Exodo 10:9 - Ãcõrẽ Bed̶ea

⁹ Moiseba panusia: –Dairãra jũma wãnia. Warra zaquerãra, drõãrãra, dai warrarãra, dai caurã sid̶a wãnia. Dai animarã sid̶a eded̶ia. Dairãra jũma wãnia Ãcõrẽa animarã babue diad̶i bẽrã.–

Exodo 10:9 Iomraidhean Croise

Genesi 50:8

Jose ẽberãrãda, idji djabarãda, idji zeza ẽberãrã sid̶a jũma wãbʌrʌsid̶aa. Ãdji warrarãda, ãdji ovejada, ãdji paca sid̶a Goseʌ̃ne amesid̶aa.

Exodo 10:10

Baribʌrʌ Egiptod̶ebema boroba panusia: –Mãwãẽ́a. Ebud̶a b̶ʌa bãrãba biẽ́ o quĩrĩã panʌda. Ãcõrẽba bãrãra careba b̶ʌad̶a a panʌa. Baribʌrʌ mʌ̃a bãrãra warrarã bara idu wãbiẽ́a. Ab̶abe drõãrãda wãnida panʌa Ãcõrẽa animarãda babue diad̶i carea. ¿Maʌ̃drʌ bãrãba iwid̶i panʌẽ́ca?– Maʌ̃be Egiptod̶ebema boroba Moisera Aaroʌ̃ sid̶a idji quĩrãpitabemada ãyã jʌretabisia.

Exodo 10:26

Maʌ̃ bẽrã dai animarã sid̶a eded̶ia. Ni ab̶a bid̶a amenaẽ́a. Dai animarãnebemada ʌ̃cʌrʌ dai Ãcõrẽa babue diad̶ida panʌmĩna ara nawena adua panʌa sãʌ̃gʌdrʌ mãwã od̶ida panʌda. Araa jũẽped̶ad̶acarea cawad̶ia.–

Exodo 12:32

Bãrã animarã sid̶a jũma eded̶adua bãrãba jara panʌ quĩrãca. Idjab̶a Ãcõrẽa iwid̶id̶adua mʌ̃ carebamãrẽã.–

Exodo 12:37

Egiptod̶eba ẽdrʌsid̶ad̶e israelerãra Ramese purud̶eba Suco purud̶aa wãsid̶aa. Seisciento mil drõãrãda jĩrũba wãsid̶aa wẽrãrã, warrarã sid̶a juachad̶aẽ́.

Exodo 12:38

Ãdji animarã zocãrã eropanʌ sid̶a jũma edesid̶aa. Israelerã ume dewara ẽberãrã sid̶a zocãrã wãsid̶aa.

Exodo 13:6

Siete ewari bãrãba paʌ̃ dji ẽsãbari neẽ́ b̶ʌda cod̶ida panʌa. Maʌ̃ siete ewarid̶e paʌ̃ ẽsãbarira ni maãrĩ bid̶a bãrã druad̶e erob̶ead̶iẽ́ panʌa. Jĩrũarebema ewarid̶e Ãcõrẽa bia bed̶ead̶i carea bãrãra ãbaa dji jʌred̶ida panʌa.

Exodo 3:18

Bʌa jarabʌrʌra israelerã bororãba ĩjãnia. Maʌ̃be ãdjirãra bʌ ume ededua Egiptod̶ebema boromaa. Bãrãba idjía jarad̶adua: “Dai hebreorã Ãcõrẽda daima odjaped̶a jarasia idjía animarã babue diad̶e wãnamãrẽã. Maʌ̃ bẽrã dairãra ẽjũã põãsa ewaraga b̶ʌd̶e ewari ũbea idu wãbidua mãwã od̶i carea.”

Exodo 5:1

Mãwãnacarea Moisera, Aaroʌ̃ sid̶a Egiptod̶ebema boromaa wãnaped̶a jarasid̶aa: –Israelerã Ãcõrẽba nãwã jara b̶ʌa: “Mʌ̃ purura ẽjũã põãsa ewaraga b̶ʌd̶e idu wãbidua mʌ̃́a animarãda babue diad̶amãrẽã.”–

Exodo 5:3

Moiseba Aaroʌ̃ bid̶a jarasid̶aa: –Dai hebreorã Ãcõrẽda daima odjaped̶a jarasia idji itea animarãda babue diad̶e wãnamãrẽã. Maʌ̃ bẽrã dairãra ẽjũã põãsa ewaraga b̶ʌd̶e ewari ũbea idu wãbidua mãwã od̶i carea. Mãwã od̶aẽ́bʌrʌ, Ãcõrẽba dairãra cacua biẽ́ b̶ʌped̶a quinibiya wa necoba quenabiya.

Epeso 6:4

Zezarã, bãrã warrarãra quĩrũbirãnadua. Ãtebʌrʌ quĩrãcuita jaradia panʌneba idjab̶a jipa obi panʌneba dadjirã Boroba quĩrĩã b̶ʌ quĩrãca daupẽnadua.

Josue 24:15

Baribʌrʌ bãrãba dadji Ãcõrẽda ẽpẽ quĩrĩãnaẽ́bʌrʌ, id̶i jarad̶adua sãʌ̃gʌda ẽpẽnida: dadji drõã naẽnabemaba Euprate do quĩrãrẽ ẽpẽ pananada wa naʌ̃ druad̶e amorreorãba ẽpẽ panʌda. Baribʌrʌ mʌ̃a, mʌ̃ quimaba, mʌ̃ warrarã bid̶a Ãcõrẽdrʌ ẽpẽnia.–