroʌ̃ba ãdjirãa nẽbʌrʌsia jũma Ãcõrẽba Moisea jarad̶ada. Idjab̶a ne ununaca Ãcõrẽba obicuad̶ara ãdjirã quĩrãpita osia.

Exodo 6:6

Jãʌ̃be israelerãa jaradua: “Mʌ̃ra Ãcõrẽa. Mʌ̃ ʌb̶ʌad̶eba ne waib̶ʌada oya egiptorã cawa oi carea. Mãwã mʌ̃a bãrãra Egiptod̶e bia mĩga traja panʌnebemada ẽdrʌ b̶ʌya. Egiptorã jʌwaed̶a panʌnebemada ẽdrʌ b̶ʌya.

Levitico 1:2

–Israelerãa nãwã jaradua: “Ab̶aʌba idji animarãnebemada Ãcõrẽa diaibʌrʌ, pacada, ovejada, wa chiwatuda diaida b̶ʌa.

Levitico 5:6

Idjia cadjirua od̶a carea idji animarãnebema oveja wẽrãda wa chiwatu wẽrãda edeida b̶ʌa Ãcõrẽa babue diabi carea. Maʌ̃be sacerdoteba maʌ̃gʌ animarã dragara Ãcõrẽa babue diaida b̶ʌa maʌ̃ ẽberãba cadjirua od̶a carea.

Juaʌ̃ 1:29

Maʌ̃ nurẽma Juaʌ̃ba Jesuda idjimaa zebʌrʌda unusia. Maʌ̃ne idjia jarasia: –¡Acʌd̶adua! Jãʌ̃drʌ Ãcõrẽ oveja zaquea. Idjid̶eba Ãcõrẽba naʌ̃ ẽjũãnebemarãba cadjirua obadara quĩrãdoaya.

Juaʌ̃ 1:36

Maʌ̃ne Juaʌ̃ba Jesura caita wãbʌrʌda unuped̶a jarasia: –¡Acʌd̶adua! Jari b̶ʌdrʌ Ãcõrẽ Oveja zaquea.–

Juaʌ̃ 12:1

Egiptod̶eba ẽdrʌped̶ad̶a quĩrãnebabada ewari jũẽi carea wad̶i sei ewari b̶ʌd̶e Jesura Betania purud̶aa wãsia Lazaro b̶abarimaa. Maʌ̃ Lazarora Jesuba ʌ̃rẽbabid̶a basía.

Juaʌ̃ 12:12

Nurẽma zocãrã ẽberãrã ewari droma od̶i carea Jerusaleʌ̃naa zeped̶ad̶aba cawasid̶aa Jesura Jerusaleʌ̃ne jũẽbʌrʌda.

1 Corinto 5:7

Maʌ̃ bẽrã harina ẽsãbibari drõã ãyã b̶atabuebʌda quĩrãca maʌ̃ cadjirua o b̶ʌra bãrã tãẽnabemada ãyã b̶ʌd̶adua. Mãwã bãrãra cadjirua neẽ́ b̶ead̶ia harina djiwid̶i bʌratʌd̶a ẽsãbari neẽ́ b̶ʌ quĩrãca. Bãrãra maʌ̃ quĩrãca b̶eaa, Critora dadjirã cadjirua carea beud̶a bẽrã. Idjira dadjirã ẽdrʌ edai carea beaped̶ad̶a oveja basía.

Josue 7:14

Nu mʌ̃ quĩrãpita jũmarãda zed̶ida panʌa. Maʌ̃ne mʌ̃a cawabiya Israel doce purud̶ebemada ab̶a bed̶ead̶e b̶ʌda. Maʌ̃ purura caitaara zeped̶a mʌ̃a cawabiya cai drõã b̶asid̶eba yõped̶ad̶arãda bed̶ead̶e panʌda. Maʌ̃gʌrãra caitaara zed̶aped̶a mʌ̃a cawabiya ab̶aʌ drõãda idji ẽberãrã sid̶a bed̶ead̶e panʌda. Ãdjid̶ebema umaquĩrãrãda caitaara zed̶ida panʌa.

Apocalipsi 13:8

Maʌ̃ne jũma naʌ̃ ẽjũãne b̶eaba maʌ̃ animarãa bia bed̶eabadjid̶aa. Naʌ̃ ẽjũã oi naẽna ãdji trʌ̃ra Oveja Zaqueba erob̶ʌ cartad̶e b̶ʌẽ́ b̶easia. Maʌ̃ cartad̶e ẽberãrã ewariza zocai b̶ead̶i trʌ̃da jũma b̶ʌ́ b̶ʌa.