Exodo 10:21 - Ãcõrẽ Bed̶ea

²¹ Maʌ̃be Ãcõrẽba Moisea jarasia: –Bʌ jʌwara ʌ̃taa bajãnaa wadua. Maʌ̃ne ewarira qui dogoya. Jũma Egipto druad̶e ab̶ed̶a pãĩsosoa nũmeya.–

Exodo 10:21 Iomraidhean Croise

Exodo 7:19

Idjab̶a Ãcõrẽba Moisea jarasia: –Aaroʌ̃a jaradua bʌ bacuruda edamãrẽã. Idjia maʌ̃ bacuru ʌ̃taa wabʌrʌd̶e jũma Egiptod̶e b̶ʌ baidora oa baya. Dora, do zaquera, amenera, baido juebada uriad̶e b̶ʌra, zoco waib̶ʌad̶e jue erob̶eara, jiadod̶e jue erob̶ea sid̶a jũma oa baya.–

Exodo 9:22

Maʌ̃be Ãcõrẽba Moisea jarasia: –Bʌ jʌwara bajãnaa ʌ̃taa wadua. Maʌ̃ne jũma Egipto druad̶e hielora ẽberãrã ʌ̃rʌ̃, animarã ʌ̃rʌ̃, idjab̶a néud̶e bid̶a jurruzoaya.–

Mateo 27:45

Umatipa ʌ̃mãdaura quisia. Maʌ̃ba naʌ̃ ẽjũãra hora ũbea jũma pãĩma nũmasia.

Marco 15:33

Umatipa ʌ̃mãdaura quisia. Maʌ̃ba naʌ̃ ẽjũãra hora ũbea jũma pãĩma nũmasia.

Luca 23:44

Umatipa ʌ̃mãdaura quisia. Maʌ̃ba naʌ̃ ẽjũãra hora ũbea jũma pãĩma nũmasia. Ãcõrẽ de dromane ed̶a wua eatʌ jira b̶ʌra ẽsidra cõã dogosia.

2 Pedro 2:17

Sewa jaradiabadara do zaque baido neẽ́ b̶ʌ quĩrãca b̶eaa. Ãdjirãra jʌ̃rãrã nãũrãba ãyã edebʌrʌ quĩrãca b̶eaa. Nãũrãba jʌ̃rãrã ãyã edebʌrʌd̶e cue zecaa. Ara maʌ̃ quĩrãca ãdjia jaradia panʌba carebacaa. Ãcõrẽba uria bio pãĩsosoa b̶ʌda o b̶ʌsia ãdjirã biẽ́ b̶ʌi carea.

2 Pedro 2:4

Bajãnebema nezocarãba cadjirua osid̶ad̶e Ãcõrẽba quĩrã djuburiaẽ́ basía. Ãtebʌrʌ preso b̶ʌbada uria pãĩsosoa b̶ʌd̶e b̶atacuasia. Mama carenaba jʌ̃ b̶eaa ab̶a Ãcõrẽba cawa oi ewarid̶aa.

Juda 1:13

Ãdjirãra pusa bogozoa quĩrãca b̶eaa. Pusa bogozoaba cõpepea do icawa b̶atabuebari quĩrãca ãdjirãba mĩã perada baridua obadaa. Ãĩ wãped̶ad̶a bẽrã chĩdau b̶aebʌrʌ quĩrãca b̶eaa. Ãcõrẽba uria bio pãĩsosoa b̶ʌda o b̶ʌsia ãdjirã ewariza biẽ́ b̶ʌi carea.

Juda 1:6

Idjab̶a quĩrãnebad̶adua ʌ̃cʌrʌ bajãnebema nezocarãda Ãcõrẽba b̶ʌd̶a quĩrãca b̶ead̶aẽ́ basida. Ãtebʌrʌ ãdji pananara igarasid̶aa. Maʌ̃ carea Ãcõrẽba uria pãĩsosoa b̶ʌd̶e preso b̶ʌcãrĩa ab̶a idjia cawa oi ewarid̶aa.

Apocalipsi 8:12

Mãwãnacarea dewarabema nezocaba idji cachirura zásia. Ara maʌ̃da ʌ̃mãdaura, jed̶eco sid̶a berara ẽsidra pãĩma nũmesia. Chĩdau b̶ea sid̶a berara ẽsidra pãĩmacuasid̶aa. Maʌ̃ bẽrã ãsa b̶aida b̶ad̶ada berara ẽsidra pãĩma nũmasia. Diamasi bid̶a jed̶ecora, chĩdau b̶ea sid̶a ʌ̃na b̶aida b̶ad̶ada berara ẽsidra ʌ̃naẽ́ basía.