Exodo 10:25 - Ãcõrẽ Bed̶ea

²⁵ Moiseba panusia: –Mãwãẽ́a. Bʌa dai animarãra idu edebida b̶ʌa ʌ̃cʌrʌ dai Ãcõrẽa bea diad̶ida panʌ bẽrã idjab̶a ʌ̃cʌrʌ idjía babue diad̶ida panʌ bẽrã.

Exodo 10:25 Iomraidhean Croise

Genesi 8:20

Maʌ̃be Noéba mõgarada ʌ̃tʌ pã buesia animarã Ãcõrẽa babue diai carea. Mãwã oped̶a Ãcõrẽa babue diaida b̶ʌ animarãda, ĩbana sid̶a ab̶a ab̶a beacuasia. Beacuaped̶a mõgara ʌ̃tʌ pã bued̶a ʌ̃rʌ̃ Ãcõrẽa babue diasia.

Exodo 10:24

Maʌ̃be Egiptod̶ebema boroba Moisera trʌ̃biped̶a nãwã jarasia: –Bãrãra bãdji warrarã bara wãnida panʌa Ãcõrẽa animarãda babue diad̶i carea. Baribʌrʌ bãrã animarãra amenida panʌa.–

Exodo 10:26

Maʌ̃ bẽrã dai animarã sid̶a eded̶ia. Ni ab̶a bid̶a amenaẽ́a. Dai animarãnebemada ʌ̃cʌrʌ dai Ãcõrẽa babue diad̶ida panʌmĩna ara nawena adua panʌa sãʌ̃gʌdrʌ mãwã od̶ida panʌda. Araa jũẽped̶ad̶acarea cawad̶ia.–

Exodo 20:24

Animarã babue diabada mʌ̃ itea od̶i carea egoroda ʌ̃tʌ boromea bued̶adua. Bãrã ovejada, chiwatuda, paca sid̶a bead̶aped̶a maʌ̃ ʌ̃rʌ̃ mʌ̃́a babue diad̶ida panʌa. Maʌ̃ awara mʌ̃ ume necai b̶ai careabema animarãda maʌ̃ ʌ̃rʌ̃ diad̶ida panʌa. Mʌ̃a bãrãa jarabʌrʌma ara maʌ̃ quĩrãca od̶adua mʌ̃da bia jarad̶i carea. Mama mʌ̃ra zeya bãrã carebai carea.

Levitico 16:9

Chiwatu mʌ̃ itea b̶ed̶ara Aaroʌ̃ba babue diai carea b̶ʌya israelerãba cadjirua oped̶ad̶a carea.