Exodo 11:3 - Ãcõrẽ Bed̶ea

³ Ãcõrẽba egiptorãa israelerãra bia unubisia. Dji dromarãba, waabema egiptorã bid̶a Moisera dji dromada cawasid̶aa.

Exodo 11:3 Iomraidhean Croise

Genesi 12:2

Bʌd̶eba puru dromada mʌ̃a yõbiya, bʌra bia b̶ʌya, trʌ̃ b̶ʌga b̶ʌya, idjab̶a bʌd̶eba dewararãda bia duanania.

2 Samuel 7:9

Bʌ wãbʌrʌza mʌ̃ra bʌ ume b̶asia. Mʌ̃a bʌ dji quĩrũda poyabisia, idjab̶a mʌ̃a bʌra trʌ̃ b̶ʌga b̶ʌsia naʌ̃ ẽjũãne dewara trʌ̃ b̶ʌga b̶ea quĩrãca.

Exodo 12:35

Ẽdrʌbʌdad̶e israelerãba Moiseba jarad̶a quĩrãca osid̶aa. Ãdjirãba parata od̶ada, oro od̶ada, cacuad̶e jʌ̃bada sid̶a egiptorãa iwid̶isid̶aa.

Exodo 12:36

Ãcõrẽba egiptorãa israelerãra bia unubid̶a bẽrã ne jũma israelerãba iwid̶iped̶ad̶ara ãdjirãba diasid̶aa. Mãwã ne jũma egiptorãba eropananada israelerãba edasid̶aa.

Exodo 3:21

Idjab̶a mʌ̃a o b̶ʌ carea egiptorãba israelerãra bia ununi bẽrã ne diad̶ia. Mãwã israelerãra Egiptod̶eba ẽdrʌbʌdad̶e ara jãwã ẽdrʌd̶aẽ́a.

Hecho 7:22

Mãwã b̶ʌd̶e Egiptod̶ebema ne cawa b̶eaba Moisea ãdji crĩcha cawaara jũma jaradiasid̶aa. Mãwã idjira crĩcha cawaad̶eba bed̶eabadjia idjab̶a ne waib̶ʌada obadjia.

Deuteronomio 34:10

Maʌ̃ ewarid̶eba Moise quĩrãca Ãcõrẽneba bed̶eabarida waa neẽ́ basía. Ãcõrẽra idji ume nẽbʌrʌbadjia.

Deuteronomio 34:11

Maʌ̃ awara Ãcõrẽba ne ununaca Egiptod̶e obi jarad̶ada Moiseba jũma ocuasia. Moised̶eba Egiptod̶ebema borora, dji dromarãra, jũma egiptorã sid̶a cawa osia.

Josue 4:14

Maʌ̃ ewarid̶e Ãcõrẽba Josuera israelerã quĩrãpita dji dromada b̶ʌsia. Mamaʌba ʌ̃taa ewariza israelerãba Josuera waya panesid̶aa Moise waya panana quĩrãca.

Apocalipsi 3:9

¡Ũrĩnadua! Bãrã jĩrũ caita mʌ̃a diauru ẽberãrãda chĩrãborod̶e copanebiya. Maʌ̃ne ãdjirãba cawad̶ia mʌ̃a bãrãra quĩrĩã b̶ʌda. Ãdjirãra Ãcõrẽ ẽberãrãana abadamĩna wãrãẽ́a. Ãdjirãra sewaid̶a b̶eaa.