Exodo 10:23 - Ãcõrẽ Bed̶ea

²³ Maʌ̃ ewari ũbead̶e ni ab̶aʌda idji diguid̶aʌba poya ãyã wãnaẽ́ basía. Ni ãdji caita b̶ea sid̶a poya ununaẽ́ basía. Baribʌrʌ israelerã panʌma ʌ̃na b̶asia.

Exodo 10:23 Iomraidhean Croise

Exodo 7:25

Ãcõrẽba Nilo do oa babid̶acarea siete ewari b̶asia.

Exodo 8:18

Maʌ̃be Egiptod̶ebema daubararãba ãdji necawaad̶eba ab̶ari quĩrãca pochĩdauda o quĩrĩãsid̶aa. Mãwãmĩna poya od̶aẽ́ basía. Mãwã panʌne ẽberãrãra, animarã sid̶a pochĩdauba ca eropanasid̶aa.

Exodo 8:19

Maʌ̃ bẽrã daubararãba Egiptod̶ebema boroa jarasid̶aa: –Moiseba Aaroʌ̃ ume pochĩdau oped̶ad̶ara Ãcõrẽ ʌb̶ʌad̶eba osid̶aa.– Mãwã jaraped̶ad̶amĩna Egiptod̶ebema borora so zarea b̶esia. Idjia ĩjãẽ́ basía Moiseba Aaroʌ̃ bid̶a jaraped̶ad̶ara Ãcõrẽba jarad̶a quĩrãca.

Exodo 8:22

Baribʌrʌ maʌ̃ ewarid̶e Goseʌ̃ druad̶e mʌ̃a mãwã oẽ́a. Mʌ̃ ẽberãrãda mama panʌ bẽrã ĩgananara neẽ́ baya. Mʌ̃ purura bʌ puru quĩrãca oẽ́a. Maʌ̃ba bʌa cawaya mʌ̃abʌrʌ naʌ̃ druad̶e mãwã o b̶ʌda. Maʌ̃ ne ununacara nu oya.”–

Exodo 9:26

Ab̶abe Goseʌ̃ druad̶e israelerã duanʌmaa hielora jurruẽ́ basía.

Exodo 9:4

Baribʌrʌ Ãcõrẽba animarã dai israelerãneda mãwã oẽ́a. Dai animarãra ni ab̶a bid̶a beud̶aẽ́a egiptorã animarã quĩrãca.

Colosa 1:13

Ãcõrẽba dadjirãra diauru jʌwaed̶abemada ẽdrʌ edaped̶a b̶ʌsia idji Warra quĩrĩã b̶ʌba pe erob̶amãrẽã.

Josue 24:7

Maʌ̃ne bãrãba quĩrã djuburiada iwid̶id̶aped̶a mʌ̃a bãrã jẽdaare jʌ̃rãrã pãĩmada jira b̶ʌsia egiptorã nocoare. Egiptorãba Pusa Purrud̶e bãrã ẽpẽsid̶ad̶e mʌ̃a pusaa ãdjirãra ãnẽb̶ari edabisia. Mʌ̃a egiptorã cawa od̶ara bãrãba bio cawa panʌa bãrã drõãrãba unuped̶ad̶a bẽrã. Mãwãnacarea bãrãra ẽjũã põãsa ewaraga b̶ʌd̶e bio dãrã pʌrrʌa nĩbasid̶aa.

1 Pedro 2:9

Baribʌrʌ bãrãra Ãcõrẽba edad̶arãa, jũmarã Boro Ãcõrẽ sacerdoterãa, idji itea b̶ʌd̶a ẽberãrãa, idji purua. Mãwã Ãcõrẽba bio biya od̶ad̶ebemada bãrãba bed̶eabadaa. Ãcõrẽba bãrãra pãĩmanebemada trʌ̃sia idji ʌ̃naa bio biya quirud̶e b̶ead̶amãrẽã.