Exodo 11:1 - Ãcõrẽ Bed̶ea

¹ Maʌ̃be Ãcõrẽba Moisea jarasia: –Mʌ̃a Egiptod̶ebema borora, egiptorã sid̶a wayacusa cawa oya. Mãwã cawa od̶acarea dji boroba bãrã israelerãra idu wãbiya. Ab̶ed̶a bãrãra idji druad̶ebemada ãyã jʌrecuaya.

Exodo 11:1 Iomraidhean Croise

Exodo 12:29

Maʌ̃ diamasi ariquẽtra Ãcõrẽba Egiptod̶ebema umaquĩrã warra dji nabemarãda jũma quinibisia. Egiptod̶ebema boro umaquĩrã warra dji nabemada beusia. Preso b̶ea umaquĩrã warra dji nabemarã sid̶a beusid̶aa. Idjab̶a jũma Egiptod̶ebema animarã warra dji umaquĩrã naãrã tod̶a sid̶a beusid̶aa.

Exodo 3:20

Maʌ̃ bẽrã mʌ̃ ʌb̶ʌada egiptorãa unubiya. Zocãrã ne ununaca waib̶ʌa b̶eada oya ãdjirãra cawa oi carea. Mãwãbʌrʌ Egiptod̶ebema boroba israelerãra idu wãbiya.

Exodo 6:1

Maʌ̃ne Ãcõrẽba Moisea panusia: –Id̶ibʌrʌ bʌa unuya sãwã mʌ̃a Egiptod̶ebema borora cawa oida. Mʌ̃ ʌb̶ʌad̶eba cawa o b̶ʌ carea idjia bãrã israelerãra idu wãbiya. Ab̶ed̶a bãrãra idji druad̶ebemada ãyã jʌrecuaya.–

Exodo 9:14

Baribʌrʌ bʌa mãwã oẽ́bʌrʌ mʌ̃ ʌb̶ʌad̶eba bʌra, dji dromarãra, jũma bʌ druad̶ebemarã sid̶a wetara mĩgabiya. Mãwã bʌa cawaya mʌ̃a obari quĩrãca naʌ̃ ẽjũãne neẽ́da.

Apocalipsi 16:9

Ʌ̃mãdau jʌ̃wʌ̃rʌ̃ãba ãdjirã bio babʌda carea Ãcõrẽda biẽ́ jarabadjid̶aa, idjiabʌrʌ mãwã bia mĩgabi b̶ʌ bẽrã. Baribʌrʌ ãdjia cadjirua obadara igarad̶aẽ́ basía idjab̶a Ãcõrẽdrʌ dji dromaana ad̶aẽ́ basía.

1 Samuel 6:4

Pilisteorãba iwid̶isid̶aa: –Mãẽteara ¿cãrẽda idjía diabued̶i?– Ãdjirãba panusid̶aa: –Bãrã bororãra juesuma panʌ bẽrã nãwã od̶ida panʌa: oroda edad̶aped̶a bãrã cacuad̶e zarega odjacuad̶a quĩrãca juesuma od̶adua. Maʌ̃ awara dadji drua ãrĩ b̶ʌ churi quĩrãca juesuma od̶adua. Maʌ̃gʌra israelerã Ãcõrẽa diabued̶adua bãrãra, bãrã bororã sid̶a bia mĩga panʌ bẽrã. Mãwã bãrãba unubid̶ia idjida waya panʌda. Ãĩbẽrã idjia dadjirãra, dadji ãcõrẽ b̶eada, idjab̶a dadji ẽjũã sid̶a waa biẽ́ oẽ́sicada.