Exodo 10:18 - Ãcõrẽ Bed̶ea

¹⁸ Ara maʌ̃da Moisera Egiptod̶ebema boromaʌba ẽdrʌped̶a Ãcõrẽa iwid̶isia.

Exodo 10:18 Iomraidhean Croise

Exodo 10:19

Iwid̶ibʌrʌd̶e Ãcõrẽba nãũrãda dji cãbãyã ʌ̃mãdau b̶aebariareba tʌbisia. Maʌ̃ nãũrãba ad̶ichichira Pusa Purru abadad̶e jũma b̶atabuesia. Ab̶ed̶a ad̶ichichira Egipto druad̶e ni ab̶a bid̶a b̶eẽ́ basía.

Exodo 8:12

Maʌ̃be Moisera Aaroʌ̃ sid̶a Egiptod̶ebema boromaʌba ẽdrʌsid̶aa. Nurẽma Moiseba Ãcõrẽa iwid̶isia baujĩã Egiptod̶ebema boromaa diabued̶ara jõbimãrẽã.

Exodo 8:8

Maʌ̃be Egiptod̶ebema boroba Moisera Aaroʌ̃ sid̶a trʌ̃biped̶a ãdjía nãwã jarasia: –Ãcõrẽa iwid̶id̶adua naʌ̃ baujĩãra mʌ̃nebemada idjab̶a mʌ̃ purud̶ebemada ãyã wãbimãrẽã. Maʌ̃bebʌrʌ mʌ̃a bãrã israelerãra idu wãbiya Ãcõrẽa animarã babue diacuad̶amãrẽã.–

Exodo 8:9

Moiseba panusia: –Bia b̶ʌa. Jaradua sãʌ̃be bʌa quĩrĩã b̶ʌda mʌ̃a Ãcõrẽa iwid̶ida bʌ carea, dji dromarã carea, idjab̶a bʌ druad̶ebemarã carea bid̶a. ¿Sãʌ̃be quĩrĩã b̶ʌ mʌ̃a Ãcõrẽa iwid̶ida naʌ̃ baujĩãra bʌd̶ebemada, bʌ diguid̶abema sid̶a jõbimãrẽã? Iwid̶isira ab̶abe doed̶abʌrʌ baujĩãra baraa baya.–

Numero 11:2

Maʌ̃ carea israelerãba Moisea quĩrã djuburiada iwid̶isid̶aa. Ara maʌ̃da Moiseba ãdjirã carea Ãcõrẽa bed̶ea djuburiabʌrʌd̶e tʌbʌ uruara quisia.

Mateo 5:44

Baribʌrʌ mʌ̃a jaraya: bãrã dji quĩrũra quĩrĩãnadua. Bãrã biẽ́ jarabʌdara bia jarad̶adua; bãrã quĩrãma panʌra bia od̶adua. Ãcõrẽa iwid̶id̶adua ãdjirãra carebamãrẽã.

Luca 6:28

Bãrã biẽ́ jarabadara bia jarad̶adua. Bãrã biẽ́ obada carea Ãcõrẽa iwid̶id̶adua ãdjirãra carebamãrẽã.